ජනතා මුදල් EPF, BOC හරහා බැදුම්කර මාමයි-බෑණයි හොරා කෑ හැටි තවත් හෙලි වේ.. ආයතන තුනේම ප්‍රධානින් අගමැති පත්කල අයයි..

මහබැංකුවේ බැදුම්කර මගඩිය සම්බන්ධ පසුගියදා පාර්ලිමේන්තුවේ සභාගත කරන ලද කෝප් වාර්තාවට අනුව මහ බැංකුවත් සේවක අර්ථසාධක අරමුදලත් ලංකා බැංකුවත් වන ආණ්ඩුවේ ප්‍රධාන මූල්‍ය ආයතන 3 ම ඉතා උපක්‍රමශීලීව මහජනතාවගේ මුදල් හිටපු මහාබැංකුවේ අධිපති අර්ජූන් මහේන්ද්‍රන්ගේ බෑනාගේ සමාගම වන පර්පුච්චුවල් ට්‍රෙසරීස් සමාගම හරහා භාණ්ඩාගාර බිල්පත් මිලදී ගැනීමට ක්‍රීයා කල ආකාරයෙන් විශාල කොමිස් මුදලක් බෑනගේ සමාගමට උපයා ගැනිමට අවකාශ සලසා ඇති බව හෙලිකරගෙන ඇත.

මෙහි විශේෂත්වය වනුයේ මෙම රජයේ ආයතනයන් 3 සඳහාම ප්‍රධානින්ගේ පත්වීම් කර ඇත්තේ අගමැති රනිල් වික්‍රමසිංහගේ නිර්දේශ මතයි. එනම් මහාබැංකුව සඳහා අර්ජුන් මහේන්ද්‍ර එහි අධිපති ලෙස 2015 ජනවාරි 15 දින අගමැති රනිල් වික්‍රමසිංහගේ නිර්දේශය මත ජනාධිපති මෛත්‍රීපාල සිරිසේන විසින්, සේවක අර්ථසාධක අරමුදල සභාපති මහින්ද මඩිහහේවා 2015 ජනවාරි 23 දින අගමැතිවරයා විසින් සහ ලංකා බැංකුව රෝලන්ඩ් පෙරේර 2015 ජනවාරි 27දින අගමැතිවරයාගේ නිර්දේශ මත මුදල් අමාත්‍ය රවි කරුණානායක විසිනි.

ඒ අනුව ප්‍රස්නගත භාණ්ඩාගාර බැදුම්කර මගඩිය 2015 පෙබරවාරි 27දින සිදු වූ අතර හරියටම ඊට මාස 4 කට පසුවද එනම් 2015 ජූලි 11 වෙනි දින මහාබැංකුවේ අභ්‍යන්තර තොරතුරු බෑනාගේ සමාගම ලබාගෙන සේවක අර්ථසාධක අරමුදල සතු රුපියල් බිලියන 2 මුදලක් එම අරමුදලට පුද්ගලික වෙළෙන්දෙක් හරහා නොගොස් කෙලින්ම රුපියල් බිලියන 2.3 කට මුහුණත වටිනාකමට මිලදී ගැනීමට හැකියාවක් තිබියදි එසේ නොකොට හිටපු මහාබැංකුවේ අධිපති අර්ජූන් මහේන්ද්‍රන්ගේ බෑනාගේ සමාගම හරහා මිලියන 300 ක් අඩුවෙන් එනම් රුපියල් බිලියන දෙකකට ලබාගැනිමෙන්, රුපියල් මිලියන 300 ක් කොමිස් වශයෙන් හිටපු මහ බැංකුවේ අධිපති අර්ජූන් මහේන්ද්‍රන්ගේ බෑනාගේ සමාගම වන පර්පුච්චුවල් ට්‍රෙසරීස් සමාගමට හම්බකරගැනීමට ඉඩ සලස්වා ඇති බව සන්ඩේ ටයිම්ස් පුවත් පතේ ” EPF,BOC,Central Bank proxies for Perpetual’s alleged Bond Scam; COPE” යන හිසින් යුතු ලිපියක පලකර ඇත.

එම වාර්තාවෙම සඳහන් වනුයේ ලංකා බැංකුව ප්‍රාථමික වෙළෙන්දෙකු ලෙස මහ බැංකුවේ ලියාපදිංචිවී සිටින අතරේ 2015 පෙබරවාරි මාසයේදී හිටපු මහාබැංකුවේ අධිපති අර්ජූන් මහේන්ද්‍රන්ගේ බෑනාගේ සමාගම වන පර්පුච්චුවල් ට්‍රෙසරීස් සමාගම හරහා වෙන්දේසියට ඉදිරිපත් වී වෙන්දේසියට දැන්වීම් මගින් ප්‍රසිද්ධ කල ප්‍රමාණයට වඩා 1350% ක් විශාල ප්‍රමාණයක් ඉල්ලුම් කර කිරීමත් ඒ සඳහා සමානය පොලියට වඩා මුදලක් සීයයට 12.5 % සිට 13% දක්වා රුපියල් බිලියන 13 ක් ඉල්ලුම් කොට තිබිමත් හේතුවෙන් පැහැදිලිවම මහබැංකුවේ අභ්‍යන්තර තොරතුරු හිටපු මහාබැංකුවේ අධිපති අර්ජූන් මහේන්ද්‍රන්ගේ බෑනාගේ සමාගමට ලැබී ඇති බවයි.