ජනාධිපතිගේ වැඩපිළිවෙල නිසා කොරෝනාවෙන් රට බේරුනා.. පැවති ආණ්ඩුව තිබුනා නම් රටම ඉවරයි..

July 27, 2020 at 8:02 am | lanka C news
ජනාධිපතිගේ වැඩපිළිවෙල නිසා කොරෝනාවෙන් රට බේරුනා.. පැවති ආණ්ඩුව තිබුනා නම් රටම ඉවරයි..

රට සංවර්ධනය කරා ගෙන ගොස් විරැකියාවට විසදුම් ලබාදීමටත්, ජනතාව අතේ මුදල් ගැවසෙන යුගයක් නැවත බිහිකිරීමටත්, ජනාධිපතිවරයා නියෝජනය කරන පොහොට්ටුවට මෙවර මහ මැතිවරණයේදී බලය ලබා දෙන්නැයි ශ්‍රී ලංකා පොදුජන පෙරමුණේ නායක, අග්‍රාමාත්‍ය මහින්ද රාජපක්ෂ මහතා ජනතාවගෙන් ඉල්ලා සිටියි.

අග්‍රාමාත්‍යවරයා මෙම ඉල්ලීම ඉදිරිපත් කළේ මස්කෙළිය ගිණිගත්හේන සියරා ක්‍රීඩාංගනයේ පැවැති හමුවට එක්වෙමිණි.

අග්‍රාමාත්‍යවරයා සහ ජනාධිපතිවරයා පක්ෂ දෙකක් නියෝජනය කිරීම නිසා යහපාලන රජය සමයේ ජනතාවට කිසිදු සෙතක් අත් නොවුනු බව ද කී අග්‍රාමාත්‍යවරයා පෙන්වා දුන්නේ මෙවර මහ මැතිවරණයේදී එවැනි වාතාවරණයක් බිහි නොකිරිම ජනතාවගේ යුතුකමක් බවයි.

ඉකුත් සිය රජය සමයේ මෙරට සම්පත් වැඩිකරමින්, රටේ වටිනාකම වැඩි කළද යහපාලන රජය බලයට පැමිණි හැටියේ එම සම්පත් විකුණා සිය සාක්කු පුරවාගත් බවද අග්‍රාමාත්‍යවරයා  සඳහන් කළේය.

මෙරට කොරෝනා රෝගීන් වාර්තාවීම ආරම්භ වු ආකාරය සහ වෛරසය මැඩපැවැත්විම සඳහා ජනාධිපති ගෝඨාභය රාජපක්ෂ මහතා ගෙන ගිය වැඩපිළිවෙල පිළිබඳව විස්තර කරමින් අග්‍රාමාත්‍යවරයා සඳහන් කළේ යම් හෙයකින් කොරෝනා රෝගය පැතිරෙන අවස්ථාවේ පසුගිය ආණ්ඩුව බලයේ සිටියේ නම් මේ වන විට රට ම ලෙඩ කර ඇති බවයි.

මේ නිසා රටේ යහපත වෙනුවෙන් වැඩ කර ඇති සහ වැඩ කළ හැකි බව පෙන්නුම් කර ඇති ගෝඨාභය රාජපක්ෂ ජනාêපතිවරයාගේ සෞභාග්‍යයේ දැක්ම ඉදිරියට ගෙන යාම සඳහා ශ්‍රි ලංකා පොදුජන පෙරමුණට බලය ලබා දෙන්නැයිද මෙහිදී අග්‍රාමාත්‍යවරයා වැඩිදුරටත් අවධාරණය කළේය.

මෙම අවස්ථාවට හිටපු අමාත්‍ය සී. බී. රත්නායක මහතා ඇතුළු පිරිසක් සහභාගි වූහ.

– සිසිර මුණසිංහ

200 views
Main News