ජනාධිපති පියකු පිළිබඳ දියණියක විසින් ලියූ පළමු පොත “ජනාධිපති තාත්තා” දොරට වඩී…

September 15, 2017 at 5:30 pm | lanka C news
ජනාධිපති පියකු පිළිබඳ දියණියක විසින් ලියූ පළමු පොත “ජනාධිපති තාත්තා” දොරට වඩී…

ශ්‍රී ලාංකේය දේශපාලන වංශ කථාවේ නව පරිච්ඡේදයක් සනිටුහන් කරමින් අතිශය සාමාන්‍ය ගොවි පවුලක උපත ලද මිනිසෙකු රටේ ජනාධිපතිවරයා බවට පත්වීමේ අසිරිමත් කතාන්දරය දියණියකගේ ඇසින් කියැවෙන “ජනාධිපති තාත්තා” ග්‍රන්ථය එළිදැක්වීම ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් අද (15) උදෑසන කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී සිදුවිය. මේ සඳහා අග්‍රාමාත්‍ය රනිල් වික්‍රමසිංහ මැතිතුමා සහ මැති ඇමතුවරුන් රැසක්, විද්වතුන් රැසක් එක්ව සිටියහ.

සිය පියාණන් ප්‍රාදේශීය දේශපාලනඥයෙකු ලෙස දේශපාලන දිවිය අරඹා, කෙමෙන් කෙමෙන් ජනාධිපති ධූරය දක්වා ආ ගමනේදී එතුමාගේ වැඩිමහල් දියණිය වශයෙන් චතුරිකා සිරිසේනයන් ලැබූ අත්දැකීම් කැටි කොට මෙම ග්‍රන්ථය සම්පාදනය කර තිඛෙන අතර ජනාධිපති ධූරය දරණ තම පියා පිළිබඳව දියණියක විසින් රචිත ප්‍රථම චරිතාපදානය ලෙසින් මෙය ඉතිහාසයට එක්වෙනවා.

මෙහිදීමෛත්‍රීපාල සිරිසේන ජනාධිපතිතුමන් හට ස්වකීය දේශපාලන ජීවිතයේ ආරම්භක අවධියේ සිටම නොසිතූ විරූ අභියෝගයන්ට මුහුණ දෙන්නට සිදුවූ අතර පවුලක් වශයෙන් ඔවුන් ඒවා විද දරාගත් ආකාරය පිළිබදව සාමාන්‍ය සමාජය නොදත් තොරතුරු රැසක් මෙන්ම සියනෑ කෝරලයෙන් රජරටට ජීවිතය සොයා ගිය ධෛර්යවන්ත ගොවි පරම්පරාවේ සත්‍ය ජීවන පුවත මෙලෙස සාහිත්‍ය ලෝකයට විවර කෙරේ.

විශේෂයෙන්ම සිරිමාවෝ බණ්ඩාරනායක මැතිණිය ඇතුළු දේශපාලන දැවැන්තයන්ගේ සිට යුගයෙන් යුගය සිදුවූ දේශපාලන සංසිද්ධීන් වලදී සිය පවුල වෙත ඒවායේ බලපෑම එල්ලවු ආකාරය පිළිබදව විග්‍රහයන් මෙහි ඇතුළත් වන අතර, එමෙන්ම මෛත්‍රීපාල සිරිසේන ජනාධිපතිතුමා වෙත එල්ල වූ ත්‍රස්තවාදී ප්‍රහාරයන් පිළිබදව හා 2015 ජනාධිපතිවරණ සටනේ මෙතෙක් හෙළි නොකළ සත්‍ය කථාවන් රැසක් අඩංගු මෙම ග්‍රන්ථයේ විශේෂත්වය වන්නේ දේශපාලනමය මුහුණුවරකින් තොරව ඉතා රසවත් නව කථාවක ආකෘතියෙන් රචනා කොට තිබීම බවයි වාර්තා වන්නේ.

මෙම ග්‍රන්ථය රචනා කළ ජනාධිපතිතුමාගේ වැඩිමහල් දියණිය වන චතුරිකා සිරිසේන මහත්මිය තොරතුරු තාක්ෂණ විද්‍යාවේදී උපාධිධාරිණියක් වන අතර ඇය සමාජ ක්‍රියාකාරිනියක ලෙස ජනහිතවාදී සේවාවන් රැසක් ඉටුකරමින් සිටින්නීය.

– ජනාධිපති මාධ්‍ය ඒකකය

134 views

13 Comments to “ජනාධිපති පියකු පිළිබඳ දියණියක විසින් ලියූ පළමු පොත “ජනාධිපති තාත්තා” දොරට වඩී…”

  1. අනාථ ජනයා says:

    යකෝ තාත්තා ජනාදිපති උන ගමන් කෝට් 150 කටත් වැඩි එපාර්ට්මන්ට් එකක් තමුසෙ ගත්තෙ අම්මගෙ බතල විකුනලද? මුන් ඔක්කොම සුදනො වගේ වැඩ ඒ උනාට ඉස්සගෙ ඔලුවෙ අසූචි. බැදුම්කර සල්ලි කුට්ටි හැමෝටම ලැබුනු බව අපි දන්නවා. අපේ තාත්තත් මේ හොරකමට සම්බන්ධ මහ හොරෙක්. සොරි ඒටික මම පසුව ලියමි.

Main News