ජනපතිට අගමැතිට විරුද්දව වැඩ කරන අවනීත වැඩ කරන වෙබ් අඩවි වලට එරෙහිව පියවර..

January 16, 2018 at 4:40 pm | lanka C news
ජනපතිට අගමැතිට විරුද්දව වැඩ කරන අවනීත වැඩ කරන වෙබ් අඩවි වලට එරෙහිව පියවර..

යහපාලන රජය බලයට පත්වීමෙන් පසු පසුගිය තෙවසරක කාලය තුල බේරුවල මැතිවරණ කොට්ඨාසයේ රැකියාලාභීන්ගේ විශේෂ රැස්වීමක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් බේරුවල වෙරළ ක්‍රිඩාංගණයේ දී පසුගියදා පැවැත්විනි.

මෙහිදී අදහස් දැක් වූ සෞඛ්‍ය අමාත්‍යවරයා –

“වත්මන් රජය රටට මොකද කළේ කියලා කවුරුත් අහනවා. මාධ්‍ය දිහා බැලුවමත් රටට මොකවත් නොකළ බවයි පෙන්වන්නේ. නමුත් පසුගිය රජය වංචා, දුෂණ සිදු කරමින් රට තුල භෞතික සංවර්ධනයක් ඇති කළ බව මාධ්‍ය මගින් පෙන්වා දෙනවා. රාජපක්ෂවරුන් එක්ක මගේ පෞද්ගලික තරහක් නැහැ. දේශපාලන ගැටුමක් විතරයි තිබෙන්නේ. බැසිල් රාජපක්ෂ මගේ පන්ති මිතුරා, ගෝඨාභය රාජපක්ෂත් එහෙමයි. හිටපු ජනාධිපති මහින්ද රාජපක්ෂ වසර 40 ක මිතුරෙක් එම නිසා පවුලේ සියලු දෙනාම මම අදුරනවා.

2015 වසරේ ජනවාරි 08 වනිදා පැවැති මැතිවරණයේ ප්‍රචාරක කටයුතු මටත් විමල් වීරවංශටත් බාරදෙන්න තමයි බැසිල් රාජපක්ෂ මහතා සැළසුම් කර තිබුනේ. නමුත් රාජපක්ෂ රජය ගෙනගිය වැඩපිළිවෙලට මම විරෝධය පළ කළා. ත්‍රස්තවාදය තුරන් කිරීමට මම සහයෝගය ලබාදුන්නා. යුධ ජයග්‍රහණය පිළිබදව මාධ්‍ය හමුවේ කරුණු ඉදිරිපත් කළේ මමයි. ජනතා ප්‍රශ්න වලට පිළිතුරු ලබාදුන්නා. නමුත් යුධ ජයග්‍රහණයෙන් පසු රජය හැසිරුණු ආකාරය ඉතාම නරකයි. ජාතිවාදය, ආගම්වාදය, මනුෂ්‍ය ඝාතන වලට විරුද්ධව මම අදහස් පළ කළා. මහා පරිමාන වංචා, දුෂණ සිදු කළා. ඒ පිළිබද පරීක්ෂණ අපේ රජය විසින් ආරම්භ කළ අවස්ථාවේ දී හිටපු අධිකරණ අමාත්‍යවරයා එම පරීක්ෂණ මන්දගාමී කළා. ඉන් පසුව පත් කළ අධිකරණ අමාත්‍යවරිය එම පරික්ෂණ වේගවත් කිරීමට පියවර ගත්තා. හිටපු අධිකරණ අමාත්‍යවරයා රාජපක්ෂලා සමග ගණුදෙණු කරමින් තමයි පරීක්ෂණ මන්දගාමී කළේ.

වර්තමානයේ මැතිවරණ කොමිසම ශක්තිමත් කර තිබෙනවා. අද මැතිවරණ කොමිසමේ සභාපතිවරයාත් ශක්තිමත්ව කථා කරනවා. රාජපක්ෂ පාලන සමයේ දී කථා කළා නම් මරණ තර්ජනත් එල්ල වෙනවා. අද නිදහසේ අදහස් දැක්වීමට අවස්ථාව ලැබී තිබෙනවා. මේ වනවිට රාජපක්ෂලාගේ පවුලේ සැමටම නඩු. හිටපු මන්ත්‍රී නාමල් රාජපක්ෂ මහතා එයාර්ලංකා ගුවන් සේවිකාවකට ලක්ෂ 04 ක වැටුප් ලබාදෙමින් ඔහුගේ පෞද්ගලික කාර්ය මණ්ඩලයේ තබාගෙන කටයුතු කළා. එයාර්ලංකා සමාගමේ සභාපතිවරයාට එම ගුවන් සේවිකාව කථා කළේ නම කියලයි. ගෝඨාභය රාජපක්ෂට සහ නාමල් රාජපක්ෂට සර් කියපු අයත් අමාත්‍ය මණ්ඩලයේ හිටියා. යහපාලන රජය ස්ථාපිත කළේ කොහොමද කියලා දන්නේ නැති අමාත්‍යවරුත් අපේ රජයේ ඉන්නවා.

ඇතැම් මාධ්‍ය ලබා දී ඇති නිදහස භූක්ති විදිමින් ජනාධිපතිවරයාට සහ අග්‍රාමාත්‍යවරයාට විරුද්ධව කටයුතු කරනවා. එවැනි අවනීත වැඩ කරන සමාජ වෙබ් අඩවි වලට එරෙහිව දැඩි පියවර ගන්නා ලෙස මම ජනාධිපතිවරයාගෙන් සහ අග්‍රාමාත්‍යවරයාගෙන් ඉල්ලා සිටිනවා.

රජයට විරුද්ධව නඩු තීන්දු ලබාදෙනවා. ඒ සදහා විනිශ්චයකාරවරුන්ට නිදහස ලබා දී තිබෙනවා. ගෝඨාභය රාජපක්ෂ මහතා අත්අඩංගුවට ගන්න බැහැ කියලත් තීන්දුවක් ලබාදුන්නා. රාජ්‍ය සේවා කොමිසන් සභා ස්ථාපිත කර තිබෙනවා. නමුත් අපේ රජයේ වැරදි තිබෙන්න පුලුවන්. බුද්ධියෙන් හිතන්නත නව මැතිවරණ ක්‍රමය ස්ථාපිත කිරීමට රජය කටයුතු කළේ ගහ මරා ගන්නා දේශපාලනය නතර කිරීමටයි. මෙම තත්ත්වය පළාත් සභා මැතිවරණ සහ පාර්ලිමේන්තු මැතිවරණ වලටත් ගෙනඒමට අපි කටයුතු කරනවා. රාජපක්ෂලා ආණ්ඩුව පෙරලන්න උත්සාහ කරනවා. මොක ද නඩු ඉවර කර ගැනීම සදහායි.”

– ප‍්‍රසන්න අධිකාරී

8 views

8 Comments to “ජනපතිට අගමැතිට විරුද්දව වැඩ කරන අවනීත වැඩ කරන වෙබ් අඩවි වලට එරෙහිව පියවර..”

  1. Saradiel says:

    අසව් අසව් කපටි වංචාකාර කොටි පන්දමා අවස්ථාවාදී දත් දොස්තරයාගේ දේශපාලන බොරු පුරාජේරු..
    මේවා ඇසීම ප්‍රතික්ෂේප කිරිමට හා එකී බොරු ප්‍රචාර අලුයම ලූ කෙළ පිඬක් සේ බැහැර කිරිමට දැන් කාලය එළඹ ඇත.

  2. JOY says:

    බේරුවෙල හම්බයන්ගේ ලොකුම ගැලවුම්කරු රාජිතගේ කෙරුවාව බලව් මිනිසුනේ

  3. Gadol says:

    මාලු හොරා ගදෙන් දැනේ

  4. buruputha says:

    Ado parajitha nesaratna thoda Dan rate nayakaya?. Web adavi vahanna umba hithuva madi. Vadikal nogos dath galavanna sudanam veyan.

  5. අන්නා says:

    දතා දන්නා වෙබ් අඩවියක් නැහැ. ඌ හිතාගෙන ඉන්නේ මුළු ලෝකෙම උගේ රෙද්ද අස්සේ කියලා වෙන්නැති. පරණ ලේබල් අලවල අලුත් කොරලා බෙහෙත් විකුණලා මිනිස්සුන්ගේ ජිවිත වලින් සින්ගපුරු ගිහිල්ල බේත් ගන්න අපතයා අන්තර් ජාලය වහවිද?

  6. Jonaa'S Brother says:

    ගනන් ගනු එපා රාජිතගේ නැකැත් පත,
    කුණු දත් ගලවා නැව් ගත්තා නැකැත් පත,
    අතෙන් අතට පනිනා මුගේ නැකැත් පත,
    කුණුවී ඇද හැලෙයි ලඟදිම නැකැත් පත

  7. Boo says:

    එතකොට අර අල්ලස් සහ දුෂණ කොමිසමේ අදත් රාජිතට විරුද්ධව තියෙන නඩුව ඉවර නොකර ඒකෙන් මග ඇරලා ඉන්නත් තමන්ට උදවු කලේ අර විජේදාස රාජපක්ෂ හිටපු ඇමති වරයාද?

    එහෙනං අලුත් ඇමතිවරිය යටතේ හෙට අනිද්දම අල්ලස් කොමිසමට යන්න වෙයිද නැවු හොරෝ? පලයන් බල්ලෝ යන්න නිකං මිනිස්සුන්ද මඩ නොගහා , උපන්දා ඉඳන්ම බොරු කියන ජඩයා !

  8. samuvel says:

    පුදුම නවන නීතියක්නේ. ජනපතිට අගමැතිට විවේචන කොමෙන්ට්ස් පලකරන සියලුම වෙබ් අඩවි අවිනීත ලෙස හැඳින්විය හැක.

Main News