ජනපතිගේ ‘ගම සමග පිලිසදර’ට නාමල් යයි..

September 28, 2021 at 6:18 am | lanka C news
ජනපතිගේ ‘ගම සමග පිලිසදර’ට නාමල් යයි..

මොණරාගල දිස්ත්‍රික්කය තුළ ක්‍රියාත්මක වන සංවර්ධන ව්‍යාපෘතිවල වත්මන් ප්‍රගතිය සමාලෝචනය කිරීම සදහා මොණරාගල දිස්ත්‍රික් ලේකම් කාර්යාලයේ පැවති සාකච්ඡාවට එක්වෙමින් පසුගියද අමාත්‍ය නාමල් රාජපක්ෂ මහතා මේ බව පැවසීය.

අතිගරු ජනාධිපති ගෝඨාභය රාජපක්ෂ මැතිතුමාගේ සංකල්පයක් මත ක්‍රියාත්මක “ගම සමග පිළිසදරක්” වැඩසටහන යටතේ මොණරාගල දිස්ත්‍රික්කයේ ජනතාවගේ ඉල්ලීම් අනුව සකස් කළ සංවර්ධන ව්‍යාපෘති රැසක් මේ වන විටත් ක්‍රියාත්මක බවත්, හදුනාගත් තවත් ඉල්ලීම් ගණනාවක් ප්‍රධාන ව්‍යෘපෘති සදහා ඇතළත් කර ඇති බවත් මෙම සාකච්ඡාවේදී සදහන් විය.

මේ අනුව මොණරාගල දිස්ත්‍රික් ජනතාව අතිගරු ජනාධිපතිතුමා වෙත ඉදිරිපත් කළ සියලුම ගැටලු සහ ජනතාවගේ සුබ සාධනය සදහා රජයේ පරිපාලන අංශ විසින් හදුනාගත් පොදු ගැටලු සදහා ඉදිරියේදී ක්‍රියාත්මක සංවර්ධන ව්‍යාපෘති හරහා විසදුම් ලබා දිය හැකි බව මොණරාගල දිස්ත්‍රික් ලේකම්වරයා පැවසීය.

සංවර්ධන ව්‍යාපෘතියක් සැළසුම් කිරීමේදී ප්‍රදේශයේ ජනතාව හා ස්වෙච්ඡා සංවිධාන සමග සාකච්ඡා කර අවසාන තීරණයකට එළැඹිය යුතු බවත්, එහි වැදගත්කම ද අදාළ අමාත්‍යාංශ හා ආයතන ප්‍රධානීන් වෙත අමාත්‍යවරයා මෙම සාකච්ඡාවේදී පෙන්වා දෙන ලදි.

ජනතාවට පානීය ජලය ලබා දීමේ ව්‍යාපෘතියක් ක්‍රියාත්මක කිරීමේදී ගොවිතැනට ජලය නොමැති වීම පිළිබදව ගොවි සංවිධාන විරෝධතා දැක්විය හැකි බව අමාත්‍යවරයා පෙන්වා දුණි.

අනුරාධපුර දිස්ත්‍රික්කයේ එක්තරා පානීය ජල යෝජනා ක්‍රමයක් ක්‍රියාත්මක කිරීමේදී ගොවිතැන සදහා ජලය නොමැති බව ගොවි සංවිධාන පෙන්වා දීමෙන් අනතුරුව ඒ සදහා පිළියම් යෙදීමට හැකි වූ බව අමාත්‍යවරයා මෙහිදී පැවසීය.

වර්තමාන රජය ක්‍රියාත්මක කරන සංවර්ධන ව්‍යාපෘතීන් ජනතාවගේ සුබ සාධනය සදහා ක්‍රියාත්මක බවත්, කිසිදු පාර්ශ්වයකට අසාධාරණයක් නොවන පරිදි සංවර්ධන ව්‍යාපෘති කළමනාකරණය කළ යුතු බවත් අවධාරණය කළේය.

එහිදී අමාත්‍යවරයා මෙසේ ද කීය.

සංවර්ධන ව්‍යාපෘති ක්‍රියාත්මක වීමේදී ජාතික වශයෙන් මැදිහත්වීමක් අවශ්‍ය නම් සංවර්ධන සම්බන්ධීකරණ හා අධීක්ෂණ අමාත්‍යාංශය නිරන්තරයෙන් ඒ සදහා සහාය දෙනවා.

අතිගරු ජනාධිපතිතුමාගේ හා ගරු අග්‍රාමාත්‍යතුමාගේ බලාපොරොත්තුව වෙන්නෙ මෙම සංවර්ධන ව්‍යාපෘති කඩිනම් කර ජනතාව වෙත පැවරීමයි.

විදේශ ණය හා ආධාර යටතේ ක්‍රියාත්මක සංවර්ධන ව්‍යාපෘති ප්‍රමාදයකින් තොරව ජනතාව වෙත පැවරීමෙන් ලැබෙන ප්‍රතිලාභ කඩිනමින් ඔවුන්ට දායාද කිරීම අපේ වගකීමක්.

සෑම ක්ෂේත්‍රයකම තමන්ගේ දිස්ත්‍රික්කය තුළ සිදු කෙරෙන සංවර්ධන ව්‍යාපෘති සදහා ප්‍රමුඛතාවයක් ලබා දී  කටයුතු කරන ලෙස මම දිසාපතිතුමා ඇතුලු සියලු නිළධාරීන්ගෙන් ඉල්ලා සිටිනවා” යැයි  අමාත්‍යවරයා පැවසීය.

මෙ අවස්ථාවන් සඳහා රාජ්‍ය අමාත්‍යවරුන් වන තේනුක විදානගමගේ, ශෂීන්ද්‍ර රාජපක්ෂ, විජිත බේරුගොඩ යන අමාත්‍යවරුන්, පාර්ලිමේන්තු මන්ත්‍රීවරුන් වන ගයාශාන් නවනන්ද, ඒ.ජී.ජගත් පුෂ්පකුමාර, කුමාරසිරි රත්නායක යන මහත්වරුන්, ඌව පළාත් ආණ්ඩුකාර ඒ.ජේ.එම්.මුසම්මිල්, ඌව පළාත් හිටපු මන්ත්‍රී කුඩා බණ්ඩාර මැදවල, මොණරාගල දිසාපතිතුමන්,  ප්‍රාදේශීය සම්බන්ධීකරණ කමිටු උප සභාපතිවරුන් වන ඩී.ආර්.විමලදාස, සුමේධා ජී. ජයසේන යන මහත්ම මහත්මීහු ඇතුළු පිරිසක් සහභාගී වූහ.

මාධ්‍ය ඒකකය,
තරුණ හා ක්‍රීඩා අමාත්‍යංශය,
සංවර්ධන සම්බන්ධීකරණ හා අධීක්ෂණ අමාත්‍යාංශය,
ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍යංශය

27,264 views

19 Comments to “ජනපතිගේ ‘ගම සමග පිලිසදර’ට නාමල් යයි..”

  1. ගෞම් ඊයාරාජ් says:

    බෙබිත් ලොකු මුදලක් හරි ඉන්වෙස්ට් කරලා රටක පී.ආර් එකකට ඇප්ලයි කලොත් නරකද මුලු පවුලම එක්ක , දශක ගානක් හොරා කෑවා මැදෑ , ඒ ටික වියදං කරගෙන පිටාරටකට වෙලා ආතල් එකේ හිටියොත් නරකද ,ඉතුරු ටිකත් හප කරලා දාන්නැතුව . ඔයාගේ ඔවර් ඇක්ටින් දගලානා විතරයි නොමල්.

  2. saman says:

    කවුරු මොනවා කිව්වත් රටම දියුණු කරල මිසක පස්ස බලන්න එපා.

  3. සවි says:

    මම හීනෙන් දැක්කා ලංකාවේ ජනාධිපති වෙලා ඉන්නවා.

    • බිංකුණ්ඩා says:

      ඕකට කියන්නෙ “සිහින දෝෂ” කියල. සිංහල වෙද මහත්තුරු ලඟ හොඳ බෙහෙත් තියෙනවා.

  4. LalithM says:

    කමකට නැති හොරෙක් රට අල්ලාගෙන කන්න කුමන්ත්‍රණ මෙහෙයුමක. අපේ මිනිස්සු මේ තරම් මෝඩ මොකද මේ හොරු පස්සේ යන්න තරම්. ආණ්ඩුවට සැලසුමක් ඇතිව කරනවා නම් මොන පිලිසඳරක්ද ඕන.සැලසුමක් නැති තැන ඕව ඕන වෙන්නේ.

  5. Sena says:

    ගරු අතිගරු මොනවද මේ ?

  6. saman says:

    බෙබිත් ලොකු මුදලක් හරි ඉන්වෙස්ට් කරලා රටක පී.ආර් එකකට ඇප්ලයි කලොත් නරකද මුලු පවුලම එක්ක , දශක ගානක් හොරා කෑවා මැදෑ , ඒ ටික වියදං කරගෙන පිටාරටකට වෙලා ආතල් එකේ හිටියොත් නරකද ,ඉතුරු ටිකත් හප කරලා දාන්නැතුව . ඔයාගේ ඔවර් ඇක්ටින් දගලානා විතරයි නොමල්.

  7. Gama Kaama says:

    Nawathath gama kanna hadanawa wagei!

Main News