ජනාධිපතිවරණය පෙර ඇමරිකාවට අවසන් තුරුම්පුව අදින්න සූදානම්… ආපදා හෝ හදිසි තත්වයක් ඇති කරන්න සැලසුම්..

August 6, 2019 at 12:02 am | lanka C news
ජනාධිපතිවරණය පෙර ඇමරිකාවට අවසන් තුරුම්පුව අදින්න සූදානම්… ආපදා හෝ හදිසි තත්වයක් ඇති කරන්න සැලසුම්..

‘සහරාන්ගේ කල්ලිය’ වැනි තවත් ත්‍රස්ත කල්ලියක් ලවා මරාගෙන මැරෙන ප්‍රහාරයන් එල්ල කරවා රට තුළ හදිසි තත්වයක් ඇතිකොට ඒ තත්ත්වය යටතේ ජනාධිපතිවරණය කල් දමා, රනිල් වික්‍රමසිංහගේ ප්‍රධානත්වයෙන් භාරකාර ආණ්ඩුවක් හැදීම ඇමරිකානු එක්සත් ජනපදයේ අවසන් තුරුම්පුව වී ඇති බවත් ඒ නිසා ඉදිරි මාස කීපය ඉතාමත් තීරණාත්මක කාලයක් වනු ඇති බවත් ඒ තුරුම්පුව ඇදීමට ඇමරිකාවට ඉඩ නොදීම රටට ආදරය කරන කාගේත් වගකීම බවත් ජානිපෙ නායක විමල් වීරවංශ මහතා පෙන්වාදෙයි.

මහනුවර ශ්‍රී පුෂ්පදාන ශාලාවේදී පැවති STOP USA සංවිධානයේ දෙවන සම්මන්ත්‍රණයේ දී අදහස් දක්වමින් ඒ මහතා මෙසේ පෙන්වා දුන්නේය.

එහිදී වැඩිදුරටත් අදහස් දැක් වූ විමල් වීරවංශ මහතා මෙසේද සඳහන් කළේය.

“ඇක්සා ගිවිසුම අනුව ඇමරිකානු හමුදාවන්ට හදිසි තත්ත්වයකදී ශ්‍රී ලංකාවට පැමිණීමට ඉඩ කඩ හදලා දීලා ඉවරයි. එසේම ඇමෙරිකානු ආරක්ෂක හමුදාවන්ට, නිලධාරීන්ට හා ඔවුන්ගේ කොන්ත්‍රාත් කරුවන්ට තම රටේදීවත් නැති වරප්‍රසාද ප්‍රමාණයක් ලබා දෙන්නයි දැන් සෝෆා ගිවිසුම අත්සන් කර ගැනීමට බලන්නේ. ශ්‍රී ලංකාවට වීසා නැතිව එන්න, බඩුබාහිරාදිය පරීක්ෂා කිරීමෙන් තොරව ගෙන එන්න, නිදහසේ ශ්‍රී ලංකාව තුළ සැරිසරන්න, අධිආරක්ෂිත කලාපවලට ඇතුළු වීමට, මේ ඇමරිකන් පුරවැසියන්ට සෝෆා ගිවිසුම අත්සන් කිරීමෙන් පසු ඉඩකඩ ලැබෙනවා.

‘ගිවිසුම් තුනකින් රට වැනසීම’

ඒ විදිහට සෝෆා ගිවිසුම අත්සන් කරගත් පසුව ශ්‍රී ලංකාව තුළ මේ ඇමෙරිකන් පුරවැසියන්ට පදිංචි වීමට අවශ්‍යයි. ආර්ථිකමය වශයෙනුත් මේ රට තමන්ගේ ග්‍රහණයට ගැනීම ඇමරිකාවේ ඊළඟ වුවමනාවයි. ඒ සඳහා තමයි මිලේනියම් චැලේන්ජ් කෝපරේෂන් ගිවිසුම ගෙන එන්නේ. ඒ ගිවිසුමට අනුව ශ්‍රී ලංකාවේ ඉඩම් වෙළෙඳපොළ සක්‍රිය කළ යුතුයි. ඒ සඳහා ඔවුන් යෝජනා කරනවා නව ඉඩම් පනත් දෙකක් ගෙන ඒමට. එකක් තමයි ඉඩම් සංවර්ධන (විශේෂ විධිවිධාන) පනත. එමගින් බලපත්‍රලාභී ඉඩම් හිමියන්ට සින්නක්කර ඔප්පු දෙනවා. පෞද්ගලික ඉඩම් ටික ඇමරිකානු සමාගම්වලට තුට්ටු දෙකට කොල්ල කා ගැනීමයි එහි අරමුණ. ඒ වගේම රජයේ ඉඩම් සියල්ල, රාජ්‍ය ඉඩම් බැංකු පනත යටතේ ඉඩම් බැංකුවකට පැවරෙනවා. අදාළ විෂය භාර ඇමතිවරයාගේ කැමැත්ත ඇතොත් අක්කර දහස් ගණනින් රජයේ ඉඩම් ඇමරිකානු සමාගම්වලට මිලදී ගත හැකියි.

‘ඉඩම් අක්කර 12,33,000ක්’

එක් පැත්තකින් ත්‍රිකුණාමල දිස්ත්‍රික්කයේ ඉඩම් අක්කර 33,000ක සංවර්ධන ව්‍යාපෘතියක් ඇරඹීමට නියමිතයි. එහි සුපිරි මහල්නිවාස සංකීර්ණ, සුපිරි වෙළඳසැල් ආදියත් විශාල වශයෙන් ඇතුළත් වෙනවා. ඒ පිළිබඳව විමසා බැලුවාම පෙනීයනවා ‘සෝෆා ගිවිසුම යටතේ එන ඇමරිකානුවන්ගේ පවුල්වලට දීර්ඝකාලීනව රැඳී සිටීමටයි මේ සුපිරි නිවාස සංකීර්ණ ඉදිවන්නේ’ කියා. ඒ වගේම ත්‍රිකුණාමලය සිට කොළඹ දක්වා දිස්ත්‍රික්ක 07ක් හරහා දිවෙන අක්කර ලක්ෂ 12ක් ඇතුළත් වන විශේෂ ආර්ථික කොරිඩෝවක් ඉදිකිරීමට මිලේනියම් චැලේන්ජ් කෝපරේෂන් ගිවිසුමින් ඉඩකඩ හදලා දෙනවා. ඉඩම් පනත් දෙක හදා දී මිලේනියම් චැලේන්ජ් කොපරේෂන් ගිවිසුමට අත්සන් තැබුවාම මේ රටේ පුරාවිද්‍යාත්මක උරුමයන් සහිත ඉඩම් අක්කර 12,33,000ක් ඇමෙරිකානු අධිරාජ්‍යවාදීන්ගේ ග්‍රහණයට නතු වෙනවා.

‘ආපදා අධිරාජ්‍යවාදය’

අමෙරිකා එක්සත් ජනපද අධිරාජ්‍යවාදය යොදා ගන්නා නූතන ක්‍රමවේදය තමයි ආපදා අධිරාජ්‍යවාදය. රටක් තුළ පළමුව ආපදාවක් ඇතිකොට එම ආපදාවට පිළියම් කිරීමේ මුවාවෙන් එයට රිංගා ගැනීම මෙහිදී සිදු කෙරෙනවා. ඇක්සා ගිවිසුම ගැහුවාට මදි. ශ්‍රී ලංකාවට රිංගන්න නම් ආපදා තත්ත්වයක් – හදිසි තත්ත්වයක් ඇති කළ යුතුයි. හදිසි තත්ත්වය හදන්න එදා ඇමෙරිකා එක්සත් ජනපදයට වේළුපිල්ලේ පිරබාහරන්ගේ කුලී සේනාංකය හිටියා. අද ඒ හදිසි තත්ත්වය හදන්න සහරාන්ලා වුවමනා වෙලා තිබෙනවා. සහරාන්ලා වහබි අන්තවාදයෙන් පිස්සු වැටිලා, මරාගෙන මැරෙනකොට ඇති ිවන මරාගැනිල්ල නිසා ‘ශ්‍රී ලංකාව තුළ හදිසි තත්ත්වයක් – වහාම මැදිහත් විය යුතුයි’ කියා ඇමරිකානු 07 වැනි ඉන්දු – පැසිෆික් නාවික බලඇණිය ඇතුළු ඇක්සා ගිවිසුමේ උපලේඛනවල සඳහන් හමුදා අනුඛණ්ඩ රිංගා ගන්නවා. ඒකයි ඇමරිකාවේ සැලසුම වුනේ.

නමුත් ඇමෙරිකාව බලාපොරොත්තු වූ සිංහල – මුස්ලිම් මරාගැනිල්ල ඒ ආකාරයට සිදු වුණේ නැහැ. ඒ නිසායි තවමත් ඇමරිකානු හමුදාවන්ට අපේ රටට රිංග ගන්න බැරි වෙලා තියෙන්නේ. තමන්ගේ සැලසුම ඇමරිකාව අතහරී කියා හිතන්න බැහැ. ඔවුන්ට තවමත් ආපදා තත්ත්වයක් – හදිසි තත්ත්වයක් අත්‍යවශ්‍ය වී තිබෙනවා. ඉදිරි මාස 03 – 04, මේ රටේ ඉරණම සමඟ ඉතා තදින් බැඳුණු මාස කීපයක්. ඇමරිකා එක්සත් ජනපදය, තමන්ගේ ‘රූකඩ බත්බැලයා’ වන රනිල් වික්‍රමසිංහගේ බලය ගිලිහෙන තෙක් නිහඬව සිටියි ගියා කිසිවිටෙක හිතන්න එපා. ඔවුන්ගේ අවසාන තුරුම්පුව තමයි ‘අප්‍රේල් 21’ සහරාන් ලවා හදාගන්න දඟලපු හදිසි තත්වය ‘තවත් සහරාන්ලා’ දෙතුන්දෙනකු ලවා හදා ගැනීම, ඒ හදිසි තත්ත්වය අවශ්‍ය මාත්‍රා ගණනට හැදුනාම ඒ තත්ත්වය මත ජනාධිපතිවරණය කල් දැමීම, ඉන්පසු හදිසි තත්ත්වය රතු පාවාඩ බවට පත්කරගෙන ගිවිසුමෙන් ලබාදී තිබෙන වරම අනුව ඇමෙරිකාවේ 07 වැනි ඉන්දු – පැසිපික් නාවික බලඇණිය ශ්‍රී ලංකාව තුළට කඩා වැදීම, ඉන්පසු අගමැති ලවා සෝෆා ගිවිසුම අත්සන් කරවා ගැනීම, රනිල් වික්‍රමසිංහගේ ප්‍රධානත්වයෙන් තාවකාලික භාරකාර ආණ්ඩුවක් පිහිටුවීම.

ඒ තුරුම්පුව මේ මාස 03-04 තුළ අදින්නයි හදන්නේ. ඊට එරෙහිව කළ යුතු සියල්ල අපි කළ යුතු වෙනවා. STOP USA සංවිධානය ගොඩනැගුණේ ඇමරිකානු ගිවිසුම් තුනකින් මේ රට වනසන එක නතර කිරීම සඳහා පුළුල් ජනතා බලවේගයක් ගොඩනැගීම සඳහායි. ඒ සඳහා එක්වන ලෙස සියලුදෙනාට ඇරයුම් කරනවා.”

අනුරුද්ධ බණ්ඩාර රණවාරණ
මාධ්‍ය ලේකම්
ජාතික නිදහස් පෙරමුණ

86,069 Viewers

13 Comments to “ජනාධිපතිවරණය පෙර ඇමරිකාවට අවසන් තුරුම්පුව අදින්න සූදානම්… ආපදා හෝ හදිසි තත්වයක් ඇති කරන්න සැලසුම්..”

  1. Bold Citizen says:

    It’s really funny to have anti-American slogans coming from a camp founded and headed by an American citizen..

    • You sound like a frog in a deep well who never had the chance to visit a foreign country apart from Singapore. Everyone cannot have a citizenship in another country. For that you need qualification or luck. You seem to have none.
      Not everyone who has a citizenship in another country betray their own country. We have seen many so called Sri Lankan only citizens who has no chance to leave this country even for a holiday betray this country just for dollars.
      So wake up. Try to come out of the well.
      Good luck

      • kanishka Tissa says:

        Well said! Very true! You have said it very eloquently. UNPers, JVPers, Eelamists, Muslim fundamentalists and NGO kakkas who are the ass-lickers of the West led by the USA are so desperate to find something to smear mud at Gotabhya Rajapaksha. They know very well that UNP stand no chance whatsoever to win a single upcoming elections.

    • Lion says:

      It is utterly stupid to determine by green card whether a person is pro american or not. It can only be done looking at ones political actions. If you have an iota of political sense you would not say Gota is pro american. In contrast UNP bigwigs dont have any green card but in all their actions they are US slaves. US too knows that.

    • islander says:

      The same American citizen worked hard to eliminate the LTTE amid of American pressure. Such a shame that you don’t know.

  2. sinha le says:

    ඉරාකයටත් බොරු චෝදනා කර ඉරාකය විනාස කර දැමුවෙත් මේ අය තමා

  3. sinha le says:

    ඉරාකය සිරියාව සුඩානය ඇෆ්ගනිස්ථානය යුගෝස්ලාවිය විනාසකර දැන් ඉරානය සමග අපේ රට බිලිගන්නා යන්නේ රාවණ පරපුර දැන්වත් නැගිටපල්ලා අපේ රට බේරාගන්න

  4. Sun says:

    Thank you for providing the information about these so called democratic behaviour is a way of acting but doing something else. Our so called leaders are following the same and people know they are acting. Even the world organisations are controlled by these Americans to implement their own plans not reasonable for all. Can you believe. Talking of rights but looking the other way. Our political leaders are exactly following the same path of democracy where they cannot find the principle of democracy. It is just a load of words meaningless for people.

  5. john the baptice says:

    😀 😀 😀

  6. Open mind says:

    ජනාධිපති අපේක්ෂකයන් මේ අත්සන් කිරීමට අපේක්ෂිත ගිවිසුම් ගැන කරන විග්‍රහයන් දැන ගන්න කැමති යි.

    • Sun says:

      Nagananda says he is going to cancel everything on the spot when he comes to power.

      • Lanka Perera says:

        ඔහොම තමා Port City Agreement එකටත් කිව්වේ දැන් ඉන්න කට්ටිය.

  7. c2bit.me says:

    Αt this timе it sounds like Drupal is the best blogging platform out there riught
    now. (from whɑt I’ve read) Is that what you’re using on your bⅼog?

Main News