ජනාධිපතිවරණයට තරග කරන්නේ කවුදැයි මහින්ද ඉන්දියාවේදී මුල් වරට හෙලි කරයි.. ජයග‍්‍රහණය 100%ක්ම විශ්වාසයි..

September 12, 2018 at 12:00 pm | lanka C news
ජනාධිපතිවරණයට තරග කරන්නේ කවුදැයි මහින්ද ඉන්දියාවේදී මුල් වරට හෙලි කරයි.. ජයග‍්‍රහණය 100%ක්ම විශ්වාසයි..

මීළඟට පැවැත්වීමට නියමිත ජනාධිපතිවරණය සඳහා තම සහෝදරයෙකු තරග කිරීමට හැකි බව හිටපු ජනාධිපති මහින්ද රාජපක්ෂ සඳහන් කරයි.

ඉන්දියාවේ සංචාරයක නිරත වන රාජපක්ෂ මහතා මේ බව සදහන් කර ඇත්තේ ඉන්දියාවේ ‘ද හින්දු’ පුවත්පත හා අදහස් පළ කරමිනි.

19 ව්‍යවස්ථා සංශෝධනය අනුව තමන්ට ද යළිත් වතාවත් ජනාධිපතිවරණයට තරග කිරීමේ හැකියාවක් ඇතැයි ප්‍රබල නීති තර්කයක් ඇතත් එම අවදානම ගන්නේ දැයි තවම තීරණය කර නැති බවද ඒ මහතා එහිදී සඳහන් කර ඇත.

තම පක්‍ෂය මීලගට බලයට ඒම ගැන 100%ක්ම විශ්වාස යයිද ඒ මහතා එහිදී සදහන් කර ඇත.

තෙදින නිල සංචාරයක් සඳහා මහින්ද රාජපක්ෂ මහතා ඊයේ දිනයේ ඉන්දියාව බලා පිටත්ව ගියේය.

රාජපක්‍ෂ මහතා මෙම සංචාරයේදී ඉන්දීය අගමැතිවරයා ඇතුළු එරට ඉහළ පෙළේ නායකයන් හමුවීමට නියමිතය.

83 views
Main News