ජනපති එද්දී පිරිසක් කසිප්පු පෙරයි.. පෙරූ පිරිස පැන දුවයි..

March 25, 2021 at 10:02 pm | lanka C news
ජනපති එද්දී පිරිසක් කසිප්පු පෙරයි.. පෙරූ පිරිස පැන දුවයි..

2015ට කලින් පැවති රජයේ ආරක්ෂක සහ නාගරික සංවර්ධන ලේකම්වරයා ලෙස තමන් කටයුතු කරන්න දී නුගේගොඩ වැලි පාර්ක් පිට්ටනියේ ගොඩ ගසා තිබුනේ ගල්, පස්, වැලි ආදිය බව ජනාධිපති ගෝටාභය රාජපක්‍ෂ මහතා පවසයි.

තමන් මුලින්ම එම ස්ථානයට එන විට එහි කසිප්පු පෙරමින් තිබූ බවත් එහ පුද්ගලයන් දිව ගිය බවත් ජනාධිපතිවරයා පැවසීය.

එම ස්ථානය පසුව ගස්වැල් සිටුවමින් අලංකාර තත්ත්වයට පත්කළ බවද ජනාධිපතිවරයා කීය.

ශ‍්‍රී ලංකා පොදුජන පෙරමුණට අනුබද්ධ සංවිධාන වල නියෝජිත හමුව එම ස්ථානයේ පැවති අවස්ථාවේදී ජනාධිපතිවරයා මේ බව සඳහන් කළේය.

කොළඹ කෝට්ටේ ඇතුළු නගර හරිත නගර වලට පත් කළේ මහින්ද රාජපක්ෂ මහතාගේ දෙවන ධුර කාලයේදී බවද පැවසූ ජනාධිපතිවරයා පසුගිය වසර පහක කාලය තුළ මේ ආකාරයේ කිසිදු ව්‍යාපෘතියක් නොකල බවත් එසේ නොකර සිටි අය දැන් පරිසරය බදාගෙන කෑගසන බවද කියා සිටියේය.

57,142 views
Main News