ජනපති විධායක බලය පෙන්වයි.. සීනි ටොන් 29000ක් පවරා ගනී.. සමාගම් ලයිස්තුව මෙන්න.. පිරමිඩ් විල්මාත් ඒ අතරයි..

September 1, 2021 at 10:02 pm | lanka C news
ජනපති විධායක බලය පෙන්වයි.. සීනි ටොන් 29000ක් පවරා ගනී.. සමාගම් ලයිස්තුව මෙන්න.. පිරමිඩ් විල්මාත් ඒ අතරයි..

ගබඩා තුළ සඟවා තිබියදී සොයාගත් සීනි මෙට්ට්‍රික් ටොන් 29,900ක ප්‍රමාණයක් අද (01) සිදු කෙරුණු විමර්ශන සහ මෙහෙයුම් ක්‍රියාවලියෙන් පසු රජයට පවරා ගත් බව අත්‍යාවශ්‍ය සේවා කොමසාරිස් ජනරාල් මේජර් ජෙනරාල් එන්.ඩී.එස්.පී. නිවුන්හැල්ල මහතා පවසයි.

මෙම සීනි තොගය පාලන මිලක් යටතේ රාජ්‍ය සහ පෞද්ගලික වෙළෙඳ ආයතන මගින් පාරිභෝගික ජනතාව වෙත අළෙවි කිරීමට සැලසුම් කර තිබේ.‍

සීනි කිලෝවකට අය කළ රුපියල් 50ක් වූ ආනයනික බද්ද පාරිභෝගිකයාට සහනයක් සැලසීමේ අරමුණින් 2020 ඔක්තෝබර් මස 14 වන දින සිට ශත 25ක් දක්වා අඩු කරනු ලැබීය. එදිනට රට තුළ තිබූ සීනි ප්‍රමාණය මෙට්ට්‍රික් ටොන් 88,878කි.

2020 ඔක්තෝබර් 14 දා සිට 2021 ජුනි 30 වන දින දක්වා සීනි මෙට්ට්‍රික් ටොන් 5,84,000ක් ආනයනය කර ඇති බව පාරිභෝගික කටයුතු පිළිබඳ අධිකාරිය පෙන්වා දෙයි. මෙරට මාසික සීනි අවශ්‍යතාව මෙට්ට්‍රික් ටොන් 35,000ක් පමණ වේ.

එහෙත් වාර්ෂික සීනි අවශ්‍යතාව ඉක්මවමින් සීනි ආනයනය කර ඇති බව පාරිභෝගික කටයුතු පිළිබඳ අධිකාරියේ දත්තවලට අනුව අනාවරණය වී තිබේ. කෘතිම සීනි හිඟයක් රට තුළ ඇති කර, පාරිභෝගිකයා දැඩි අපහසුතාවයට ලක් කරමින් ඉතා ඉහළ මිලකට සීනි අළෙවි කිරීමේ උත්සාහයක් පසුගිය කාල සීමාව තුළ දැක ගත හැකි විය.

මහජන ආරක්ෂක ආඥා පනතේ 2වන වගන්තියෙන් පැවරී ඇති බලතල ප්‍රකාරව, එම ආඥා පනතේ ii වන කොටසේ විධිවිධාන බලාත්මක කරමින්, 5 වන වගන්තියේ විධිවිධාන ප්‍රකාරව සකස් කරන ලද, අත්‍යාවශ්‍ය ආහාර සැපයීමට අදාළ හදිසි නීති රෙගුලාසි 2021-08-30 මධ්‍යම රාත්‍රියේ සිට බලපැවැත්වෙන පරිදි ජනාධිපති ගෝඨාභය රාජපක්ෂ මැතිතුමා විසින් ප්‍රකාශයට පත් කෙරිණ.

ඒ අනුව අත්‍යවශ්‍ය සේවා කොමසාරිස් ජනරාල්වරයෙකු පත් කර සාමාන්‍ය ජන ජීවිතය යථා පරිදි පවත්වාගෙන යාම සඳහා අවශ්‍ය වන්නාවූ වී, සහල්, සීනි ඇතුළු අනෙකුත් පාරිභෝගික ද්‍රව්‍ය බෙදාහැරීම සම්බන්ධීකරණය සඳහා බලතල ලබාදීමට ද ජනාධිපතිතුමා පියවර ගත්තේය.

සඟවා තිබූ සීනි තොග රජය භාරයට ගෙන පාරිභෝගිකයා ආරක්ෂා කිරීමේ අරමුණින් වැටලීම් සිදු කර පාලන මිලකට වෙළෙඳපොළට නිකුත් කිරිමට පියවර ගත් බව අත්‍යාවශ්‍ය සේවා කොමසාරිස් ජනරාල්වරයා සඳහන් කරයි.

2021-09-01 රජයට පවරාගත් සීනි තොග පිළිබඳ විස්තර පහතින් දැක් වේ

134,619 views

71 Comments to “ජනපති විධායක බලය පෙන්වයි.. සීනි ටොන් 29000ක් පවරා ගනී.. සමාගම් ලයිස්තුව මෙන්න.. පිරමිඩ් විල්මාත් ඒ අතරයි..”

  1. saman says:

    Janadipathi thumani,
    Wahama me thakkadi wyaparikaynge anayana balapthra awuruddakata wath thahanam kara ewaye himikaruwanta awama lesa masa 6 bara pathala wada sahithawa siragatha karanna !

  2. Silva says:

    නියමායි.

  3. Darshana abayakoon says:

    2020 ඔක්තෝබර් 14 දා සිට 2021 ජුනි 30 වන දින දක්වා සීනි මෙට්ට්‍රික් ටොන් 5,84,000ක් ආනයනය කර ඇත. කිලොව රුපියල් 130 ගානෙ විකුනුවත් ජග මිතුරගෙ සාකුවට යන ශුද්ධ ලාභය 5,84,000*1000*65=
    රුපියල් 37,960,000,000ක්. ලක්ෂ වලින් ගත්තොත් රුපියල් ලක්ෂ 379600ක්.මේ රජයට ඍජුව එන්න තිබ්බ ආදායම ගජමිතුරො පස් දෙනෙක්ට බෙදල මාධ්‍ය සංදර්ශනයක් කරනව විදායක බලය පවිච්චි කරා කියලා. මෙලො දැනුමක් නැති ගොන් බය්යො ටික ඒකට හුරේ දානව.අඩු තරමෙ උන් දන්නෑ මේ කෙලින්නෙ උන්ගෙම සාක්කුවට කියල. 😁😁

  4. D.Chamara Namal Kumara says:

    දැන් ඕවා රාජසන්තක කලාද, නැත්නම් මුදල් ගෙවලා රජය ගත්තද

  5. Jagath says:

    Ottui tumani obataba awasta wadi lesa coronawa wyaparayak karagena inna rapid antigen hora dilith jayaweerage test kit rajasantaka karanna

  6. a gallage says:

    රාජසන්තක කර කිලෝ එක රුපියල් 50 ගානේ විකුණුවොත් රජයට 5,84,000*1000*50 ලැබේ

  7. Jagath Silva says:

    VAMBOTU BANDAKKA EHEMATH RAJASANTHAKA KARAI

Main News