ජනපති උපන් දිනය ආගමික වතාවත් පමණයි.. FB ගිණුමේ පැය තුනට ප‍්‍රතිචාර දොලොස්දහසයි..

June 20, 2020 at 12:40 pm | lanka C news
ජනපති උපන් දිනය ආගමික වතාවත් පමණයි.. FB ගිණුමේ පැය තුනට ප‍්‍රතිචාර දොලොස්දහසයි..

අද දිනට යෙදී ඇති තම උපන් දිනය ජනාධිපති ගෝටාභය රාජපක්ෂ මහතා ආගමික වතාවත් පමණක් සිදු කරන ලදී.

අනුරාධපුර රුවන්වැලි සෑය අභියස දී අද අලුයම කිරි ආහාර පූජාවක් පැවැත්වූ අතර පූජ්‍ය උඩුවේ ධම්මාලෝක හිමියන් විසින් ආගමික වතාවත් සිදු කළහ.

රුවන්වැලි චෛත්‍ය රාජයාණන් උදෙසා කප්රුක් පූජාවක්ද චෛත්‍ය මළුවේ කිරි ඉතිරවීමේ චාරිත්‍ර ජනාධිපතිවරයා විසින් සිදු කළේය.

එම පරිශ්‍රයේ ඇති දුටුගැමුණු රජුගේ සහ විහාර මහා දේවිය පිලිරූවලට මල් මල් මාලා පැළදවීම ජනාධිපතිතුමා අතින් සිදු විය.

උපන්දිනය ආගමික වතාවත්වලට පමණක් සීමා කළ ද මෙම ආගමික වතාවත්වල පින්තූර ඔහුගේ සමාජ ජාල ගිණුමේ පළ කර පැය තුනක කාලයක් ඇතුළත ප්‍රතිචාර 12,000 පමණ ප්‍රමාණයක් ලැබී තිබේ.

426 views
Main News