ජනපතිට තමන්ගේ අයම හරස් කපනවා.. වෙනම රටක් ඉල්ලන අයට නගර සභා දී අත්හිටුවනවා.. මේ කලියුගය ඇරඹුමද..- ගැටඹේ හිමිගෙන් සැර නිවේදනයක්..

February 23, 2020 at 10:12 pm | lanka C news
ජනපතිට තමන්ගේ අයම හරස් කපනවා.. වෙනම රටක් ඉල්ලන අයට නගර සභා දී අත්හිටුවනවා.. මේ කලියුගය ඇරඹුමද..- ගැටඹේ හිමිගෙන් සැර නිවේදනයක්..

රට දැය සමය වෙනුවෙන් කථාකරමින් සිටි පුද්ගලයින් ගොළු වෙමින් සිටින බවත් වෙනම රාජ්‍යයකට අර අදින්නවුන්ට නගර සභා පිරි නමා හදිසියේම එය තාවකාලිකව අත්හිටුවා ඇති බවත් ගැඨඹේ රාජෝපවනාරාම විහාරාධිපති කැප්පටියාගොඩ සිරි විමල හිමියෝ පවසති.

විශේෂ ලිපියක් ලියමින් උන්වහන්සේ මේ බව පැවැසූහ.

උන්වහන්සේගේ ලිපිය

“ශ‍්‍රී ලංකාව පුරා පසුගිය වකවානුවේ සිදුවු සිංහල බෞද්ධ විරෝධි ද්‍රෝහි ක‍්‍රියාකාරකම් අතර ජාතින් වඳ කිරීම, සංස්කෘතික විනාශය, පුරා වස්තු ඩෝසර් කිරීම හා අකා මකා දැමීම, බුදු පිළිම කඩා බිඳ දැමීම, මහා සංඝරත්නය හා රණවිරුවන් හිරේ විලංගුවේ දැමීම, අපහාස උපහාස කිරීම, වන සම්පත විනාශ කිරීම, ජාතික සම්පත් විදේශයන්ට විකිණීම, රටේ ඉතිහාසය වසන්කිරීම වැනි අන්තවාදීන්ගේ ක‍්‍රියා කළාපයන් හමුවේ බහුතර ජන කොටස බලවත් සේ කම්පනයට පත් වූහ.

එය විසින්ම රටට, දැයට හිතකර පාලකයෙකු පිළිබඳ සිහිනය සැබෑ කර ගැනීමට ලැබීම ම මෙරට දේශපේ‍්‍රමීන් ලද අති මහත් ජයග‍්‍රහණයකි.

ඉතිහාසයේ ආරම්භක අවධියේ සිටි පෙර රජ දරුවන් අතර පැවති සම්ප‍්‍රදාය වූයේ මෙරට රාජ්‍යත්වයේ උරුමයට බෝසත්වරයෙකුට හැර අන් අයෙකුට හිමි කම් නොමැත්තේය යන්නයි. මෙසේ සටහන් තැබීමෙන් පෙනී යන්නේ මෙරට සිංහල බෞද්ධ රටක් බව ඓතිහාසික පිළිගැනීම බවයි.

වර්තමානයේ මේ රටේ ජනාධිපති ගෝඨාභය රාජපක්ෂ මැතිතුමන් විසින් මේ බව තහවුරු කරන ලද්දේ අනුරපුර රුවන් වැලි සෑය අභියස දුටු ගැමුණු නරපතිඳුන් ඉදිරියේ බුදු දහම සුරක්ෂා කරන බවට සිදු කළ සපථ කිරීමෙනි.

පසුගිය වකවානුවේ යහපාලනයේ වස මුසු වීමෙන් පණ අදිමින් පැවති සිංහල බෞද්ධ ජන සමාජයට යලි ඔක්සිජන් ලැබීමෙන් නිරුද්ධ වීමට ආසන්නව පැවති ජාතියක් ගලවා ගැනීමේ සැනසුම් සුසුම් හෙළීමට හැකි වී ඇත්තේය.

අතිගරු ජනාධිපතිතුමන්ගේ සෞභාග්‍යයේ දැක්ම රටට සෙතක් සලසනු ඇතැයි බොහෝ අයගේ අපේක්ෂාවයි. ඔවුනට අහිමි වී ගිය උරුමයන් යළි ලබා ගැණිමේ බලාපොරොත්තු අති විශාලය. එමෙන්ම පැමිණිය හැකි අනාගත උවදුරු වළකාගත හැකි වෙතැයි ද ජනතාව සිතූහ.

ගෝඨාභය ජනපතිතුමන්ගේ චින්තනය නිවැරදිය. ගමන් මගේ ඉලක්කය පැහැදිලිය ගැටළු සඳහා විසඳුම් ලබා දීමට සැදී පැහැදී ඇත්තේය. එහෙත් මෙහි ගමන් මග සිතන තරම් සරල නැත.

හේතුව ජරා ජීර්ණ දේශපාලනය යළි හොල්මන් කරමින් පැවතමයි. මහජන අපේක්ෂා ඉටු කරමින් රට සිංගප්පූරුවක් කළ හැකි සදාචාරාත්මක දේශපාලන දැක්මකට තවත් නම් ඉඩක් නැත්තේය. තොවිලයක් කොට යකුන් එළවා ගත හැකි වුවද රට, දැය වැනසූ රට සූරා කන දේශපාළුවන් පළවා සෞභාග්‍යයේ දැක්මට ඉඩ නොදෙනු ඇත යනු මහජනතාව තුළ පවතින කුකුසකි.

බල ලෝභීන් විසින් අන්තවාදි සුළුතරය නොමනා ලෙස පෝෂණය කොට අල්ලස් ලබා තරවීමෙන් බහුතරයට වන විපත වටහා ගත නොහැක්කේ මෙම උමතු බල කාමය නිසාවෙනි.

යළි කිසිදා උදා නොවන යුගයක් උදෙසා සටන් කොට අවසන් අපේක්ෂාව ජය ගැනීමේ යුගය උදා වී තිබුණද එය කලි යුගයක ආරම්භය දැයි සැක සිතෙයි. බලයට පත්ව මාස 2 ගත වූවා පමණි. ජාතිය ඇමතූ අතිගරු ජනපතිතුමන්ගේ සෑම කථාවකින්ම අභිමාවත් දේශයක් නිර්මාණය කිරීමට ඇරයුම් ලැබී ඇත්තේය.

එහෙත් කකුලෙන් අදින බලවතුන් ඉදිරියේ පයින්ගසා නැගී සිටීමට නම් අදීන බලයක් ලබා දිය යුත්තේමය. එම අදීනත්වය කරා ගමන්කිරීමට ස්වකීයයන් විසින්ම ගමනට හරස් කපන බව ජනතාවට පෙනී යෑම තුල ඉදිරි මහ මැතිවරණයේ දී ජනතා ප‍්‍රතිචාර දුබල විය හැකි බව තේරුම් ගැනීමට තරම් මොළයක් ඇතැමුන්ට නැති බව පෙනී යයි.

කඩු කිණිසි සොයා නිරායුධ කරනවා වෙනුවට නින්ද ගම් ලැබේ නම් සිංහලයාගේ බෞද්ධයාගේ අනාගත ඉරණම කෙසේ විය හැකිද ?

විනාශ කරමින් පැවති බෞද්ධ සිද්ධස්ථාන එලෙසමය. දහනම වන ව්‍යවස්ථා සංශෝධනයෙන් බල රහිත කළ ජනපතිට යළි ශක්තිය නෙලෙැබෙන්නේ නම් අප සියල්ලන්ගේම අපේක්ෂා භංග වනු නියතය. රටක් ජාතියක් සාසනයක් ගැන කවර කථාද?

– ada

36,807 Viewers

8 Comments to “ජනපතිට තමන්ගේ අයම හරස් කපනවා.. වෙනම රටක් ඉල්ලන අයට නගර සභා දී අත්හිටුවනවා.. මේ කලියුගය ඇරඹුමද..- ගැටඹේ හිමිගෙන් සැර නිවේදනයක්..”

  1. David Milli-banda says:

    ගැඨඹේ රාජෝපවනාරාම විහාරාධිපති කැප්පටියාගොඩ සිරි විමල හිමි ta sadhu… Sadhu…

  2. MD says:

    Samawenna hamuduruwane,Pahugiya wasara 4 1/2 Tula oba wahanse lanka bumiye wada sitiyada nadda yanna dana ganeemata kamatthemi.Theruwan saranai!Namo buddaya!

    • Tommy says:

      උබ මී හරක වගේ බුදියගෙන හිටියට උන්නාන්සෙලා බැනුං අහ අහා ගෝටාභය ගේන්න මතය ඇතිකලේ.

  3. Rane says:

    sampoorna aththa ape hamuduruwane !19 weni viyawasthawa bala rahith kireemata agamathi akmethiya.

  4. Me says:

    19 ගේන කොට හිටියේ කොහේද? ජනාධිපති තුමා එතැනට පත්කර ගැන්මට දහදිය, ලේ, කඳුළු හෙලූ අයට වඩා ගාය හැදිල තියෙන්නෙ කකුලෙන් අැදපු ලපාලට නේ. අනේ හැබෑටම, අනේ කාලේ-වනේ වාසේ!

  5. සිරියාවතී says:

    2005 දි ආරක්ෂක ‌‌ලේකම් ‌තනතුර ලබන ‌‌‌වෙලාවෙත් ‌ගෝඨාභය මැතිතුමා ඉදිරියේ තිබුනේ ‌මේවගේම අභියෝගයක්. එතුමා ඒ්වා සියල්ල ජය ගත්තා .. අපි එතුමාට අවශ්‍ය කාලය ‌දෙමු .. කළයුතු ‌දේ එතුමා නියමෙටම කරයි …

  6. බන්ඩා says:

    මා මහින්දට ඡන්දය දුන් අයෙක් මිස මහින්ද වාදියෙක් නොවේ. ජාතිකත්වය අගයන අපි ගෝඨා ශක්තිමත් කර බලවත් කිරීමට ජතිකවාදින්ට මනාපය දී මංත්‍රී කරමු.

Main News