ජනාධිපති දේශපාලන කුමන්ත‍්‍රණකරුවෙක්.. ඔහු නිසා ජනතාවගෙන් බැණුම් අහන්නේ අපි..

February 24, 2019 at 3:00 pm | lanka C news
ජනාධිපති දේශපාලන කුමන්ත‍්‍රණකරුවෙක්.. ඔහු නිසා ජනතාවගෙන් බැණුම් අහන්නේ අපි..

කාබන් බද්ධ අද ප්‍රශ්නයක් වෙලා. කාබන් බද්ධ පනවා ඇත්තේ පරිසර අමාත්‍යාංශයෙන්. එම අමාත්‍යාංශය ජනාධිපතිවරයා යටතේ පවතින්නේ. කාබන් බද්ධ නිසා ජනතාවගෙන් බැනුම් අහන්නේ රජයේ අපි. එම නිසා මෙය දේශපාලන කුමන්ත්‍රණයක් වෙන්න පුළුවන්. එය හදුනාගත යුතුයි. මෙම ඛේදවාචකය හදුනාගෙන ඉදිරි දේශපාලනය කළ යුතු බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

රාජිත සේනාරත්න පදනම සංවිධානය කරන තරුණ බල මණ්ඩල රැස්වීමක් අමතමින් සෞඛ්‍ය අමාත්‍යවරයා මේ බව පැවැසීය.

සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ සහ රාජිත සේනාරත්න පදනමේ සභාපති විශේෂඥ වෛද්‍ය සුජාතා සේනාරත්න මහත්මියගේ ප්‍රධානත්වයෙන් මතුගම ශ්‍රවණාගාරයේ දී මෙම රැස්වීම පැවැත්විනි.

මෙහිදී වැඩිදුරටත් අදහස් දැක් වූ සෞඛ්‍ය අමාත්‍යවරයා – “මතුගම එක්සත් ජාතික පක්ෂ සංවිධායක ජගත් විතාන මහතා 2015 මැතිවරණයේ දී අපට විශාල සහයෝගයක් ලබාදුන්නා. හොද සංවිධායකවරයෙක්. ඔහු ව්‍යාපාරිකයෙක් ම නොවෙයි. 2015 මැතිවරණයේ දී මතුගම දී කළ කථාවේ දී මහත්මා ගාන්ධිගේ ව්‍යාපාරය වැනි ව්‍යාපාරයක් ලංකාවේ බිහි විය යුතු බව ප්‍රකාශ කළා. ජනතාව පිළිබද ආදරයක් ඇති නායකයින්ට පමණයි මහත්මා ගාන්ධි මතක් වන්නේ. ජගත් විතාන සහ මා අතර මිතුදමක් ඇති වෙලා අද එකම වේදිකාවේ සිටිනවා. වත්මන් රජය කැපවීමක් කරලා තමයි බිහි කළේ. 2015 වසරේ දී අපි රටක් වෙනස් කළා. මෛත්‍රීපාල සිරිසේන මහතාට මුදල්, කාර්යාල ලබාදෙන්න කවුරුවත් හිටියේ නැහැ. මහින්ද රාජපක්ෂ මහතා පරාද කරන්න කාටවත් බැහැ කියලයි කවුරුත් හිතුවේ. හොදින් හෝ නරකින් මැතිවරණය දිනන්න ඔහු සුදානමින් සිටියේ. නමුත් බැහැ කියපු මහින්ද රාජපක්ෂව අපි පරාජයට පත් කළා.

වත්මන් රජයේ වැරදි තිබෙනවා. වැරදි කරන අයත් ඉන්නවා. නමුත් සුදු වෑන් සංස්කෘතිය අද නැහැ. උතුරේ ජනතාවටත් එහෙමයි. අතුරුදන් කිරීම් නැහැ. උතුරට නියම නිදහස ලැබී තිබෙනවා. උතුරේ ජනතාව අද රජයට විරුද්ධව විරෝධතා උද්ඝෝෂණ කරනවා. ඒ ඔවුන්ට නිදහස ලැබී තිබෙන නිසා. තරුණ තරුණයින්ගේ අයිතිය අපි ලබාදිය යුතුයි. අපි හැදුවේ ජාතික රජයක්. එම ජාතික රජයේ සියලු බලාපොරොත්තු ජනාධිපතිවරයා ඇතුලු පිරිස විනාශ කළා. ඔවුන්ට කරන වැඩ ගැන හැගීමක් තිබුනේ නැහැ. අපි එම බාධක බිදමින් ඉදිරියට ගියා. රජය බිහි කළ දවසේ සිට රජයේ සිටි අය රජය විවේචනය කළා. එය වැරදියි. පළාත් පාලන මැතිවරණය පරාදවීමට ද එම තත්ත්වය බලපෑවා. දින 53 ක් පුරා පැවැති දේශපාලන අර්බුදයේ දී ජනාධිපතිවරයාගේ හොර රඟපෑම කරළියට පැමිණියා. පුජාතත්ත්‍රවාදය ආරක්ෂා කිරීමේ අරමුණින් ජනතාව පෙළගැසුනා. දින 53 අර්බුදයෙන් පසු ලැබූ ජයග්‍රහණයත් සමග අපි ඉදිරියට යන්නේ බාධක මැදයි. මගේ සෞඛ්‍ය සේවාවන් වලට ඇතැම් සංගම් විරුද්ධයි. ඇතැම් වෛද්‍යවරුන් මා සමග එකමුතුව වැඩ කරනවා. ඇතැම් ප්‍රතිපත්ති විනාශ කරන්න, කඩාකප්පල් කරන්න ගත වන්නේ සුළු මොහොතක්. නමුත් ගොඩනගන්න අමාරුයි. කාලකණ්නි සිතුවිලි තිබෙන අයත් ඉන්නවා.

සෞඛ්‍ය සේවාවන් ලබාදීම සදහා 2019 වසරේ දී මූල ධන වියදම ලෙස සෞඛ්‍ය ආමාත්‍යාංශයට රුපියල් බිලියන 185 ක් වෙන් කර තිබෙනවා. මම ඉල්ලන අවශ්‍ය මුදල් මහාභාණ්ඩාගාරය ලබාදෙනවා. ජනතාව වෙනුවෙන් තමයි මගේ සේවාවන් ලබාදෙන්නේ. පෙබරවාරි මාසයේ දී විදේශ ණය ඇමරිකානු ඩොලර් බිලියන 4600 ක් අපේ රජය ගෙවා දැමුවා. ඉන් සියයට 87 ක්ම රාජපක්ෂලා ලබාගත් ණයයි. වාණිජ ණය සියයට 8 කට වඩා පොලියට රාජපක්ෂලා ලබාගෙන තිබුනා. ණය ගෙවීමට විදේශ රටවල් කිහිපයක් අපට සහයෝගය ලබාදුන්නා. ඉදිරියේ දී ගම්පෙරළිය වැඩසටහනේ දී ප්‍රාදේශිය ලේකම් කොට්ඨාසයකට ලක්ෂ 3000 ක් ලැබෙනවා. ඒ ජනතාවගේ ප්‍රශ්න විසදීම සදහායි.”

– ප්‍රසන්න අධිකාරි

167 views

6 Comments to “ජනාධිපති දේශපාලන කුමන්ත‍්‍රණකරුවෙක්.. ඔහු නිසා ජනතාවගෙන් බැණුම් අහන්නේ අපි..”

  1. MJ says:

    Laksha 3000 janatha sewayata yodawaida neththam saakku walata yaida?

  2. සිංහල බන්ඩා says:

    ඉබාරැ කියල පච කෙලල බොරැ පොරොන්දු දීල බලයට ඇවිත් අගේට හැදීගන ආව රටේ ආර්ථිකය වැට්ටුවා රැපියල වැට්ටුවා. දතා බය්ල කියනවා. ජනාධිපති වැරදි පිළිඅරන් ඇත්ත කියනවා.

  3. dayas says:

    prajita,dosthara kenek nowei, samaaja aarthika desapaalana siyalaalama winaasa karanta dos
    thara karana awajaathaka narumayek,
    mu monawada nkale,,,,dosthara widiyata penee sitimin pra sanwidhaanaya hadalapanapitinma tharunainge deaes gelewwa, dath gelewwa. hiskabala gelewwa,
    mu aeweani mahaa aparaadha kaarayek.

  4. සිංගප්පූර් බෙහෙත් ආසම සුව ඇමති says:

    දනීද ලෝකෙම පව් කරනා සුව ඇමති
    ලක්‍ෂ ගනන් මරවයි මාලුන් සුව ඇමති
    ගංජා වලට අනුමැතිය දුන් සුව ඇමති
    සිංගප්පූර් බෙහෙත් ආසම සුව ඇමති

  5. Sadda says:

    මුන් 2015 ක් ගැන කයිවාරු ගැහැව්වට චන්ද ලක්ශ 4 1/2 කින් දින්නේ දෙමල චන්ද වලින්.
    අද සුදු වෑන් නොවේ තියෙන්නෙ. රතු වෑන්.
    නයක් ගෙවීමට ඇති රටක මුල්‍ය කලමනාකරණය පිලිබඳව අබමල් රේනුවකවත් දැක්මක් නැතිව රට මංමුලා කලා

  6. visu says:

    ඔවු…….. ඔවු…….. උඹේ බේරුවල……….. කුඩු රජාවත් ඇල්ලුවනේ………

Main News