ජනාධිපති-කතානායක ගටුම යලි ඇවිලේ.. ජනපතිගේ ප‍්‍රකාශයට විරුද්ද කතානාකයගෙන් සැරපරුෂ නිවේදනයක්..

June 9, 2019 at 12:02 am | lanka C news
ජනාධිපති-කතානායක ගටුම යලි ඇවිලේ.. ජනපතිගේ ප‍්‍රකාශයට විරුද්ද කතානාකයගෙන් සැරපරුෂ නිවේදනයක්..

කථානායක කාර්යාලය විසින් නිකුත් කරන ලද නිවේදනයක් මෙහි දැක්වෙයි.

මාධ්‍යය නිවේදනයයි…

මේ දිනවල පාර්ලිමේන්තුවේ පැවැත්වෙන අප්‍රේල් 21 දින සිදු වූ ත්‍රස්ථ ප්‍රහාරය පිළිබඳව සොයා බලා පාර්ලිමේන්තුව වෙත වාර්ථා කිරීමේ විශේෂ කාරක සභාවේ රැස්වීම් සහ අදාළ සාක්ෂි විමසීමේ අවස්ථාවන් මාධ්‍ය වෙත විවෘත කිරීම පිළිබඳව පාර්ශව කිහිපයක් විසින් විවිධ මත දක්වා ඇති බව පෙනී යයි.

විශේෂයෙන්ම අතිගරු ජනාධිපතිතුමන් විසින්ද මෙම කරුණ අරභයා මාධ්‍ය හමුවේ අදහස් දක්වා ඇති බැවින් කරුණු පැහැදිළි කිරීම පාර්ලිමේන්තුවේ වගකීමක් වේ.

අප්‍රේල් 21 දින ත්‍රස්ථ ප්‍රහාරයෙන් පසුව පාර්ලිමේන්තුව අංශ කිහිපයකින් ක්‍රියාත්මක වෙමින් සිටී. ඉන් ප්‍රධානතම කොටසක් වනුයේ ජාතික ආරක්ෂාව සහ දිගුකාලීන සංහිඳියාව ගොඩනැඟීමත් සියළු අන්තවාදයන් පිටුදැකීමත් සඳහා වන නීති සම්පාදනය කිරීම වෙනුවෙන් අදාළ ආංශික අධීක්ෂණ කාරක සභාවන් අඛණ්ඩව රැස්වෙමින් පුළුල් ක්‍රියාදාමයක නිරතව සිටීමයි.

එහි ප්‍රථිඵලයක් ලෙස මේ වන විටත්පාර්ලිමේන්තුවේ සියළු ප‍ාර්ශවයන් ගේ එකඟත්වයෙන් සහ විවිධ ආගමික නායකයන් දැක්වූ අදහස් සැළකිල්ලට ගෙන ආගමට මුවා වී සිදු කෙරෙන බහු විවාහ, ළමා විවාහ ආදිය රටේ පොදු නීතියට යටත් කිරීම අන්තවාදය පතුරුවන පාසල් සහ සියළු අන්දමේ අධ්‍යාපන ආයතන පිළිබඳව පියවර ගැනීම අනන්‍යතාවය වසන් කරන ඇඳුම් විලාසිතා සම්බන්ධව පියවර ගැනීම ජාතීන් අතර භේද ඇතිකරන වෛරී කථනයන්ට එරෙහිව ආදී තීරණාත්මක කරුණු රැසක් සම්බන්ධව පොදු එකඟතාවයන්ට පැමිණීමට හැකිව තිබේ.

මේ හැරුණුකොට අප්‍රේල් 21 වන දින සිදු වූ ත්‍රස්ථ ප්‍රහාරය පිළිබඳව සොයා බලා වාර්ථා කිරීම පිණිස පත් කරන ලද විශේෂ කාරක සභාවද සිය විමර්ෂණ කටයුතු ආරම්භ කර ඇත. මෙම කාරක සභාව පත්කරන ලද්දේ ආණ්ඩු පක්ෂයේ සහ විපක්ෂයේ මන්ත්‍රීවරුන් එකඟත්වයකට පැමිණ අත්සන් කරන ලදුව ගනු ලැබූ තීන්දු අනුව පාර්ලිමේන්තුවේ යෝජනා සම්මතයකිනි. එළෙස පාර්ලිමේන්තුව විසින් අනුමත කරනු ලැබූ කාරක සභාවේ සමාජිකත්වයට මන්ත්‍රීවරු 12 දෙනෙකු (ආණ්ඩු පක්ෂය 7 – විපක්ෂය 5) නම් කෙරිණි (මෙම කාරක සභාවට විපක්ෂයෙන් ලැබුණේ අර්ධ සහභාගීත්වයක් පමණක් වන අතර එක්සත් ජනතා නිදහස් සන්ධානයේ නම් කළ සාමාජිකයන් කමිටුව වර්ජනය කරන ලදි. ඔවුන්ද සහභාගී වූයේ නම්, මෙහි අවධානය යොමු කරන ගැටළුව කාරක සභාව තුළදීම විසඳාගත හැකිව තිබිණි.)

පාර්ලිමේන්තුව විසින් සම්මත කරන ලද නව ස්ථාවර නියෝග ප්‍රකාරව පැවැත්වෙන මෙම කාරක සභාවේ කටයුතු ජනමාධ්‍ය වෙත විවෘත කිරීම ද පාර්ලිමේන්තුව විසින් අනුමත කරනු ලැබීය. එය ප්‍රජාතන්ත්‍රවාදී පාලන රාමුවක් පවතින රටකට නුහුරු අත්දැකීමක් නොවේ. මෑතක දී ඇමරිකා එක්සත් ජනපදයේ නීතිපතිවරයා සහ රහස් තොරතුරු සේවයේ (CIA) අධ්‍යක්ෂ වරයා ඇමරිකානු මහජන කොන්ග්‍රසය විසින් පත් කළ කාරක සභාවක් හමුවට කැඳවා ප්‍රශ්ණ කරන අයුරු ලොව පුරා ජාත්‍යන්තර මාධ්‍යය සජීවීව විකාශය කළ ආකාරය ද මෙහි ලා පෙන්වා දිය හැක. එය ඇමරිකා එක්සත් ජනපදයේ පමණක් නොව ලොව දියුණු ප්‍රජාතන්ත්‍රවාදයක් පවතින රටවල සාමාන්‍ය ලක්ෂණයකි.

කාරක සභාව හමුවේ සාක්ෂි දීමට පැමිණෙන සෑම පුද්ගලයෙකුටම අදාළ දිවුරුම ලබා දීමෙන් පසු ජාතික ආරක්ෂාවට තර්ජනයක් වේ යැයි අදහස් කෙරෙන කරුණු මාධ්‍යය ආවරණයෙන් බාහිරව ප්‍රකාශ කිරීමට අවස්ථාව ඇති බව පැහැදිළිව දැණුම් දෙනු ලැබේ.

පසුගිය සතියේ ජනාධිපති ලේකම් වරයා වෙත නීතිපතිවරයා විසින් එවන ලද ලිපියක් කථානායකවරයා වෙත යොමු කර තිබිණි. එහි සඳහන් වූයේ කාරක සභාව හමුවේ හෙළිවන ඇතැම් කරුණු දැනට පැවැත්වෙන පරීක්ෂණ වලට බාධාවක් විය හැකි බවයි. එම ලිපිය ලද විගස අදාළ කමිටු සාමාජිකයන් ට ඒ පිළිබඳව සැළකිලිමත්වන ලෙස කථානායකවරයා විසින් දන්වන ලද අතර කිසිඳු අයුරකින් ජාතික ආරක්ෂාවට අගතියක් නොවන ලෙස කටයුතු කිරීමට උපරිම වශයෙන් අවධානය යොමු කරන ලෙස ද දැණුම් දෙන ලදි. ඊට අමතරව කාරක සභා සාමාජිකයන් කැඳවා විශේෂ සාකච්ඡාවක් ද පවත්වා උපදෙස් ලබා දෙන ලදි.

කෙසේ වෙතත් 2019.06.07 දින අතිගරු ජනාධිපතිතුමා ජනමාධ්‍යය ඉදිරියේ සඳහන් කරන ලද්දේ එකී ලිපිය එතුමාගේ නියෝගයක් බවත් එය පාර්ලිමේන්තුවේ දී කථානායකවරයා විසින් ප්‍රකාශයට පත්කළ යුතුව තිබූ බවත්ය.

ජනාධිපතිවරයා විසින් යොමු කරන සංදේශ පාර්ලිමේන්තුවට ඉදිරිපත් කරනුයේ සභාවට එහි ඇති අදාළත්වය අනුවය. කාරක සභාවක කටයුත්තක් සම්බන්ධව ජනාධිපතිලේකම්වරයා විසින් එවන ලද ලිපියක් පාර්ලිමේන්තුව වෙත ඉදිරිපත් කිරීමේ අවශ්‍යතාවයක් පැන නොනගී.

එලෙසින්ම පැහැදිළි කල යුත්තේ ස්ථාවර නියෝගයන් ට අනුව පොදු එකඟතාවයකින් ආරම්භ කළ පාර්ලිමේන්තුව අනුමත කරන ලද ක්‍රියාදාමයන් නැවැත්වීමේ අවසන් බලය පාර්ලිමේන්තුව සතුවම පවතින බැවින් මෙම විශේෂ කාරක සභාවේ කටයුතු වැළැක්වීම කථානායක වරයාගේ අභිමතය පරිදි සිදුකළ නොහැකි බවයි.

එසේ හෙයින් උක්ත කාරක සභාවේ කටයුතු ජනමාධ්‍යයන්ට විවෘතකිරීම හෝ නොකිරීම පිළිබඳව තීරණය ගැනීමට එම කාරක සභාවට හැකියාව ඇත. ඒ පිළිබඳව කථානායකවරයා පක්ෂ නායකයින් සමඟ සාකච්ඡා කර පාර්ලිමේන්තුවේ අවධානය යොමු කිරීමට ද ඉදිරියේ දී පියවර ගනු ඇත.

කෙසේ වුවද වර්තමානයේ පවතින නීතිය අනුව යම් නිලධාරියෙක් පාර්ලිමේන්තුවේ කැඳවීමකට අවනත වීමට බැඳී සිටී. එය කඩකිරීමේ ප්‍රතිවිපාක පිළිබඳව ඔවුනට පැහැදිළි අවබෝධයක් ඇති බව ද නිසැකය.

කිසිවිටකත් පාර්ලිමේන්තුව ජනාධිපතිතුමන්ගේ බලතල අභියෝගයට ලක් නොකරන නමුත් පාර්ලිමේන්තුව විසින් අනුමත කරන ලද කාරක සභාවක ක්‍රියාදාමය විවේචනයට ලක්වීම තුළින් ජනතාව තුළ ඇතිවිය හැකි වැරදි මතයක් පිළිබඳව නිවැරදි තොරතුරු සැළකිරීම සඳහා පමණක්ම මෙම කරුණු සද්භාවයෙන් යුතුව දැණුම් දෙන බවද අවධාරණය කරමු.

– කථානායක කාර්යාලය

36,368 Viewers

12 Comments to “ජනාධිපති-කතානායක ගටුම යලි ඇවිලේ.. ජනපතිගේ ප‍්‍රකාශයට විරුද්ද කතානාකයගෙන් සැරපරුෂ නිවේදනයක්..”

  1. Palitha says:

    කොච්චර උඩ පැන පැන බිරුවත් ජනාධිපතිවරණය තරඟ කොරන්න ටිකට් එක උඹට හම්බ වෙන්නේ නැහැ මයේ නාකි පුතේ………..!!

  2. ඇමෙරිකාවේ උන් කක්කුස්සියට ගිහින් කොළවලින් පිහින එක තමයි කරන්නේ. උන් වතුරෙන් හෝදන්නේ නැත. මු අපිටත් කොළ වලින් පිහදාගන්ට කියයිද.

  3. Just says:

    Me santha..
    Kawda merate janadipathi….
    Ane ammapa karu mahathayatath giya kalak..
    Saha sirisena mahaththayath iwasana iwasillak…

  4. ජෙයම්පති වික්කරමරතන says:

    කතානායක කරු මයාගේ ගැලවුම් කාරයා අබු විජි හේරා.
    මිනිහ පැනල කියයි කරු මයා හරි ඒ නිසා ජනපතිගේ කථාව සැලකිල්ලට නොගත යුතුයි කියල.

  5. Sadda says:

    මොන බයිලා ගැහැව්වත් , රටම දන්නවා රජය කියන්නෙ ජනාධිපති ඇතුලු සමස්ත කැබිනට් මන්ඩලයම බවත් , 2015 සිට ගෙන ආ අදූරදර්ශි පාලනයේ අනිටු විපාකයන් වලටයි මේ ජනතාව මුහුන දෙන්නේ කියා.

  6. Open mind says:

    ඔහේ ආවට ගියාට කරන කියන දේ…….අර්ථවත් දෙයක් මේ වසර 4 ටම දුටුවේ නැහැ.

  7. පොරමෝලා says:

    මේකාට මේ උන තිබුණද බැංකු කොල්ලය ගැන විභාගයේදී?

  8. අංකූරා says:

    පාර්ලිමේන්තුව උත්තරීතරයි කියන එක පදනම් වෙලා තියෙන්නේ ඒකෙ ඉන්න සාමාජිකයන් රටට වගකියන උත්තරීතර මිනිස්සු යන උපකල්පනය මතයි !. කරු මයාණනි, එය එසේම ද ?.
    අනෙක ඔබලා සෑම විටම උදාහරණයට ගන්නා ඇමරිකාව යනු රට සදහා වූ ජාතික ප්‍රතිපත්ති ඇති දියුණු ශක්තිමත් රටක් , ඒක එක්ක අපේ රට සන්සන්දනය කිරීම තකතීරු මෝඩ වැඩක් !!!.

  9. samagiya says:

    ආන්ඩුක්‍රම ව්‍යවස්ථා නීතිය මැනවින්දත් ප්‍රගුණකල කථානාවකනරයා ඔබයි. එය මෝඩ කොළනියේ ජීවත්වූ ග්‍රාමනිළධාරියා නොදනී .ජාතියේ අවාසනාවද එයයි

  10. යුක්තිය says:

    ජනාධිපතිතුමා දුම්න්දලව බේර ගන්න ගිහින් තියන්න හදපු චන්දෙත් ආපස්සට ගත්ත…! අර මිනිස්සු ලෝකෙ ඉස්සරහ අපි මෙහෙම කරා අරම කරා කිව්වම උන් නිකම්ම ඉලක්ක වෙනව…! අයිඑස් එකට ගොදුරැ දෙන්න ඕනම නම් යූඑන්පී රැලියක් තියන්න කියන්න…! මිලේනියම් සිටි යක්ශයට තවත් වටින ජීවිත බිලිගන්න දෙන්න එපා…!

  11. kawinda says:

    lipiya nam kathaanaayaka office eken enaata wkathargathaya sirikothin.

  12. gadol says:

    කථානායකට විස්වාස බංගයක් ගෙන ආ යුතුය