ඡන්ද කල් දාන්න අගමැති ගෙනා යෝජනාවට ශ‍්‍රීලනිපය පයින් ගහයි.. පළාත් සභා තුනක මැතිවරණ කැදවීම ස්ථිරයි..

August 11, 2017 at 2:10 pm | lanka C news
ඡන්ද කල් දාන්න අගමැති ගෙනා යෝජනාවට ශ‍්‍රීලනිපය පයින් ගහයි.. පළාත් සභා තුනක මැතිවරණ කැදවීම ස්ථිරයි..

පසුගිය සිකුරාදා ගැසට් කරන ලද පලාත් සභා මැතිවරණ කල් දැමීමේ 20 වෙනි ආණ්ඩුක්‍රම ව්‍යවස්ථාව සංශෝධනයට අදාළ අමාත්‍ය මණ්ඩල පත්‍රිකාව ගෙන එන ලද්දේ එජාපයේ නායක අග්‍රාමාත්‍ය රනිල් වික්‍රමසිංහ මහතා විසිනි.

එජාපයේ එම ස්ථාවරය ඊයේ පැවති ශ්‍රිලනිප මධ්‍යම කාරක සභාවේ දි ප්‍රතිකේෂ්ප වූයේ ප්‍රජාතන්ත්‍රවාදී මැතිවරණය කල් දැමීම කොහොමත් සුදුසු නොවන බව සනාථ කරමින් ශ්‍රිලනිප මෛත්‍රී පිල ද දෙකඩ කරමිනි.

ඒ අනුව එජාපයේ මැතිවරණයකට මුහුණ නොදි එහි නායක රනිල් වික්‍රමසිංහ මහතාගේ උපක්‍රමය සාර්ථක නොවෙනු ඇත. එබැවින් ස්වාධීන මැතිවරණ කොමිසමේ සභාපතිවරයාට නිසියාකාරව අවශ්‍ය කාලයෙදි පලාත් සභා මැතිවරණය පැවත්වීමට ඇති නෛතික අයිතිය පාර්ලිමේන්තුවට උදුරාගෙන ආණ්ඩුවට ඕන විදියට මැතිවරණ කල් දැමීමට ගත් ප්‍රජාතන්ත්‍ර විරෝධී යහපාලන ප්‍රතිපත්තිය ශූන්‍ය වනු ඇත. එමෙන්ම එජාපයේ මැතිවරණයකට මුහුණ දීමට ඇති බිය තව දුරටත් මේ හරහා උග්‍ර වනු ඇත.

එබැවින් බොහෝ දුරට මෙම යෝජනාව පාර්ලිමේන්තුවේ අවශ්‍ය ඡන්දය නොලැබීමෙන් පරාජය වන නිසා එම ගැසට් නිවේදනය අහෝසි වනු ඇත.

ඒ අනුව මේ ඔක්තෝබර් 2 වෙනිදා සබරගමුව, උතුරු මැද හා නැගෙනහිර පලාත් සභා සඳහා අනිවාර්යයෙන්ම මැතිවරණය පැවත්වෙන දිනය මැතිවරණ කොමිසම සභාපතිවයා විසින් ගැසට් කරනු ඇත.

39 views
Main News