චෝදනා වැරදියි කියා නීතිපතිවරයා ‘දිවිනැගුම’ චෝදනා ඉල්ලා අස්කර ගනී.. මහාධිකරණය චෝදනාවලින් බැසිල් නිදහස් කරයි..
December 6, 2016 at 12:00 pm | lanka C news
හිටපු ආර්ථික සංවර්ධන ඇමති බැසිල් රාජපක්ෂ මහතා පසුගිය රජය සමයේ දිවිනැඟුම අරමුදල් අයථා ලෙස භාවිත කලේ යයි නීතිපතිවරයා විසින් ගොනු කරනු ලැබ තිබූ චෝදනාව අද දිනයේ කොළඹ මහාධිකණයේදී රජයේ නීතීඥයින් විසින් ඉල්ලා අස්කර ගත්හ.
එබැවින් එම චෝදනා ගොනු කර තිබූ බැසිල් රාජපක්ෂ මහතා ඇතුළු දෙදෙනෙකු මහාධිකරණය විසින් නිදහස් කර තිබේ.
ගොනුකරනු ලැබූ අධිචෝදනා පත්‍රහන්හි තාක්ෂණික දෝෂයක් ඇති බවත් නිවැරදි කරමින් නැවත නඩු පවරන බවත් නීතිපතිවරයා වෙනුවෙන් පෙනී සිටි රජයේ නීතීඥයින් අධිකරණය දැන්වීය.
ගිය ජනාධිපතිවරණ මැතිවරණ කාලයේදී දිවිනැඟුම අරමුදලෙන් භාවිතා කරමින් තුන්කෝටියක අධික මුදලකින් ලිත් ලක්ෂ 50ක් පමණ මුද්‍රණය කලේ යයි නීතීපතිවරයා විසින් චෝදනා කර තිබූ අතර හිටපු ඇමතිවරයා මේ හේතුවෙන් දින කිහිපයක් රිමාන්ඞ් බන්ධනාගාරයේද පසුවිය.
41 views
