පොහොට්ටු ජයග‍්‍රාහකයෝ කොළඹ නවතී.. ඇමතිකම් ඉල්ලා අගමැති නිවසේ පිරෙති.. අගමැතිට හතර අතින් ඉල්ලීම්..

August 10, 2020 at 10:33 pm | lanka C news
පොහොට්ටු ජයග‍්‍රාහකයෝ කොළඹ නවතී.. ඇමතිකම් ඉල්ලා අගමැති නිවසේ පිරෙති.. අගමැතිට හතර අතින් ඉල්ලීම්..

ඇමති මණ්ඩලය නම් කිරීමේ දී ඇමති ධූරයක් ලබා දෙන ලෙස ඉල්ලමින් මෙවර මැතිවරණයෙන් ජයගත් ශ්‍රී ලංකා පොදුජන පෙරමුණේ අපේක්ෂකයන් විශාල වශයෙන් අග්‍රාමාත්‍ය මහින්ද රාජපක්ෂ මහතාගෙන් ඉල්ලා සිටින බව වාර්තා වෙයි.

ජනාධිපති ගෝඨාභය රාජපක්ෂ මහතාගේ ඉල්ලීම නොකරන්නේ දැනටමත් එසේ ඉල්ලීම් නොකරන්නැයි ජනාධිපතිවරයා විසින් දැනුම් දී ඇති නිසාය.

එනිසාම ඔවුන් මහින්ද රාජපක්ෂ අමාත්‍යවරයා හමුවී සහ විවිධ මාර්ගවලින් ඔවුනට කැමති ඇමතිකම් ඉල්ලා සිටින බව වාර්තා වෙයි.

ශ්‍රී ලංකා පොදුජන පෙරමුණෙන් පාර්ලිමේන්තුවට තේරී පත්වී සිටින 150ට ආසන්න පිරිසෙන් 100කට ආසන්න පිරිසක් මෙසේ ඉල්ලීම් කර ඇතැයි දැනගන්නට තිබේ.

මහින්ද රාජපක්ෂ මහතාගෙන් සෘජුව මෙන්ම ඔහුගේ පවුලේ සාමාජිකයන්ටත් තවත් සමීප පුද්ගලයන්ටත් මෙම ඉල්ලීම් විශාල වශයෙන් එල්ල වී ඇතැයි වාර්තා වේ.

ඇමති මණ්ඩලය 12 වැනිදා දිවුරුම් දීමට නියමිතව ඇත.

8,130 views

29 Comments to “පොහොට්ටු ජයග‍්‍රාහකයෝ කොළඹ නවතී.. ඇමතිකම් ඉල්ලා අගමැති නිවසේ පිරෙති.. අගමැතිට හතර අතින් ඉල්ලීම්..”

  1. Aurora says:

    මුන්ගේ භාර්යාවන් වන අර්යාවන් හට රජයේ මුදලින් සැප සම්පත් විඳින්න තමයි මේ උත්සාහය. ඇමතිකම් නැතිව මුන්ට ගෙදර යන්න බැහැ. අගමැති තුමනි, ශක්තිමත් ප්‍රසම්පාදන ක්‍රමවේදයක් නිර්මාණය කර .. ටෙන්ඩර් ක්‍රමයක් හඳුන්වා දෙන්න. ඔය ඇමතිකම් ඉල්ලන උන්ගෙන් 25% අකුලාගන්නවා. ඊ ලඟට අමත්‍යන්ශවල වාහන අවභාවිතය සහ කාර්යමණ්ඩල පරිපාටියට පිටින් කිසිම පත්වීමක් දීම වලක්වන්න. තවත් 25% අකුලගන්නවා. ඇමතිවරුන්ගේ කාර්යසාධන ඇගයීම වාර්ෂිකව සිදුකර කාර්යසාධන වාර්තාව ප්‍රසිද්ධ කරන්න. තවත් 25% අකුලගන්නවා. ඇමතිකමේ දිවුරුම් දෙන්න පෙර වත්කම් ප්‍රකාශය ඉදිරිපත්කල යුතුයි. ඊ ළඟ වසරේ වත්කම් ප්‍රකාශය ඉදිරිපත් නොකලොත් ඇමතිකම නැවත නොදීමට ක්‍රමයක් සකසන්න. එතකොට ඔය ඇමති පොරේ නවතිනවා.

    • අමාත්‍ය තණතුරු නාමික තනතුරු බවට පත් කර, අමාත්‍යංශ ලේකම් වරුන්ට නිසි බලතල ලබා දුන්නොත් ඇමතිලා නිකන්ම හැලෙනව.. ලේකම්වරුන් නියාමනය කරන ක්‍රමයකුත් ජනාධිපති අධීක්ෂණය යටතේ ක්‍රියාත්මක විය යුතුයි..

Main News