ජනාධිපති වැඩ කල යුත්තේ අප කියන විදිහටයි.. වහාම පෙර ප‍්‍රකාශය නිවැරදි කල යුතුයි..

October 19, 2016 at 4:08 am | lanka C news
ජනාධිපති වැඩ කල යුත්තේ අප කියන විදිහටයි.. වහාම පෙර ප‍්‍රකාශය නිවැරදි කල යුතුයි..

ජනාධිපති මෛත‍්‍රිපාල සිරිසේන මහතා විසින් පසුගිය 12 වැනිදා පොලිස් මූල්‍ය අපරාධ විමර්ශන කොට්ඨාශය, පොලිිස් අපරාධ පරීක්‍ෂණ දෙපාර්තමේන්තුව හා අල්ලස් කොමිසම සම්බන්ධයෙන් කරන ලද ප‍්‍රකාශය වහා නිවැරදි කල යුතු බව පුරවැසි සංවිධාන එකමුතුව පවසයි.

එහි කැදවුම්කරැ සමන් රත්නප‍්‍රිය මහතා කොලඹදී මාධ්‍ය හමුවක් අමතමින් කියා සිටියේ ජනාධිපතිවරයාගේ එම ප‍්‍රකාශය නිසා එකී ආයතන අකර්මන්‍ය වී ඇති බවයි.

එනිසා ජනාධිපතිවරයා වහා තම ප‍්‍රකාශය නිවැරදි කළ යුතුව ඇතැයිද ඔහු අවධාරණය කලේය.

අද රටේ ඇති වී තිබෙන දේශපාලන සංහිදියාව කඩාකප්පල් කිරීමට ජනාධිපති ලේකම් කාර්යාලයේ සිටින ඇතැමුන්ද උත්සාහ දරණ බවද කී ඔහු එම පිරිස් සම්බන්ධයෙන්ද ජනාධිපතිවරයා පියවරක් ගත යුතුව ඇතැයි කීවේය.

94 views