ජනාධිපති සිංහරාජයේ.. ලංකාගම මාර්ගය හදන්නැයි කියයි..

August 29, 2020 at 3:00 pm | lanka C news
ජනාධිපති සිංහරාජයේ.. ලංකාගම මාර්ගය හදන්නැයි කියයි..

පරිසරයට හානි නොවන පරිදි ජනතා අවශ්‍යතා ඉටුකිරීම සිය අභිලාෂය බව ජනාධිපති ගෝඨාභය රාජපක්ෂ මැතිතුමා අවධාරණය කරයි.

නෙළුව – ලංකාගම මාර්ග ප්‍රතිසංස්කරණයේ දී සිංහරාජ වන රක්ෂිතයට හානිවන බව විද්‍යුත්, මුද්‍රිත සහ සමාජ මාධ්‍ය මගින් පසුගිය දින කිහිපය තුළ ප්‍රචාරය කෙරිණ. එහි සත්‍ය අසත්‍යතාව සියැසින් දැක විද්වතුන්ගේ සහ ප්‍රදේශවාසීන්ගේ අදහස් විමසුමට ජනාධිපතිතුමා අද (29) නෙළුව ලංකාගම ප්‍රදේශයේ චාරිකා කළේය.

සිංහරාජ වන රක්ෂිතය හා මාර්ගය ප්‍රතිසංස්කරණයට ලක්වන ග්‍රාමීය ප්‍රදේශවල පරිසර පද්ධතිය රැක ගනිමින් දිගු කලක සිට ඇති ජනතාවගේ දැඩි අවශ්‍යතාවක් වන මාර්ගයේ ඉදිකිරීම් කළයුතු බව ජනාධිපතිතුමා පෙන්වා දුන්නේය.

ලංකාගම ගම්මානය වළගම්බා රජ දවස දක්වා දිව යන ඉතිහාසයකට උරුමකම් කියයි. තේ වගාව ප්‍රදේශයේ ප්‍රධාන ජීවනෝපාය වේ. සියවසකට අධික කාලයක සිට ගැමීහු සිංහරාජ වන රක්ෂිතය ආසන්නයේ වැටී ඇති මාර්ගයේ දෙනියායට සහ නෙළුවට තේ දළු රැගෙන යති.

නෙළුව, උඩුගම, කරාපිටිය රෝහල් වෙත රෝගීන් රැගෙන යාමට, දරුවන්ගේ අධ්‍යාපනයට සහ දෛනික ජීවන ක්‍රියාවලියේදී මාර්ගයේ පවතින තත්ත්වය දැඩි බාධාවක් විය. ඊට පිළියම් ලෙස “නෙළුව – ලංකාගම – පිටදෙනිය” මාර්ගයේ ප්‍රතිසංස්කරණය ආරම්භ කෙරිණ.

සිංහරාජ වන රක්ෂිතයට හානිවන බවට පරිසරවේදීන් පිරිසක් කළ චෝදනා හේතුවෙන් ප්‍රතිසංස්කරණ නවතන ලෙස ජනාධිපතිතුමා නියෝග කළේය.

මාර්ග සංවර්ධන, වනජීවි සහ වනරක්ෂන, පරිසර සහ අදාළ සියලු අමාත්‍යාංශ නිලධාරීන් සමග ප්‍රතිසංස්කරණය කෙරෙන මාර්ගය රාජපක්ෂ මැතිතුමාගේ නිරීක්ෂණයට ලක් කෙරිණ.

මාර්ග සංවර්ධන අධිකාරියේ අධීක්ෂණය යටතේ යුද හමුදාව මාර්ග ප්‍රතිසංස්කරණය භාරව සිටී. කි.මි 18ක දුර ප්‍රමාණය තෙමසක් තුළ නිම කිරීමට උපදෙස් දෙනු ලැබිණ. මාර්ගයේ ප්‍රතිසංස්කරණ නිමවීමෙන් පසු ලංකාගම සිට දෙනියායට යාමට ගතවූ පැය 04කට ආසන්න කාලය විනාඩි 45කට කෙටි වේ.

ප්‍රතිසංස්කරණයේදී රක්ෂිතයට හෝ පරිසර පද්ධතියට හෝ හානි නොවිය යුතු බව ජනාධිපතිතුමා තරයේ අවධාරණය කළේය.

ප්‍රතිසංස්කරණයෙන් පසු නෙළුව සිට දෙනියායට බස් රථයක් දෛනිකව ධාවනයට එක් කිරීමටද තීරණය කෙරිණ.

ලංකාගම ග්‍රාමයේ වැල් පාලම වෙනුවට දිගින් අඩි 120කින් සහ පළලින් අඩි 06කින් යුත් පාලමක් ඉදිකිරීම ද සමගාමීව සිදු කෙරේ. වතුගල, ලංකාගම, නිල්වැල්ල, කොළොන්තොටුව සහ පිටදෙනිය ගම්මානවල දරුවන්ට පාසලට පැමිණීමට මෙතෙක් පැවති බාධකය ඉන් ඉවත් කෙරේ.

පවුල් 700ක් වෙසෙන ලංකාගම ප්‍රදේශයේ සෑම පවුලකටම පැල 03 බැගින් නොමිළේ දී පැළ 2100ක් වගා කර ඔවුන් විසින්ම රැකගෙන වන රක්ෂිතයට දායාද කිරීමට ජනාධිපතිතුමා උපදෙස් දුන්නේය.

සිංහරාජ වන රක්ෂිතය සහ පරිසර පද්ධතිය පාරම්පරිකව රැකගත් තමන්ට සිය මූලික අවශ්‍යතා ඉටුකර ගැනීමට එරෙහිව පරිසරවේදීන් කණ්ඩායමක් කරුණු හරිහැටි නොදැන බලපෑම් කරන බව පවසමින් ප්‍රදේශවාසීහු දැඩි විරෝධය පළ කළහ. තම කුඩා පුතණුවන් කරේ හොවාගත් පියෙකු “අප විඳි දුෂ්කරතා දරුවන්ට විඳීමට ඉඩ නොතබන” ලෙස ජනාධිපතිතුමාගෙන් ඉල්ලා සිටියේය.

මූලික ජීවන අවශ්‍යතා සපුරාගත නොහැකිව පීඩාවට පත්ව සිටින ප්‍රදේශවාසීන් වෙනුවෙන් මාර්ගයේ ප්‍රතිසංස්කරණයට ජනාධිපතිතුමා ගත් තීරණයට මහා සංඝරත්නය ආශිර්වාද කළහ.

මහාමාර්ග අමාත්‍ය ජොන්ස්ටන් ප්‍රනාන්දු, පරිසර අමාත්‍ය මහින්ද අමරවීර, වැවිලි කර්මාන්ත අමාත්‍ය රමේෂ් පතිරණ, රාජ්‍ය අමාත්‍ය මොහාන් පී. ද සිල්වා , සම්පත් අතුකෝරළ, නිපුණ රණවක, චන්දිම වීරක්කොඩි, වීරසුමන වීරසිංහ යන පාර්ලිමේන්තු මන්ත්‍රීවරු, පළාත් ආණ්ඩුකාර විලී ගමගේ මහතා සහ අමාත්‍යාංශ රැසක නිලධාරීහු මේ අවස්ථාවට එක්ව සිටියහ.

– ජනාධිපති මාධ්‍ය අංශය

82,111 views

42 Comments to “ජනාධිපති සිංහරාජයේ.. ලංකාගම මාර්ගය හදන්නැයි කියයි..”

  1. sithmal says:

    ගම දියුණු වෙයි, ගම නගර යක් වෙයි, ඉඩම් ගනන් යයි, දෙනියාය ඉඳල 45 min වලින් සංචාරක යෝ ජීප් safari එයි. ගමේ මිනිස්සු (example යාල) ගෙ ජිවන තත්වය වඩා යහපත් වෙයි. අවශ්‍යතා සංකිර්ණ වෙයි, අලුත් වාහන ගනියි, ඉස්කොල, bus stand, කඩ සාප්පු හැදෙයි, හෝටල් තවත් අස්සට හැදෙයි.කැලේ පොඩි වෙයි,
    ලංකා ගමට හඩක් තියෙනවා හැබැයි සිංහරාජ ට හඩක් නැ. සිංහරාජ ය කියන්නේ world heritage site එකක් මිසක් එක ගමක ට අයිති කොටසක් නෙමෙයි. මේ වගේ site එකක් අස්සේ ගමක් තියෙනව නං generally කොරන්නේ ගම develop වෙන්න දෙන එක නෙමෙයි මිනිස්සු relocate කරන එක.
    නමූත් බහුතර ය! Respect ස’

    • ගරසරප says:

      ඔය මිනිස්සු නිජභූමියෙන් relocate කරන එක හරි නෑ නේද? එයාලට ස්වයංනිර්න අය්තිය දෙන්න ඕන නේද? පූර්න බලය විමද්‍යගත කිරීම යටතේ පාරක් ඕනද, කැලේ ඕනද කියල තීරණය කරන්න ඕන ඒ මිනිස්සුම නේද? ඕවා හොද වමේ සංකල්ප නේ? ඒවා දෙනියායට අදාල නැද්ද ?

    • opps says:

      උඹ වගේ තව මී ගව පැටව් දෙන්නෙක් උඹේ මෑණියන් වහන්සෙ බිහි කලා නම් පුරන් කුඹුරු ඉතුරු වෙන්නෙ නෑ බං.

    • හුටා පටස් says:

      උබ වගේ පිස්සෙක්. උබ හිතනවා ද සිංහරාජයෙ සංවර්ධනය මේ ආණ්ඩුව තහනම් කළත් ඊළගට එන පිරිස් මේක බේරයි කියලා. ඕකෙන් ඇති වැඩක් නැහැ. ගස් වවපං. කැළේ ගස් විශ්වාස කරලා ගස් වවන්නෙ නැතුව හිටියොත් අපි දන්නෙවත් නැතුව ඔක්සිජන් නැතිවෙලා මැරිලා යයි.
      කැළෑවල් ගැන බලාපොරොත්තු තියාගන්න එපා පිස්සො!

  2. ගරසරප says:

    ලංකාගම ඉන්න මිනිස්සු තමන්ගේ නිජභුමියේ ජීවත්වන විදිහ අප විසින් තීරණය කිරීම ඔවුන්ගේ ස්වයංනිර්න අය්තිවාසිකම් උල්ලංඝනයක් නොවෙද ?
    Us deciding how people of Lankagama should live in their birthplace is a violation of their right to self-determination.

  3. ivan says:

    The president can decide what he wants , we can write want we want, and the people can live where they want.

    • sky says:

      ගම දියුණුවීම ගැන ප්‍රශ්නයක් නැහැ ..නමුත් මේ පාර දැමීම නිසා සිංහරාජ වනයේ වටිනා දැව ,ගස් ඉඩම් කැලා කපන්නන්ගෙන් ආරක්ෂා කිරීම ආණ්ඩුව සතු වග කීමකි
      ඒ සදහා නිලධාරින් පත් කල යුතුයි ..රැකියා නොමැති තරුණයින්ට එම වගකීම බාරදීම දී සිංහරාජ වනරක්ෂිතයත් ආරක්ෂා කල යුතුයි

Main News