ජනපති අණින් ආරක්‍ෂක ලේකම් ත‍්‍රිවිද හමුදාවම සමග මුහුදු මහා විහාරයට යයි.. උරුමය රැකදෙන්න හමුදා කදවුරක් එහි ඉදිකරයි..

May 15, 2020 at 12:02 am | lanka C news
ජනපති අණින් ආරක්‍ෂක ලේකම් ත‍්‍රිවිද හමුදාවම සමග මුහුදු මහා විහාරයට යයි.. උරුමය රැකදෙන්න හමුදා කදවුරක් එහි ඉදිකරයි..

පොතුවිල් මුහුදු මහා විහාරය සහ එම භූමිය ආරක්ෂා කිරීම සඳහා වහාම ක්‍රියාත්මක වන පරිදි නාවික හමුදා අනුඛණ්ඩයක් ස්ථාපිත කරන ලෙස ආරක්ෂක ලේකම් මේජර් ජෙනරාල් කමල් ගුණරත්න මහතා (14) නාවික හමුදාපති වයිස් අද්මිරාල් පියල් ද සිල්වා මහතාට නියෝග කළේය.

ජනාධිපති ගෝඨාභය රාජපක්ෂ මහතාගේ උපදෙස් පරිදි මෙම ක්‍රියාමාර්ගය ගන්නා බවද ආරක්ෂක ලේකම්වරයා කියා සිටියේය.

මුහුදු මහා විහාරයට අයිති ඉඩම් වෙනත් පාර්ශවයන් විසින් බලහත්කාරයෙන් අත්පත් කර ගැනීම නතර කිරීමේ අරමුණින් හෙට(15) දින සිට මෙම නාවික හමුදා අනුඛණ්ඩය මුහුදු මහා විහාරයේ ස්ථාපනය කරන බවද ආරක්ෂක ලේකම්වරයා එහිදී කියා සිටියේය.

මුහුදු මහා විහාරයට අයිති ඉඩම් වෙනත් පාර්ශවයන් විසින් බලහත්කාරයෙන් අත්පත් කර ගැනීම සහ විහාරස්ථානයේ ඉඩම් හිමිකම් ගැන මේ දිනවල සිදුවන විවිධ ගැටුම් පිළිබඳ සොයා බැලීමට පැමිණෙන ලෙස නැගෙනහිර පළාත් ආණ්ඩුකාර අනුරාධා යහම්පත් මහත්මිය ආරක්ෂක ලේකම්වරයාගෙන් කරන ලද ඉල්ලීමකට අනුව ආරක්ෂක ලේකම්වරයා අද පස්වරුවේ එම විහාරස්ථානයේ විශේෂ නිරීක්ෂණ චාරිකාවකට එක්විය.

මේ අවස්ථාවට නැගෙනහිර ආණ්ඩුකාරවරියට අමතරව,වැඩබලන ආරක්ෂක මාණ්ඩලික ප්‍රධානී සහ යුද හමුදාපති ලුතිනන් ජනරාල් ශවේන්ද්‍ර සිල්වා, නාවික හමුදාපති වයිස් අද්මිරාල් පියල් ද සිල්වා, වැඩබලන පොලිස්පති චන්දන වික්‍රමරත්න ඇතුළු පිරිසක් එක්ව සිටියහ.

මුහුදු මහා විහාරයට ඉඩම් අක්කර 72 අයිතිව ඇති බව සඳහන් වුවද මේ වන විට ඉතිරිව ඇත්තේ ඉඩම් අක්කර 14 ක ප්‍රමාණයක් බව ද මෙහිදී හෙළි විය.

විහාරයට අයිති සියලු ඉඩම් යළි ලබා ගැනීම සඳහා අවශ්‍ය කටයුතු සම්පාදනය කර දෙන බවද පෙන්වාදුන් ආරක්ෂක ලේකම්වරයා කියා සිටියේ මින් ඉදිරියට විහාරස්ථානය සතු එක වැලි කැටයක් හෝ කිසිම පුද්ගලයකුට අත්පත් කර ගැනීමට ඉඩ නොතබන බවය.

නාවික හමුදාව සහ පොලීසිය එක්ව විහාරස්ථානයේ ආරක්ෂාව තහවුරු කරන ලෙස ද ආරක්ෂක ලේකම්වරයා මෙහිදී උපදෙස් දුන්නේය.

ඉදිරි සතියේ පළාත් ආණ්ඩුකාර අනුරාධා යහම්පත් මහත්මිය සමග අගමැති මහින්ද රාජපක්ෂ මහතා හමුවී මෙහි ඉදිරි ක්‍රියාමාර්ග පිළිබඳ සාකච්ඡා කරන බව ද ආරක්ෂක ලේකම්වරයා වැඩිදුරටත් කියා සිටියේය.

මේ අතර දිගවාපිය විහාරස්ථානයට අයිති විශාල ඉඩම් ප්‍රමාණයක් ද වෙනත් පාර්ශවයන් විසින් බලහත්කාරයෙන් අල්ලාගෙන ඇති අතර එම ඉඩම් නැවත ලබාගැනීම සඳහා ද කටයුතු කරන බව ආරක්ෂක ලේකම්වරයා පැවසීය. දිගවාපිය විහාරස්ථානය ද නිරීක්ෂණය කිරීම සඳහා ආරක්ෂක ලේකම්වරයා ඇතුළු පිරිස ඊයෙ දීඝවාපිය විහාරස්ථානයට ද ගියහ.

– ada

145 views

110 Comments to “ජනපති අණින් ආරක්‍ෂක ලේකම් ත‍්‍රිවිද හමුදාවම සමග මුහුදු මහා විහාරයට යයි.. උරුමය රැකදෙන්න හමුදා කදවුරක් එහි ඉදිකරයි..”

  1. කාලෙකට පස්සෙ අහන්ඩ ලැබුන සතුටු දායකම ආරංචියක්..! says:

    🙂 කාලෙකට පස්සෙ අහන්ඩ ලැබුන සතුටු දායකම ආරංචියක්..!

    මුහුදු මහා විහාරයේ ඉඩම් කොල්ලය සහ වෙනත් ගැටලු විසඳීමටත් එහි ආරක්‍ෂාව සැලසීම සහ සංරක්‍ෂණය සඳහාත් අතිගරු ජනාධිපතිතුමාගේ උපදෙස් අනුව ආරක්‍ෂක ලේකම්වරයා විසින් ක්‍රියාත්ම කරන ලද මෙම උදාර ක්‍රියාමාර්ගය අතිශයින්ම අගය කළ යුතු අතර ඒ සඳහා දේශහිතෛෂී සැමගේ කෘතඥතාවය හිමිවිය යුතුය.

  2. mangala says:

    සිංහලයිනෙ නෑහිට්යව්

  3. mangala says:

    බත් කන සිංහලයිනෙ නෑහිට්යව්

  4. D.Nimal says:

    By and large while preserved of Archaeological site are nothing to do with religion matter. It is key role of Govt revitalization of ancient civilization of mankind. The facts of realities cannot look by Islam terrorist point of view. Human civilization has so many sites that that all over the world .just look at Babylon Civilization sites in Iraq and Egypt Priymides

  5. D.Nimal says:

    By and large while preserved of Archaeological site are nothing to do with religion matter. It is key role of Govt revitalization of ancient civilization of mankind. The facts of realities cannot look by Islam terrorist point of view. Human civilization has so many sites that that all over the world .just look at Babylon Civilization sites in Iraq and Egypt Pyrimidines are all previous values for human kind look back oldest survival of Mankind. Therefor No terrorist line of thinking which are unable evaluated such values of culture by Extremist all over the world.
    What happen USA+UK invaded in Iraq had been destroy many archaeological values Babylon in Iraq by US army persons.

Main News