ජනාධිපති මෛත‍්‍රී කතා කරන විට ‘හිටං’ කියන්නේ ඇයි…?

September 18, 2017 at 10:15 pm | lanka C news
ජනාධිපති මෛත‍්‍රී කතා කරන විට ‘හිටං’ කියන්නේ ඇයි…?

දේශපාලනික කරුණු වලට අමතරව ජනාධිපති මෛත්‍රීපාල සිරිසේන මහතා පොදු ජනතාවගේ අවධානයට ලක්ව ඇති හේතු කාරණා කිහිපයක් ඇත. නිසැක ලෙසම ඉන් මුල් තැන ගනුයේ ඔහු විසින් කථා ව්‍යවහාරයේ දී යොදනු ලබන ‘හිටං’ යන වදනය.

තම පෞද්ගලික කතා ව්‍යවහාරයේ දී සේම වසර 28 ක පාර්ලිමේන්තු දේශපාලනික කතා ව්‍යවහාරයේ දී ද ඔහු විසින් යොදා ගන්නා ලද මේ ‘හිටං’ යන වදන සමාජ කරළියට පිවිසෙන ලද්දේ ඒ මහතා ගේ ජනාධිපති පදවි ප්‍රාප්තියත් සමඟිනි මෛත්‍රීපාල සිරිසේන නාමය මේ ‘හිටං’ යන වදනත් සමඟම කොතෙක් සහ සම්බන්ධ වී තිබේද යත් ඇතැම් සමාජ ජාලා වෙබ් අඩවි වලින් ඔහු ‘හිටං සි‍රිසේන’ යනුවෙන් හඳුන්වා ඇති අවස්ථාද අපි දැක ඇත්තෙමු.

එහෙත් මේ ‘හිටං’ කතාවේ සුල මුල පිළිබඳව මෙතෙක් විධිමත් අනාවරණයක් සිදුවී ඇති බවක් නොපෙනේ.

‘හිටං’ යනු කිසියම් වාක්‍යක් අවසානයේ හෝ මධ්‍යයට යෙදෙන විරාම වාචකයකි. කිසියම් කථාවක් කරන අතරේ නිශ්චිත අදහසක් පළවන වැකියක් අවසන් වූ පසු හෝ එහි සමාප්තිය හඟවනු පිණිස හෝ විරාමයක් හඟවනු පිණිස ‘හිටං’ කියා යෙදීමත් ඇතැම් ප්‍රදේශ වල ගැමි වහරේ දක්නට ඇත. ඇතැම් ප්‍රදේශ වල මේ ‘හිටං’ යන්න ‘ඉඳං’ යනුවෙන් පැවසෙන බවද නොරහසකි. මෙහි අරුත වන්නේ සිට ගැනීම ඉඳ ගැනීම වුවද මෙහිදී එය පැවසෙනුයේ තම අදහසට යම් ස්ථාවරත්වයක් ලබා දීම පිණිසය.

ඇතැම් ප්‍රදේශයක ‘මම මිනිහට කිව්වා හිටං’ යනුවෙන් යම් කිසි වාක්‍යයක් හමාර කරන විට, තවත් ප්‍රදේශයක ගැමියෙක් ‘මම මිනිහට කිව්වා ඉඳං’ යනුවෙන් පවසනු අසන්නට පුළුවන.

මේ අතර තවත් ප්‍රදේශ වල මේ ‘ඉඳං’ යන්න වෙනුවට ‘ඉඳගෙන’ යන වචනයද පැවසෙනු අසන්නට ඇත.

එවිට ඒ පුද්ගලයා පවසනුයේ ‘මම මිනිහට කිව්වා ඉඳගෙන’ යනුවෙනි. මෙම ඉඳගෙන යන්නද වාක්‍යයක් අවසානයට සේම වාක්‍ය කණ්ඩයක් අතරතුර යෙදෙන අවස්ථා ද තිබේ.

ජනාධිපතිවරයාගේ මේ ‘හිටං’ කතාව උපහාසයට නංවන එක්තරා නූතන ප්‍රබන්ධ කතාවක් මෙසේය.

වරක් විදේශ සංචාරයක යෙදුණු ජනාධිපති මෛත්‍රීපාල සි‍රිසේන මහතා සිංහලයෙන් එම සභා වාරය ඇමතීය. එහිදී ඔහුට සුපුරුදු ලෙස කිහිපවරක්ම ‘හිටං’ යන වදන කියවිණි. එහිදී එම කතාව ඉංග්‍රීසියට පරිවර්තනය කළ පරිවර්තකයා එහ ‘හිටං’ යන්න ‘Stand’ යනුවෙන් ඉංග්‍රීසියට නඟා සභාවට ඉදිරිපත් කරන ලදී.

සිංහල බසේ පමණක් නොව ඉංග්‍රීසි බසෙහිද විවිධ ජාතික සංස්කෘතික අනන්‍යතාවයන් අඟවන මෙවන් වදන් ඇතුලත් වී තිබේ. බාහිර පුද්ගලයන්ට ඒවායෙන් නිසි අරුතක් පළ නොවුවද එම ජාතික සංස්කෘතික සන්දර්භය තුළ සිටින්නවුන්ට ඒවා ද ඉංග්‍රීසි‍යේම කොටසකි.

ඒ කෙසේ හෝ ජනාධිපති මෛත්‍රීපාල සිරිසේන මහතා නිතර යොදන මේ ‘හිටං’ යන වදන ඔහු ජන්ම ලාභය ලැබූ වත්මන් ගම්පහ දිස්ත්‍රික්කයේ එනම් සියනෑ, හාපිටිගම් සහ අළුත්කූරු කෝරළ වල බහුලව යෙදුණු වදනකි. නමුත් නූතන පරපුර අතින් මෙම ව්‍යවහාරය ගිලිහී ගොස් ඇත.

ශ්‍රී ලංකාවේ ප්‍රථම අග්‍රාමාත්‍ය ඩී.එස්.සේනානායක මහතා ද වත්මන් ගම්පහ දිස්ත්‍රික්කයට හා හාපිටිගම් කෝරළයට අයත් අඹේපුස්ස බෝතලේ වලව්වේ උපත ලැබූවෙකි. ඔහුගේ වාග් ව්‍යවහාරය තුළ මෙම ‘හිටං’ යන්න කෙතරම් සුලබ ලෙස යෙදී තිබේද යන්න මේ වී‍ඩියෝව නරඹන ඔබට මනාව පසක් වනු ඇත.

මෙහි විනාඩි 05 යි තත්ත්පර 17 ක කාල සීමාව තුළ කරනු ලබන කතාවකදී ඔහු 20 වාරයක් ‘හිටං’ යන වදන පවසා තිබේ.

නමුත් නූතන පරපුර අතින් බැහැරව ගිය මෙම පැරණි ජනයෙදුමට රාජ්‍ය හා ජාතික මට්ටමේ ප්‍රසිද්ධියක් ලබා දීම පිළිබඳව ජනාධිපති මෛත්‍රීපාල සිරිසේන මහතාට අප වෙනම ස්තූතිවන්ත විය යුතුය.

තිලක් සේනාසිංහ
– Lakbima

167 views

8 Comments to “ජනාධිපති මෛත‍්‍රී කතා කරන විට ‘හිටං’ කියන්නේ ඇයි…?”

  1. kolitha says:

    nodakin mokakda me unusum puwatha…..

  2. sambrani says:

    නොදකිං ඔන්න ඔය වගේ දෙයක් එයාගෙන් ගත්තොත් මිසක!

  3. අරුණ says:

    හිටං….වගේ තව වචන තිනෙවා…..හරිය….

    • දැක්කොත් බුවා says:

      මටත් එහෙම වචන තියෙනව ඇවිල්ල

  4. ශිෂ්‍යත්ව ජයමග says:

    අද දවස වන විට සිංහළ භාෂාවේ ඇති වඩාත්ම අවධානයට ලක්වූ වචනය “හිටං” යැයි කිවහොත් එය අතිශෝක්තියක් නොවේ. එහෙත් එය සිදුවූයේ භාෂාවේ පුනරුදයක් නිසානොව එක්තරා කාලකන්නි ජාතිද්‍රෝහී දුෂ්ට නින්දිත මිනිසෙකුගේ ක්‍රියාකලාපය හේතුවෙනි. මේ අධමයාගේ ප්‍රවිශ්ඨයත් සමග ඉහත වචනය ජනී ජනයාගේ ශ්‍රවනේන්ද්‍රියන්ට පිළිකුල්වූ ශාපලත් පහත් වචනයක් බවට පත්ව ඇත්තේ වචනයේ වරදක් නිසා නම් නොවේ.

    • asaranaya says:

      “වචනයේ වරදක් නිසා නොව” හිටන් හුටන්ගෙ තේරුමක් නැති වචන හුවමාරුවෙ පරස්පර කමයි.

  5. හිටං says:

    හිටං කියන්නේ පවා යන අදහස දෙන තවත් වචනයක්.

    උදා; ජනාධිපතිලා විතරක් නෙමේ ග්‍රාමසේවකලා හිටං උත්සවේට ඇවිත් හිටියා.

  6. chatu says:

    hitan kiyana wachanaye theruma
    piti passen PIHIYEN ANINAWA. kiyala mama hithagena hitiye.

Main News