ජනාධිපති තම ධුර කාලය 2020 මැයි දක්වා කාලය දීර්ඝ කිරීමට සැලසුම් කරයි..

May 20, 2019 at 10:40 am | lanka C news
ජනාධිපති තම ධුර කාලය 2020 මැයි දක්වා කාලය දීර්ඝ කිරීමට සැලසුම් කරයි..

ජනාධිපති මෛත්‍රීපාල සිරිසේන මහතා සිය නිල කාලය 2020 මැයි දක්වා දීර්ඝ කර ගැනීමට සැලසුම් කර ඇති බවත් එය මේ අවස්ථාවේ කාලෝචිත නොවන, නුසුදුසු, අනවශ්‍ය, ව්‍යාකූලතා උද්දීපනය කරන, ප්‍රඥා ගෝචර නොවන කටයුත්තක් සේ දකින බවත් සදහන් කරමින් ජාතික විශ්වවිද්‍යාල ආචාර්ය සංගමය ජනාධිපතිතුමන්ට ලිපියක් යොමු කර ඇත.

එම ලිපිය පහත දැක්වේ.

20.05.2019

අතිගරු ජනාධිපති මෛත්‍රීපාල සිරිසේන මැතිතුමා.
ජනාධිපති ලේකම් කාර්යාලය,
කොළඹ 01.

ගරු ජනාධිපතිතුමනි,

ඔබතුමන්ගේ නිල කාලය ගැන ශ්‍රේෂ්ඨාධිකරණයේ මතය විමසීම සම්බන්ධවයි !

ආණ්ඩුක්‍රම ව්‍යවස්ථාවේ 19 සංශෝධනය සම්මත වීමෙන් පසු, විධායක ජනාධිපතිවරයාගේ නිල කාලය අවසන්වන්නේ පූර්ව ජනාධිපතිවරණය පැවති 2015 ජනවාරි 8 දින සිට වසර 5 කින්ද නොඑසේනම් කතානායකවරයා 19 සංශෝධනය බලාත්මක කරමින් සිය අත්සන යෙදු 2015 මැයි මස 15 දින සිට වසර 5 කින්ද යන්න සම්බන්ධයෙන්, ඔබතුමා ශ්‍රී ලංකා ආණ්ඩුක්‍රම ව්‍යවස්ථාවේ 129 වගන්ති ප්‍රකාරව ශ්‍රේෂ්ඨාධිකරණයේ මතය විමසීමට සුදානමින් සිටින බව විශ්වාසනීය ආරංචි මාර්ග මගින් අපි දැනුම්වත් වීමු.

අ) 19 සංශෝධනය සම්මත වීමෙන් පසු ඔබතුමන්ගේ නිල කාලය වසර 6ක් නොව 5ක් බව මීට පෙර ශ්‍රේෂ්ඨාධිකරණය සිය මතය දැනුම් දී ඇති හෙයින් ද,

ආ) 2018 වසරේ නොවැම්බර් මස පාර්ලිමේන්තුව විසිරවීම බල රහිත කරමින් ශ්‍රේෂ්ඨාධිකරණය ලබා දුන් තීන්දු ප්‍රකාරව 19 සංශෝධනයට පෙර සහ පසු (සෛද්ධාන්තිකව සහ ප්‍රයෝගිකව) සිටින්නේ එකම ජනාධිපතිවරයා බව ගම්‍ය වන හෙයින් ද,

ඇ) ”නව ශ්‍රේෂ්ඨාධිකරණ අග විනිසුරු පත්කිරීමෙන් පසු ජනාධිපතිවරයාගේ නිල කාලය සම්බන්ධයෙන් මතය විමසන බව” ඔබතුමා සභාපතීත්වය දරන ශ්‍රී ලංකා නිදහස් පක්ෂයේ මහ ලේකම් කුරුණෑගල දිස්ත්‍රික් ගරු පාර්ලිමේන්තු මන්ත්‍රී දයාසිරි ජයසේකර මහතා මීට සති කිහිපයකට පෙර ප්‍රසිද්ධ මාධ්‍ය සාකච්චාවකදී ප්‍රකාශ කළ හෙයින්, නව අග විනිසුරු පත් කිරීමෙහිලා මේ කරුණ යම් බලපෑමක් සිදු කළ බවට සාධාරණ සැකයක් ජනතා සිත් සතන් තුල පැන නැගී ශ්‍රී ලංකාවේ අධිකරණ පද්ධතිය ගැන විශ්වාසය පලුදු වීමට එයම හේතුවක් විය හැකි හෙයින් ද,

මේ අවස්ථාවේ ඔබතුමන්ගේ නිල කාලය සම්බන්ධයෙන් ශ්‍රේෂ්ඨාධිකරණයේ මතය විමසීම විමසීමට අපේක්ෂා කරන්නේනම් එය කාලෝචිත නොවන, නුසුදුසු, අනවශ්‍ය, ව්‍යාකූලතා උද්දීපනය කරන, ප්‍රඥා ගෝචර නොවන කටයුත්තක් සේ අපි දකිමු. ඒවෙනුවට පූර්ව ජනාධිපතිවරණය පැවති 2015 ජනවාරි 8 දින සිට වසර 5 කින් (හෝ ඊට පෙර) ජනාධිපතිවරණයක් කැඳවා ජනතා අභිලාශය මුදුන්පමුණුවා ගැනීමට ඉඩප්‍රස්ථා විවර කිරීම ඔබතුමාගේ ගෞරවයටත් රටේ යහපතටත් හේතු වන බව අපි මහත් ඕනෑකමින් ඔබතුමන්ට සැල කර සිටින්නෙමු.

තෙරුවන් සරණයි,

මහාචාර්ය වාව්වේ ධම්මරක්ඛිත හිමි-සම සභාපති
මහාචාර්ය චන්න ජයසුමන- මහ ලේකම්
මහාචාර්ය රන්ජිත් සේනාරත්න-සම සභාපති
මහාචාර්ය සිසිර සිරිබද්දන-සම සභාපති
මහාචාර්ය මාලා අමරසිංහ-සම සභාපති
මහාචාර්ය ක්ෂණිකා හිරිඹුරේගම-සම සභාපති
ජ්‍යෙෂ්ඨ කථිකාචාර්ය සුමේධ වීරවර්ධන -උප ලේකම්
ජ්‍යෙෂ්ඨ කථිකාචාර්ය නීතීඥ රාජා ගුණරත්න- උප සභාපති

65,873 Viewers

26 Comments to “ජනාධිපති තම ධුර කාලය 2020 මැයි දක්වා කාලය දීර්ඝ කිරීමට සැලසුම් කරයි..”

  1. Aurora says:

    ධුරයේ කාලය මනින්නේ දිව්රුම් දුන්න දින සිට මිසක් කතානායක අත්සන් කල දා ඉඳල නොවෙයි. ඕකනේ කියන්නේ ඔය ජනාධිපති තනතුර පොඩි ළමයකුට දෙන්න කියල.

  2. Kusum says:

    රට කෑවා ඇති.ඔයා යන්න.ගිහින් ආයෙත් පොළව වත් කොටන්න.තවත් නම් පේන්න වත් එන්න නම් එපා මාස 4ක් බලේ ඉන්න ආයෙත් මත විමසන්න යනවා.කොහොමද බල තණ්හාව. ජනාධිපති තාත්තා.

  3. Love nature says:

    තණ්හා ආශා ඔලොගු කරේ ලා
    මඟ තොට නොබලා වගතුග නොසොයා
    එළිය දකින්නද මේ යන්නේ
    ඒ… සැපත සොයන්නද මේ යන්නේ
    කතරේ… ඒ…
    ගිනිගත් වැලි තලයේ
    තණ්හා ආශා

    උතුරන ගංගා නියඟය ආදා
    වියළී යනවා ගහකොල මැලවී
    මල් හට ගන්නා වසන්තයම නෑ
    හැමදා…
    අප යන මේ ගමනේ
    තණ්හා ආශා

    අඳුරෙන් ගැළවි
    එළිය සොයන්නෝ
    හැමදා අඳුරේ අඳුර දකින්නෝ
    අඳුර දකින්නෝ
    දිවියේ සාරය
    දිවියේ සාරය මෙපමණි ඇත්තේ

  4. Upul says:

    Is this the same person who said that he will eliminate the executive presidency? (Yako me Janadhipathy dhuraya ahosi karanna aapu pora the?)

  5. Nandasoma says:

    කලින් කිව්වෙ වසර 4ක් ඇති, ආයෙමත් ඉල්ලන්නෙවත් නැහැ කියල නේද?

    ජනාධිපති ධූර යේ රස දැනෙන්න ඒ්කට පත් වෙන්නම ඔ්නැ නේද?

  6. Mangala Gamage says:

    Wake up…
    Everyone should remember recent changes of Chief Justice, Attorney General and solicitor General.
    Well Done President …
    Our democracy flushed in the toilet by politician but people still think they are our guardians of people’s democracy…..

  7. Love nature says:

    මනෝ රාජ්‍යෙය් සැරි සරන අයට

    එක්තරා තරුණ ගොවියෙක් තමන්ගේ ගෙදර හාන්සි පුටුවේ දිගාවෙලා කල්පනා කරමින් හිටියා.
    එයාගේ ගෙදර ගේට්ටුව දෙපැත්තේ ඇති මුරුංගා ගස් දෙක කරල් වලින් බරවෙලා තියෙනවා මේ තරුණයා දැක්කා. “මෙදා නම් මුරුංගා ගස් දෙකම කරල් වලින් බරවෙලා. මේ පලාතටම වෙන මුරුංගා ගස්වල කරල් නැහැ. මෙදා පාර නම් මුරුංගා විකුණලා මට මුදල් බොහෝමයක් එකතු කරගන්න පුළුවන්. මුරුංගා වලින්
    ලැබෙන සල්ලි වලින් මම එළදෙනුන් හත් අටදෙනෙක් ගන්නවා.

    එතකොට උන් පැටවුන් විසි තිස් ගණනක් බිහි කරාවි. එතකොට එළකිරි විකුණලා මට පවුම් හැට හැත්තෑවක් උපයා ගන්න පුළුවන්. වැඩි කාලයක් යන්නෙම නැතිව තවත් පැටවුන් ලැබෙයි. එතකොට එළදෙනුන් සියගණනක් මං ගාව ඉන්නවා. මාගේ මාසික ආදායමත් සිය ගණනක් වේවි.

    එතකොට බැරියැයි මගේ තත්වයට ගැලපෙන විවාහයක් කරගන්න. ගමේ පළවෙනි ගමරාළගේ දූ මගේ බිරිද වශයෙන් ගැලපේවි. ඈ කැන්දාගෙන එන මගුල් උලෙල බොහෝම ලස්සනට කරන්ට ඕනෑ. නෑදෑයෝ බදින තොරණ ඇරෙන්න මාත් තොරණක් බදින්න ඕනෑ. ඒ තොරන මේ පළාතේ වෙන තැනක හැදුවේ නැති තරම් ලස්සන ලොකු එකක් වේවි.

    මේ මුරුංගා ගස් දෙක නිසා මගේ මගුල් තොරණ බදින්ට ඉඩ නෑ. ඒ නිසා මේ ගස් දෙක කපන්ට ඕනෑ. මේ විදියට මනෝ රාජ්‍යෙයේ සැරි සැරූ තරුණයා පොරවක් ගෙන ගොස් මුරුංගා ගස් දෙක කපා දැම්මා. ඉන් පස්සෙයි සිදුවුණ අලාභය ඔහුට වැටහුනේ. අන්තිමේදී සියලුම යස ඉසුරු බලාපොරොත්තු වුණු මුරුංගා ගස් දෙකත් ඔහුට නැති වුණා.

Main News