ජනපති සිංහරාජය ගැන ලොවටම කියයි..

October 1, 2020 at 11:20 am | lanka C news
ජනපති සිංහරාජය ගැන ලොවටම කියයි..

ස්වභාවික සම්පත් රැක ගැනීමට සහ තිරසාර කළමනාකරණයට ශ්‍රි ලංකා රජය කැපවන බව ජනාධිපති ගෝඨාභය රාජපක්ෂ මැතිතුමා එක්සත් ජාතීන්ගේ ඉහළ පෙළේ හමුවක් අමතමින් කියා සිටී.

යුනෙස්කෝව ශ්‍රී ලංකාවේ මධ්‍යම කදුකරය හා සිංහරාජ වැසි වනාන්තරය ස්වභාවික උරුමයන් ලෙස නම් කර ඇත. තවත් ස්ථාන 06ක් තෙත් භූමි පිළිබඳ “රම්සාර් ප්‍රඥප්තියෙන්” පිළිගෙන තිබේ. අද්විතීය සහ සාරවත් ජෛව විවිධත්වයකට දායක වන  මේ ස්වභාවික සම්පත් ආරක්ෂා කිරිමේ භාරකරු ලෙස වගකීමෙන් ක්‍රියා කරන බව ජනාධිපතිතුමා ප්‍රකාශ කරයි.

එක්සත් ජාතීන්ගේ මහා මණ්ඩලයේ 75 වන සැසිවාරයට සමගාමීව, නිව්යෝර්ක් නුවර එක්සත් ජාතීන්ගේ මූලස්ථානය කොන්ද්‍ර කොටගෙන සංවිධාන කළ ජෛව විවිධත්වය පිළිබඳ රාජ්‍ය නායක සමුළුව වීඩියෝ තාක්ෂණය භාවිතයෙන්  ශ්‍රී ලංකා වේලාවෙන් 30 රාත්‍රී 7.30 ට අමතමින් ජනාධිපතිතුමා මේ බව පැවසීය.

“තිරසාර සංවර්ධනය සඳහා ජෛව විවිධත්වය පිළිබඳ  ඉක්මන් ක්‍රියාමාර්ග” සමුළුවේ තේමාවයි. මහා මණ්ඩල සැසිවාරයේ සභාපති වොල්කන් බොස්කීර් මහතා  ප්‍රථම දේශනය  කළේය.

ජෛව විවිධත්වය පරිහානියට යාමෙන් මානව වර්ගයා මුහුණ දෙන විපත් සහ තිරසාර සංවර්ධනය අත්කර ගැනිමට ජෛව විවිධත්වය පිළිබඳ කඩිනම් පියවර ගැනීමේ අවශ්‍යතාව සමුළුව අවධාරණය කරයි. 2021 දී පැවැත්වෙන ජෛව විවිධත්වය පිළිබඳ සම්මුතියේ පාර්ශ්වකරුවන්ගේ 15 වන සමුළුවේදී සම්මත කර ගැනීමට නියමිත, 2020 පශ්චාත් ගෝලීය ජෛව විවිධත්ව රාමුව වැඩිදියුණු කර ගැනීම සඳහා  අදහස් හුවමාරු කර ගැනීමට ලෝක නායකයන්ට අවස්ථාව සලසා  තිබේ.

2030 තිරසාර සංවර්ධන න්‍යාය පත්‍රයේ හරය විය යුත්තේ ජෛව විවිධත්වය පිළිබඳ සංකල්පය බව ජනාධිපතිතුමා පෙන්වා දුන්නේය. මෑත දශක කිහිපය තුළ ගෝලීය ජෛව විවිධත්වයේ ඇති වූ සීග්‍ර පරිහානිය මධ්‍යයේ වුවද ජෛව විවිධත්වය පිළිබඳ සම්මුතියේ විස්තීර්ණ ජීව ගුණය රැක ගැනීමට ශ්‍රී ලංකාව දැඩිව කැපවන බවද ජනාධිපතිතුමා පැවසීය. සොබා දහම සහ මිනිසුන් අතර සබඳතාවය සහ සමකාලීන ගෝලීය පාරිසරික පාලනය අතර පරිවර්තනීය වෙනසක් සිදු කිරීමේ තීරණාත්මක අවශ්‍යතාව ජනාධිපතිතුමා අවධාරණය කළේය.

පොදු රාජ්‍ය මණ්ඩලයේ සාමාජිකයකු වශයෙන් ශ්‍රී ලංකාව පොදු රාජ්‍ය මණ්ඩලීය ‘නිල් ප්‍රඥප්තිය’ 2018 දී පිළි ගත්තේය. ඒ අනුව කඩොලාන පරිසර පද්ධති සහ ජීවනෝපාය පිළිබඳ පොදු රාජ්‍ය මණ්ඩලීය ‘නිල් ප්‍රඥප්තියේ’ ක්‍රියාකාරී කණ්ඩායමට නායකත්වය සැපයේ. තිරසාර නයිට්‍රජන් කළමනාකරණය පිළිබඳ කොළඹ ප්‍රකාශනය පසුගිය වසරේදි සම්මත විය. ලෝක නායකයන් වශයෙන් මානව වර්ගයාගේ තිරසාර පැවැත්ම තහවුරු කරමින් වඩා ප්‍රශස්ත අයුරින් නයිට්‍රජන් කළමනාකරණය කළයුතු බව ජනාධිපතිතුමා පෙන්වා දුන්නේය.

“පාලකයා කිසිවිටෙකත් දේශයේ හිමිකරු නොව හුදෙක් තම රටවැසියන් සහ සියලුම ජීවීන් වෙනුවෙන් එහි භාරකරු පමණක්ය” යන සංකල්පය මත ශ්‍රී ලංකාවේ පුරාණ පාලන ක්‍රමය ගොඩනැගී තිබිණ.  සංවර්ධන න්‍යාය පත්‍රය තුළ තම රජය අනුගමනය කරනුයේ එම මූලධර්මය බව ජනාධිපතිතුමා පැවසීය. පෘථිවියෙහි සහ එහි සම්පත්වල හුදු භාරකරුවන් වශයෙන් හැකි උපරිමයෙන් තම ආරක්ෂාව යටතේ ඇති දෑ රැක ගනිමින් අනාගත පරපුරට භාරදීමට අධිෂ්ඨාන කරගතයුතු බව ජනාධිපතිතුමා අවධාරණය කළේය.

මොහාන් කරුණාරත්න
අධ්‍යක්ෂ
ජනාධිපති මාධ්‍ය අංශය

31,239 views

5 Comments to “ජනපති සිංහරාජය ගැන ලොවටම කියයි..”

  1. wijebahu says:

    Digata harahata kapana ewa gihilla kiyanna Sir.

  2. Patriot says:

    Mr. President.. Where is your One Law and One Country…

  3. අභේතිස්ස says:

    සිංහරාජ වනය ගැන ලෝකයට සුරංගනා කථා කියා වැඩක් නැත. – ලෝකයේ ඕනැම තැනක සිට සිංහරාජය අඟල අඩියට ලොකු කර බැලිය හැක. පරිසරය ගැන අපිට වඩා ඉදිරියෙන් ලෝකයේ සැම රටක්ම ඇත! – කල යුතුව ඇත්තේ, දැනට කැලැ කපන එක නවත්වා, දේශනාවෙන් නොව – ක්‍රියා කාරකමින් වැඩ පෙන්වීමයි!

  4. Love nature says:

    පළමුව වනජිව දෙපාර්මේන්තුව හමුදාවට බාර දෙන්න.

  5. Binkunda says:

    දැන් මේ පුවතේ තේමාවෙ හැරුණාම අන්තර්ගතයේ කොහේවත් සිංහරාජය ගැන කියල තියේද? දිනෙන් දින අපේ ඇස් ඉදිරිපිට දිගහැරෙමින් තිබෙන නාටකය පවසන්නේ මෙවරත් අපි බහුතරයගේ තේරීම බොල් වූ පුහු වූ නාස්තිකාර වූ අදක්ෂ වූ කණ්ඩායමකට රට බාරදීමක් බව නොවේද?

Main News