ජනාධිපති තමන්ට ඡන්දය දුන් පිරිස්වල බලාපොරොත්තු මාස 06න් බිද දැම්මා.. අද රට පාලනය කරන්නේ රාජපක්‍ෂවරුන් 04 දෙනෙක් පමණයි..

June 11, 2020 at 6:48 pm | lanka C news
ජනාධිපති තමන්ට ඡන්දය දුන් පිරිස්වල බලාපොරොත්තු මාස 06න් බිද දැම්මා.. අද රට පාලනය කරන්නේ රාජපක්‍ෂවරුන් 04 දෙනෙක් පමණයි..

අද වන විට මෙරට පාලනය කරමින් ඇත්තේ ජනාධිපතිවරයා ලෙස ගොටාබය රාජපක්ෂ, අගමැතිවරයා ලෙස මහින්ද රාජපක්ෂ, අමාත්‍යාංශ ගණනාවක ඇමති ලෙස චමල් රාජපක්‍ෂ, ජනාධිපති කාර්යසාධක බලකායක ප්‍රධානි ලෙස බැසිල් රාජපක්ෂ යන එක් පවුලක් විසින් බව ජනතා විමුක්ති පෙරමුණ පවසයි.

එම පක්ෂයේ නායක අනුර කුමාර දිසානායක මහතා පවසන්නේ එක් පවුලක් විසින් ශ්‍රී ලංකාව පාලනය කිරීම වළක්වා ප්‍රජාතන්ත්‍රවාදීව රට පාලනය කිරීම සඳහා හැකි ඉක්මනින් මැතිවරණයක් පැවැත්විය යුතු බවයි.

ජනාධිපතිවරයා ලෙස පත් වී මාස හයකට වැඩි කාලයක් ඉක්මවා ගොස් ඇතද ගෝඨාභය රාජපක්ෂ මහතා තමන් චන්දය දුන් ජනතාවගේ බලාපොරොත්තු බිඳ දමා ඇති බවත් ඔහු කියා සිටියේය.

ආණ්ඩුව ගැනත් එජාපය සහ සමගි ජන බලවේගය ගැනත් කලකිරුණු පිරිස් වලට ජාතික ජන බලවේගය සමග මේ රට වෙනුවෙන් නව ගමනක් යා හැකි බවද ඔහු පැවසීය.

ජනතා විමුක්ති පෙරමුණේ පක්ෂ මූලස්ථානයේ පැවැති මාධ්‍ය හමුවකදී ඔහු මෙම අදහස් පළ කළේය.

360 views
Main News