ජනාධිපතිවරණයට ඉල්ලන්නැයි ඉල්ලීම් බොහෝ ආවා.. හැමෝම එකග නම් මං සූදානම්..- කතානායක කියයි..

September 7, 2019 at 6:29 am | lanka C news
ජනාධිපතිවරණයට ඉල්ලන්නැයි ඉල්ලීම් බොහෝ ආවා.. හැමෝම එකග නම් මං සූදානම්..- කතානායක කියයි..

රට තුළ දේශපාලන ආර්ථික හා සමාජීය ස්ථාවර බවක් ඇති කිරිම සඳහා දේශපාලනිකව කිසිදු අන්තයකට නොගොස් මධ්‍යස්ථ හා පරිණත භාවයෙන් යුතුව කටයුතු කළහැකි නායකත්වයක් අවශ්‍යව ඇති බව කථානායකවරයා හමුවූ ප්‍රධාන පෙලේ සිවිල් සංවිධාන ක්‍රියාකාරීහු පෙන්වා දුන්හ. මෙම අවස්ථාව සඳහා සිවිල් සංවිධාන ප්‍රධානීහු 40 කට අධික පිරිසක් එක්ව සිටියහ.

එහිදී කිසිදු පක්ෂයක සාමාජිකයන් නොවන ලක්ෂ 30කට ආසන්න මධ්‍යස්ථ ජනතාවගේ මෙන්ම සුළුජන කොටස්වලද සහය දිනාගත හැකි, ක්ෂේත්‍ර ගණනාවක පලපුරුද්ද හා රාජ්‍යතාන්ත්‍රික සබඳකම්වලින් සපිරි නායකයෙකු ලෙස කරු ජයසුරිය මහතා කෙරෙහි තමන් තුළ දැඩි විශ්වාසයක් පවතින බවද සඳහන් කළ ඔවුහු ඉදිරියේ දී පැවැත්වෙන ජනාධිපතිවරණයේ දී සියළු බලවේග ඒකරාශී කර නැගී එන පැසිස්ට්ස් වාදී තර්ජනයට මුහුණ දීම සඳහා නායකත්වය ගන්නා ඉල්ලා සිටියහ.

රට තුළ සදාචාර පිරිහීම, මත්ද්‍රව්‍ය හා අපරාධ ව්‍යාප්තිය, උගත් තරුණ තරුණියන් රට හැරයාම වැනි ප්‍රශ්න රැසක් මුහුකුරා ගොස් ඇති අතර ඒ සියල්ලටම වඩා ප්‍රජාතන්ත්‍රවාදී නිදහස යලි අහිමිවනු ඇතැයි යන බිය වර්තමානයේ මතුව ඇති බව ද එම සිවිල් සංවිධාන නියෝජිතයෝ පෙන්වා දුන්හ.

අති ධාවනකාරී තීන්දු තීරණ ගැනීම මඟින් මෙම කිසිදු ප්‍රශ්නයක් විසදීමට නොහැකි බව පෙන්වා දුන් ඔවුහු ඒ සඳහා සංයමයෙන් හා අධිෂ්ඨානශිලිව ක්‍රියා කරන පරිනත නායකත්වයක් අවශ්‍ය බව අවධාරණය කළහ.

දූෂිත දේශපාලන අරමුණු රහිතව රටට අත්‍යාවශ්‍ය දේශපාලන ප්‍රතිසංස්කරණ සිදු කර මාතෘ භූමිය ශිෂ්ඨ සම්පන්න මාවතකට ගෙන ආ හැකි විශ්වාසනීය පුද්ගලයා කරු ජයසූරිය මහතා බව සිවිල් සංවිධාන නියෝජිතයෝ වැඩි දුරටත් පැවසූහ.

අපවත් වී වදාළ මාදුළුවාවේ සෝභිත නා හිමියන් ගොඩනැගු සාධාරණ සාමාජයක් සදහා වූ බලවේගය ඇතුළු සියළු පුරවැසි ව්‍යාපාර එම අරමුණු වෙනුවෙන් තව දුරටත් අඛණ්ඩව පෙනි සිටින බව සඳහන් කළ ඔවුහු කරු ජයසූරිය මහතා ජනපතිවරණයට ඉදිරිපත් වන්නේ නම් සිය උපරිම ශක්තියෙන් ඒ සදහා දායක වන බවද කියා සිටියහ.

මෙහිදී සිය ප්‍රතිචාරය දැක්වු කථානායක කරු ජයසුරිය මහතා සඳහන් කළේ ජනාධිපතිවරණයට ඉදිරිපත් වන ලෙස මීට පෙරද ආගමික නායකයන් ඇතුළු විවිධ පාර්ශවයන් වෙතින් ඉල්ලීම් ලැබී ඇති නමුත් එම කරුණ අරභයා බලපොරයක කොටස්කරුවෙකු වීමට තමන් අපේක්ෂා නොකරන බවයි.

විශේෂයෙන්ම එක්සත් ජාතික පක්ෂය ප්‍රමුඛ එක්සත් ජාතික පෙරමුණේ පාර්ශවකරුවන්ගෙන් ලැබී ඇති ඉල්ලීම් වුවද තමා සලකා බලනුයේ, සියලු කොටස් එකමුතු හා සාමුහික ක්‍රියාමාර්ගයන්ට අවතීර්ණ වන්නේ නම් පමණක් බවද හෙතෙම සඳහන් කළේය.

එක්සත් ජාතික පෙරමුණෙන් ඉදිරිපත් වන කවර අපේක්ෂකයෙකුට වුවද එහි සියළු පාර්ශවයන් හි පූර්ණ එකඟත්වය සහ ආශිර්වාදය අතිශයින් වැදගත් බව ද කරු ජයසූරිය මහතා පෙන්වා දුන්නේය.

දේශපාලන ක්‍රියාදාමයක් තුළින් ඉටුකර ගැනීමට කිසිදු පෞද්ගලික අරමුණක් තමාට නොමැති නමුත් මාතෘ භූමියෙහිත්, අනාගත පරපුරෙහිත් අභිවෘද්ධිය වෙනුවෙන් ඕනෑම කැප කිරිමකට නොපැකිලෙන බවද හෙතෙම අවධාරණය කළේය.

– කතානායක මාධ්‍ය අංශය

34 views

19 Comments to “ජනාධිපතිවරණයට ඉල්ලන්නැයි ඉල්ලීම් බොහෝ ආවා.. හැමෝම එකග නම් මං සූදානම්..- කතානායක කියයි..”

  1. Mathi says:

    Matath awa godak, mamath illanana inne

  2. පොරමෝලා says:

    සීයට බෑ…සීයේ..😞😥😭☹️

  3. Saradiel says:

    අංගොඩ ඉන්න අයත් මේ වගේ කථා කියනවලු

  4. Siri says:

    අයියෝ යෝ යෝ…..සිහින සුන්දරයි හැබෑ වෙනවනම්…අදහන ආගමක් තියේනම් යනතැනකට පින් රැස්කරගෙන ගෙදරට වෙලා ඉන්න සීයෙ පව් නොදී….

  5. ha sa says:

    Me pissu hatana nidi wikaren kiyonawa..

  6. adura says:

    appo meya kolaba purapathi wela kolabata monada kale. karu awith patati hiru kiyala thamai eda kolabata purapathi une anthimata chaka balas.

Main News