ජනපති තවත් ලෙඩක් අදී.. තමන් ඉදිරි කැබිනට් හමු වර්ජනය කරන බව පවසා යන්න යයි..

April 3, 2019 at 10:40 am | lanka C news
ජනපති තවත් ලෙඩක් අදී.. තමන් ඉදිරි කැබිනට් හමු වර්ජනය කරන බව පවසා යන්න යයි..

මහජන උපයෝගිතා කොමිසම සහ ලංකා විදුලිබල මණ්ඩලය අතර මේ වනවිට ඇතිව තිබෙන අර්බුදය විසඳා ගන්නා තෙක් තමන් ඉදිරියේ කැබිනට් මණ්ඩල රැස්වීමට සහභාගී වන්නේ නැති බව ජනාධිපති මෛත්‍රීපාල සිරිසේන මහතා විසින් ඊයේ පැවති කැබිනට් මණ්ඩල රැස්වීමේ දී පවසා තිබේ.

රජයේ ඉහළ පෙළේ ආරංචි මාර්ග සඳහන් කරන්නේ විදුලි බල මණ්ඩලයට එරෙහිව මහජන උපයෝගිතා කොමිසම නඩු පැවරීම තමන් අනුමත නොකරන බවත් රජයේ ආයතනයක් විසින් තවත් රාජ්‍ය ආයතනයකට විරුද්ධව එසේ නඩු පැවරීම නොකළ යුත්තක් බවත් ය.

මෙම කටයුතු වලින් සිදුවන්නේ එම ආයතන පිරිහීම මෙන්ම පාරිභෝගිකයන් පීඩනයට පත් වීම බවත් ජනාධිපතිවරයා පවසා ඇත.

මහජන උපයෝගිතා කොමිසම ධ්‍යක්ෂ ජනරාල්ගේ කටයුතු ගැන ද ජනාධිපතිවරයා එහිදී දැඩිව විවේචනය කර තිබේ.

මෙම තත්වය හා විසඳාගත යුතුව ඇතැයිද ජනාධිපතිවරයා එහිදී තවදුරටත් ප්‍රකාශ කර ඇත.

57 views
Main News