ජනමත විචාරනයක් ඉල්ලන්නේ උතුරු-නැගෙනහිර 90% ජනතාව වෙන් වෙන්න කැමති පණිවිඩය ලෝකයට කියන්නයි..

March 5, 2017 at 2:10 pm | lanka C news
ජනමත විචාරනයක් ඉල්ලන්නේ උතුරු-නැගෙනහිර 90% ජනතාව වෙන් වෙන්න කැමති පණිවිඩය ලෝකයට කියන්නයි..

ආණ්ඩුවේ පාර්ශවයන් මෙන්ම විපක්ෂ නායක ඇතුළු දෙමළ සංධානය ආණ්ඩුක්‍රම ව්‍යවස්ථාව හරහා බලය බෙදීමේ වැඩ පිළිවෙළකට තල්ලු කරමින් ඒ සඳහා ජනමත විචාරනයක් පවත්වන ලෙස ශ්‍රී ලංකාව තල්ලු කරන්නේ අනිවාර්යෙන්ම දකුණේ එම යෝජනාව පරදින බව හොදාකාරව දන්නා බැවිනි.

එහෙත් එය අනාගතයේ උතුරු නැගෙනහිර ශ්‍රී ලංකාවන් වෙන්වීමට අඩි තාලමක් වන අතර උතුරු නැගෙනඅරු දෙමළ ජනතාව මෙම යෝජනාවට පක්ෂව සීයයට අනුවක්ම කැමැත්ත ප්‍රකාශ කරනු ඇත.

ඒ හරහා විශාල ජාත්‍යන්තරව මතයක් ගොඩ නැගීම මෙම ජනමතවිචාරනයේ අරමුණ බවත් ඒකීය රටක් තුල සැම දෙනාට එක හා සමානව ජීවත්වන්න කැමති දියුණු මෙන්ම නවීන ශ්‍රී ලංකාවක් ගැන ගරු කරන හැම දෙනාම මෙය තේරුම් ගත් යුතුයි යන්න මඩකළපුව ශ්‍රිලනිප සංවිධායක අරුන් තම්බිමුත්තු මහතා පැවසිය.

අද අපේ රටේ ජීවත්වන මිලියන 21 ක් ජනතාව වර්ග කි මි 65337 වැනි කුඩා භූමියක් ජිවත් වනවා, එය තවත් බෙදා වෙන් කොට පාලනය කිරීම අනාගතයේ විශාල ජාතිවාදී අරගල ඇති කිරීමට හේතුවන බවත් බලය බෙදීම වෙනුවට උතුරු දකුණ මෙන්ම නැගෙනහිර බටහිර තවත් සම්බන්ධ කරමින් අධිවේග මාර්ග පද්ධතියක් මෙන්ම සියලු ජන කොටස්වල ජාතින් පදනම් කොට නොගෙන ශ්‍රීලංකාවේ ඕනම ප්‍රදේශයක බියෙන් සැකෙන් තොරව ජීවත්වීමට ඇති අයිතිය දේශපාලන නායකත්වය විසින් සිදු කල යුතුය.

එමෙන්ම ශ්‍රි ලාංකික ජාතියක් ලෙස අනාගතයේදි රටේ අනිකුත් ක්ෂේත්‍රවල මෙන් ජනාධිපති හෝ අගමැති ලෙස සිංහල දෙමළ මුස්ලිම් යන ඕනම ජාතියට අයත් පුද්ගලයකුට ශ්‍රීලංකාවේ නායකත්වයට ඒමට අවශ්‍ය සම්බන්ධතා වැඩි දියුණු කොට ඊට අවශ්‍ය පහසුකම් අපි සැපයිය යුතුය.

පලාත් සභා බලය බෙදීම ඉතාම භායනක වන අතර ඒ හරහා ශ්‍රි ලාංකිකයින් තවදුරටත් බෙදා වෙන්කිරිම සිදු වන බවත් ඒ අනුව අනාගතයේ ශ්‍රීලංකාව තුල වෙනම රාජ්‍යයක් ඇතිවීම වැලැක්වීමට නොහැකිය.

ඒ වෙනුවට වැඩි බලයක් පලාත් පාලන ආයතනයන් සඳහා ලබාදීමට කටයුතු කිරීම යෝග්‍ය බව ද ඔහු පැවසීය.

46 views