ජනාධිපති අපිව රැවැට්ටුවා.. නිවේදනයේ කරුණුවලට අප එකග වූයේ නෑ.. නැවතත් අඛණ්ඩ වර්ජනයක් කරනවා..-GMOA

June 26, 2017 at 10:00 am | lanka C news
ජනාධිපති අපිව රැවැට්ටුවා.. නිවේදනයේ කරුණුවලට අප එකග වූයේ නෑ.. නැවතත් අඛණ්ඩ වර්ජනයක් කරනවා..-GMOA

සයිටම් සම්බන්ධව ජනාධිපතිවරයා සමඟ කළ සාකච්ඡාවේදී එකග නොවූ යෝජනා රජයේ ස්‌ථාවරය ලෙස ප්‍රකාශයට පත්කර ඇති නිසා අනිවාර්යයෙන්ම ඉදිරි දිනවල යළි අඛණ්‌ඩ වැඩ වර්ජනයකට යැමට සිදුවනු ඇතැයි රජයේ වෛද්‍ය නිලධාරීන්ගේ සංගමයේ සංස්‌කාරක වෛද්‍ය නලින්ද හේරත් මහතා ප්‍රකාශ කළේය.

සයිටම් ආයතනයට සිසුන් බඳවාගැනීම සහ උපාධි ප්‍රදානය අත්හිටුවීම සඳහා නීත්‍යානුකූල කටයුතු කඩිනමින් අවසන් කරන බවට තමන් සමඟ කළ සාකච්ඡාවේදී එකඟ වූ ජනාධිපතිවරයා ඉන්පසු රජයේ ස්‌ථාවරය ලෙස සඳහන් කර තිබෙන්නේ විශේෂ ගැසට්‌ නිවේදනයකින් පනවන කොන්දේසි සම්පූර්ණ කරනතුරු සිසුන් බඳවාගැනීම සහ උපාධි ප්‍රදානය නතර කරන බව යෑයි ද වෛද්‍ය නලින්ද හේරත් මහතා පැවසුවේය.

අපි එකඟ නොවූ දේ රජයේ ස්‌ථාවරය ලෙස ඉදිරිපත් කරනවා. සයිටම් ආයතනය පිළිබඳ රජයේ ස්‌ථාවරයේ මූලික හරයන් නීතිපතිවරයා හරහා ශ්‍රේෂ්ඨාධිකරණයට ඉදිරිපත් කරන බවටත් ජනාධිපතිවරයා එකඟ වුණා. ශ්‍රී ලංකා වෛද්‍ය සභාවේ සභාපතිවරයා හෝ එහි කවුන්සිලයේ ස්‌වාධීනත්වයට කිසිදු හානියක්‌ වීමට ඉඩ ලබා නොදෙන බවට ජනාධිපතිවරයා එකඟත්වය පළ කළා. ඒ වගේම සයිටම් අර්බුදය තුළින් පැනනැඟුණු මූලික ගැටලුවලට ජනතාවට අගතියක්‌ නොවන පරිදි විසඳුමක්‌ ලබාදීමට නව ප්‍රවේශයකින් වැඩපිළිවෙළක්‌ අරඹන බවත් ජනාධිපතිවරයා අප සමඟ එකඟ වුණා.

රටේ පවතින වසංගත රෝග තත්ත්වය සැලකිල්ලට අරන් ජනාධිපතිවරයා සමඟ ඇතිකරගත් ඉහත එකඟතා මත තමයි අපි අඛණ්‌ඩ වැඩවර්ජනය සෙනසුරාදා අවසන් කළේ. ඒ ජනාධිපතිවරයාගේ ඉල්ලීම නිසයි. අපි වැඩ වර්ජනය නතර කළේ නෑ. තාවකාලිකව අත්හිටුවූවා.

දැන් ජනාධිපතිවරයා අප සමඟ එකඟ වූ කරුණුවලට පටහැනි කරුණුත් රජයේ ස්‌ථාවරය ලෙස ප්‍රකාශ කරනවා. ඒ නිසා අපි මේ පිළිබඳ අධ්‍යයනය කරනවා. එකඟ වූ කරුණුවලට පිටින් ක්‍රියා කළොත් සෙනසුරාදා අත්හිටුවූ අඛණ්‌ඩ වැඩවර්ජනය ඉදිරි දින දෙක තුන තුළදී යළි ආරම්භ කරනවා යෑයි ද වෛද්‍ය නලින්ද හේරත් මහතා වැඩිදුරටත් ප්‍රකාශ කළේය.

– දිවයින

112 views

42 Comments to “ජනාධිපති අපිව රැවැට්ටුවා.. නිවේදනයේ කරුණුවලට අප එකග වූයේ නෑ.. නැවතත් අඛණ්ඩ වර්ජනයක් කරනවා..-GMOA”

  1. Dammika says:

    රජයේ වෛද්‍ය නිලධාරින්ගේ සංගමය නිකුත් කරන ප්‍රකාශ කිතුල් ගහට ගිය මිනිසාට කියන්නට සිදු වූ හේතු වගෙයි. එම සංගමය දියත් කර තිබු වැඩවර්ජනය පිළිබදව සාකචිඡා කිරිමට ජනාධිපතිවරයාට අවශ්‍යතාවයක් තිබුනේ නැහැ. රජයේ වෛද්‍ය නිලධාරින්ගේ සංගමයේ වුවමනාව මත තමයි සාකචිඡාව පැවැත් වුනේ. ජනාධිපති කාර්යාලයේ සිටින නිලධාරින්ට බලපෑම් කරමින් තමයි ඒ සදහා වෙිලාව ලබා ගත්තේ. ජනාධිපතිවරයා මට ප්‍රකාශ කළා මෙය නිල නොවන හමුවීමක් බව. ඒ බව සාකචිඡාවට පැමිණි රජයේ වෛද්‍ය නිලධාරීන්ගේ සංගමයේ නියෝජිතයින්ට ද දැනුම් දී තිබුනා. මෙම සාකචිඡාවෙි ලිඛිත වාර්තා කිසිවක් නොමැත. සාකචිඡා සටහන් කිසිවක් නොමැත. වීඩියෝ ගත කර හෝ ඡායාරූප ගත කර නොමැත. එම නිසා මෙම නිල නොවන සාකචිඡාව පිළිබදව ප්‍රකාශ නිකුත් කිරීමෙි අවශ්‍යතාවයක් නොමැත.

  2. Dickie Bird says:

    Whatever the issue the GMOA sees a problem………………
    Maithreepala’s issue is he can not be trusted and he is not interested in the wellbeing of the country.

    ආණ්ඩුව ට කෙළ වෙයි කියල බල න් හිටිය.කෝ නැනේ…. No…no… Anduwata kela wenne nehe. Dawasin dawasa
    maha janayata thamai kela wenne.

    Ratama rawattuwa… ithin may dostharala mona kajjak da gamalayata.

  3. john the baptice says:

    කපටි ගමරාළ

  4. සරදියෙල් says:

    මං දොස්තර නෙවිල්ගෙවත් වෛද්‍ය සංගමේවත් අන්තරේවත් ගෝලයෙක් නෙමෙයි. කෙටියෙන් කියනවා නම්, සයිටම් එකට වඩා ප්‍රශ්න අපිට තියෙනවා. සයිටම් ප්‍රශ්නෙ එච්චර අදාල එකක් නෙමෙයි. තවත් කෙටියෙන් කියනවා නම්, මට කෙනෙක් දෙන බෙහෙත් වලින් මාව සනීප වෙනවා නම් ඒ දෙන කෙනා රජයේ ඩොකෙක්ද සයිටම් ද පිටරටද එම්බීබීඑස් නැති ෆාමසිස්ට් කෙනෙක්ද නැත්නම් කොන්දොස්තර කෙනෙක්ද කියන එකවත් මට අදාලම නෑ. සනීප වෙනවා නම් එච්චරයි.

    • බන්ඩා says:

      අන්තරේය් GMOA ඩොකාලය් නම් කියන්නෙ රජයෙ විශ්ව විද්‍යාලෙක ඉගන ගත් දොස්තරගෙන් නැතුව වෙන දොස්තරලගෙන් බෙහෙත් ගත්තොත් ලෙඩ්ඩු මැරෙනවා කියලය්. A/L A3 තිබුනත් S3 තිබුනත් රජයෙ විශ්ව විද්‍යාලෙක ඉගන ගත් දොස්තර තමය් දක්ෂ දොස්තර. අනේ අම්මපා මෙහෙමත් පුහු තර්ක.

  5. Channa says:

    තොපි පුද්ගලික චැනල් සේවයත් වර්ජනය කරපිය හොර හැත්ත. මුං පුද්ගලික සේවයේ යෙදිලා රජයේ රෝහල් සේවය වර්ජනය කරනවා මුන්ට යන්න වෙන්නේ අපායට

  6. චමියා says:

    නොදන්න නිසා අහන්නෙ දැන් දුප්පත් ලමයෙක් a/l විද්‍ය අංශයෙන් ඉදිරිපත් වෙලා a1යි b2යි අරන් විශ්ව විද්‍යාලයට යන්න බැරිව ඉන්නකොට සල්ලි තියෙන පවුලක ලමයෙක් කලා විශය දාරාවෙන් උසස් පෙල ලියලා c3ක් අරන් පුස්ගලික විශ්ව විද්‍යාලයට ගිහින් සල්ලි වියදම් කරල ඉගෙන ගෙන දොස්තර කෙනෙක් වෙන එක හොදද ඇයි මෙි තත්වය ඇති වෙන්නෙ කියල හිතල බැලුවොත් නරකද හැමෝම

Main News