ජනාධිපතිගේ ප්‍රජාතන්ත්‍රවාදය හා මනුස්සකම නිසා තමයි ගොඩක් අය බේරිලා ඉන්නේ.. නැත්නම් හිරේ…

January 14, 2021 at 3:50 pm | lanka C news

රිදීගම රම්බඩගල්ලේ පිහිටි විසිතුරු මත්ස්‍ය අභිජනන හා පුහුණු මධ්‍යස්ථානයෙහි නිරීක්ෂණ චාරිකාවක මහාමාර්ග අමාත්‍ය ජොන්ස්ටන් ප්‍රනාන්දු මැතිතුමා ගේ සහභාගිත්වයෙන් පැවැත්විණි.

හිටපු පාර්ලිමේන්තු මන්ත්‍රී රන්ජන් රාමනායක මහතා සිරගත කිරීම පිළිබඳ අසන ලද ප්‍රශ්නයකට පිළිතුරු දුන් අමාත්‍යවරයා ,

ඇත්ත වශයෙන්ම මම කණගාටු වෙනවා. මොකද මම කවුරුත් හිරේ යනවට කැමති නැහැ. යහපාලන ආණ්ඩුවෙන් බොරු පැමිණිලි බොරු සාක්ෂි හදලා, විනිශ්චයකාරතුමන්ලාට කතා කරලා එෆ්සීඅයිඩියට කතා කරලා මොනතරම් අපරාධ කළාද පහුගිය අවුරුදු පහේ. රටට වැඩ කරපු මිනිස්සු හිරේ දාලා ව්‍යාපෘති වලින් හොරකම් කළා. මහ බැංකුව එක වතාවක් නෙමෙයි දෙවතාවක් කඩලා හොරකම් කළා. ආර්ථිකය විනාශ කළා. අපි හොඳට අත්දැකීම් ලබපු අය. අපිට තියෙන ශක්තිය නිසා තමයි අපි මේවට එඩිතරව මුහුණ දුන්නෙ.

රන්ජන් රාමනායක ගැන මම මුකුත් කියන්න යන්නේ නැහැ. මට කියන්න තියෙන්නේ එක දෙයයි. එතුමාගේ ආණ්ඩුව කාලයේ තමයි මේකට විරුද්ධව නඩු දැම්මේ. අපහාස කරන එකේ සීමාවක් තියෙන්න ඕනේ. අපි කවදාවත් අපහාස කළේ නෑ. අපි හැමදාම උසාවියට ගෞරව කළා. අපි උසාවි පටන් ගන්නකොටම උසාවිය ඇතුලට ගිහින් ඉන්නවා. තාමත් යනවා මම මට නඩු එකොළහක් දැම්මා තව හතරක් තියෙනවා ඒ නිසා උසාවියට අගෞරව කරනවා නම් එතනින් එහාට රටක පැවැත්මක් නැහැ. හැබැයි ගැහුවෙ මහින්ද රාජපක්ෂ ජනාධිපතිතුමාටයි අපේ ආණ්ඩුවටයි හිටපු අග්‍රවිනිශ්චයකාරතුමිය අයින් කෙරුවා කියලා උසාවියට ඇඟිලි ගැහුවා කියලා හැබැයි. අපි එහෙම කෙරුවේ නැහැ අපි රටේ නීති අනුව තමයි ඒක පාර්ලිමේන්තුවෙන් කළේ ඔවුන් තමයි නීතිය අවනීතිය කෙරුවේ.

මොහාන් පීරිස් අයින් කෙරුවෙ අසාද් සාලි ගිහිල්ලා තර්ජනය කරලා ඒවා ගැන හොයන්න ගත්තොත් ගොඩක් අය හිරේ ගෝඨාභය රාජපක්ෂ මැතිතුමාගේ ප්‍රජාතන්ත්‍රවාදය හා මනුස්සකම නිසා තමයි ගොඩක් අය බේරිලා ඉන්නේ හැබැයි රන්ජන් රාමනායක මහත්තයා හිරේ ගියේ උසාවියට අපහාස කරලා. විනිශ්චකාරවරුන්ට දුරකථන ඇමතුම් දීලා නෙවෙයි තව ඒවා හුඟක් තියෙනවා හොයනවා නම්. මම නම් කණගාටු වෙනවා ඇත්තටම. මම කවුරුත් හිරේ යනවට කැමති වෙන කෙනෙක් නෙවෙයි.

කුරුණෑගල දිස්ත්‍රික්කයේ පොල් ඉඩම් කට්ටි කිරීම පිළිබඳව මාධ්‍යවේදියෙකු විසින් පැන නැගූ ප්‍රශ්නයකට පිළිතුරු දුන් මහා මාර්ග අමාත්‍ය ජොන්ස්ටන් ප්‍රනාන්දු,

පසුගිය අවුරුදු විස්ස පුරා පොල් ගස් කැපීම් පිළිබඳ අපි අසා තිබෙනවා හැම ආණ්ඩුවක්ම කියනවා පොල් ගස් කපන එක තහනම් කරන්න ඕන ඉඩම් කට්ටි කරන එක තහනම් කරන්න ඕනේ කොච්චර ඔහොම දේවල් කිව්වත් ඇතිවෙන්න ඉඩම් කට්ටි කරලා වෙන්දේසි කරනවා දැන් මේ ප්‍රශ්නෙ වැඩිපුරම තියෙන්නෙ පොල් ත්‍රිකෝණයට අයිති කුරුණෑගල දිස්ත්‍රික්කයට. අපේ දිස්ත්‍රික්කයේ පවුල් ලක්ෂ පහක් පමණ ඉන්නවා එතකොට එයින් සියයට දහයක් බැලුවත් අවුරුදු දෙකකට තුනකට සැරයක් ඉඩම් කට්ටි හතලිස්දාහක් පනස්දාහක් පමණ අවශ්‍ය වෙනවා. ඒක නිසා මම යෝජනා කරේ රමේෂ් පතිරණ මැතිතුමාට පොල් ඉඩම් කඩන එක තහනම් කරන එක නෙමෙයි විසඳුම ඒ පොල් ඉඩම් කට්ටි කරලා විකුණන සමාගම් වලට කුරුණෑගල දිස්ත්‍රික්කයේ ඇති වෙනකම් ඉඩම් තියෙන නිසා අලුතින් පොල් වගා කරන්න. ඒ අයට දීලා අවුරුදු තුනක් වත් යනකන් බලා ගැනීමේ වගකීමක් එයාලට දෙන්න කියලා මම යෝජනා කළේ. විශේෂයෙන්ම අධිවේගී මාර්ගයේ එන නිසා යක්කපිටිය වැනි ප්‍රදේශ වල පොල් අක්කර 40 -50 යෙන්නේ ඕවා නාගරීකරණය වෙන එක නවත්වන්න බැහැ. පොල් ඉඩම් කඩන්න එපා කිව්වහම මිනිස්සු කොහෙද ගිහිල්ලා ජීවත් වෙන්නේ.

මේ අවස්ථාවට විසිතුරු මසුන්, මිරිදිය මත්ස්‍ය හා ඉස්සන් ඇතිකිරීම, ධීවර වරාය සංවර්ධන බහුදින ධීවර කටයුතු හා මත්ස්‍ය අපනයන රාජ්‍ය අමාත්‍ය කාංචන විජේසේකර, කුරුණෑගල දිස්ත්‍රික් පාර්ලිමේන්තු මන්ත්‍රී ගුණපාල රත්නසේකර, යූ.කේ. සුමිත් උඩුකුඹුර හා මංජුලා දිසානායක යන මහත්ම මහත්මීන් සහභාගී විය.

– මාධ්‍ය ඒකකය

28,616 views

5 Comments to “ජනාධිපතිගේ ප්‍රජාතන්ත්‍රවාදය හා මනුස්සකම නිසා තමයි ගොඩක් අය බේරිලා ඉන්නේ.. නැත්නම් හිරේ…”

  1. Thilina says:

    සහතික ඇත්තනේ මු කියල තියෙන්නේ, එහෙම නැත්නම් කොහොමද මූ වගේ කම්බ හොරෙක් ඇමති කෙනෙක් වෙලා මෙහෙම talks දිදී යන්නේ , හරිනම් මු ඉන්න ඕනෙත් ඇතුලේ

  2. Herath Banda Karaliyada says:

    We have keep mind so many ex-UNP’s has penetrated into SLPP leadership by misled whole people of Republic .Nowadays they sympathies for Members Of Parliment of SBJ and UNP’s as well in Jail . Verdicts of Supreme Court has give right decision to ex-MP-UNP+ SBJ of Ranjan Ramanayake .How can be that be mercy of GR ?

  3. Buddhist says:

    Andu pakshaye horu okkoma berila, namuth virudda pakshaye aththa kyana evunuth hire.

  4. සමනොල says:

    මේ තක්කඩිය නොබියව ඇත්ත කියනව. ඒ අනුව, ජනාධිපති තමයි මේ දේශපාලනිකව හිරේ යවන උන්ව තීන්දු කරන්නෙ. ප්‍රජාතන්ත්‍රවාදී රටක අධිකරණය, විධායකය හා ව්‍යවස්තාදායකය යන ස්තාන 3 ස්වාධීන විය යුතුයි. එහෙත් ලංකාවෙ ජනාධිපති අධිකරණයට කෙලින්ම ඇඟිලි ගහල තරහකාරයො ඇතුලට දානව කියන එක මෙතන මේ යෝධය ඔප්පු කරල තියනව. එතකොට රන්ජන් අධිකරණය දූෂිතයි කිව්ව කාරණය එහෙම්පිටින්ම ඔප්පු වෙනව. රන්ජන් මේක සත්‍ය නිදර්ශනයක් ලෙස පෙන්නල හිරේ ගිහින් කියාදෙන පාඩම ප්‍රජාතන්ත්‍රවාදය ගැන ගැඹුරු අදහසක්

Leave a Comment

Main News