ජපානය, පෝලන්තය, රුමේනියාව ඇතුළු රටවල රැකියා…

May 26, 2022 at 8:40 am | lanka C news
ජපානය, පෝලන්තය, රුමේනියාව ඇතුළු රටවල රැකියා…

විවිධ ක්ෂේත්‍රයන්හි පුහුණු ශ්‍රමිකයින් සඳහා ජපානය, පෝලන්තය සහ රුමේනියාව ඇතුළු රටවල රැකියා පුරප්පාඩු රැසක් පවතී. එම අවස්ථා ඉලක්ක කරගනිමින් භාෂා සහ වෘත්තීය පුහුණු වැඩසටහන් ක්‍රියාත්මක කිරීමේ අවශ්‍යතාව ජනාධිපති ගෝඨාභය රාජපක්ෂ මැතිතුමා පෙන්වා දෙයි.

පුහුණු ශ්‍රමිකයින් විදෙස් රැකියා වෙළෙඳපොළ වෙත යොමු කිරීමේ වැඩසටහනෙහි ප්‍රගති සමාලෝචනය සඳහා (25) කොළඹ, කොටුව ජනාධිපති මන්දිරයේ පැවති සාකච්ඡාවේ දී ජනාධිපතිතුමා මේ බව සඳහන් කළේය.

පවතින ආර්ථික පසුබෑම හමුවේ විදේශ විනිමය හා විදේශ රැකියා අවස්ථා ලබාගැනීම සඳහා විශේෂ අවධානය යොමු කළ යුතු බව ජනාධිපතිතුමා පෙන්වා දෙනු ලැබීය. පුහුණු ශ්‍රමිකයින් බිහිකිරීමෙන් ඉහළ වැටුප් සහිත රැකියා සඳහා වැඩි වශයෙන් අවස්ථාව උදාකරගත හැකිය.

හෙද සේවය සඳහා යුරෝපය ඇතුළු රටවල් රැසක ඉහළ ඉල්ලුමක් පවතී. ජපානයේ පමණක් වැඩිහිටි සත්කාරක සහ ආහාර සැපයුම් ආශ්‍රිත ක්ෂේත්‍රයේ රැකියා පුරප්පාඩු 350,000කට අධික සංඛ්‍යාවක් පවතින බව විදේශ සේවා නියුක්ති කාර්යාංශය පෙන්වා දෙයි. ඒ සඳහා ජපන් භාෂා දැනුම අනිවාර්යය වේ.

ජාතික ආධුනිකත්ව හා කාර්මික පුහුණු කිරීමේ අධිකාරිය, වෘත්තිය පුහුණු අධිකාරිය හා විදේශ සේවා නියුක්ති කාර්යාංශය ඇතුළු රාජ්‍ය සහ පෞද්ගලික අංශ දායක කරගනිමින් ජපන් භාෂා දැනුම ලබාදීමේ වැඩසටහන් කඩිනමින් ක්‍රියාවට නැංවිය යුතු බව ජනාධිපතිතුමා සඳහන් කළේය.

දැනට රාජ්‍ය සේවයේ නියුතු ඕනෑම අයෙකුට හෝ බහුකාර්ය යෝජනා ක්‍රමය යටතේ බඳවාගෙන ඇති සේවකයෙකුට විදේශ රැකියා සඳහා පිටත්ව යාමට ඇති බාධා ඉවත් කිරීම කෙරෙහි විශේෂ අවධානය යොමු කෙරිණ. එහිදී ජ්‍යෙෂ්ඨත්වයට බලපෑමක් නොවන අයුරින් විදේශ රැකියා සඳහා යොමු වීමට අවස්ථාව සලසා දිය යුතු බව විදේශ රැකියා ප්‍රවර්ධන අමාත්‍ය මනූෂ නානායක්කාර මහතා සඳහන් කළේය. විදේශ ප්‍රේෂණ වෙනුවෙන් වාහන බලපත්‍ර, නිවාස ණය හා පාසල් දරුවන් සඳහා පහසුකම් ලබාදීමෙන් ඔවුන් දිරිගැන්විය හැකි බව අමාත්‍යවරයා පෙන්වා දෙනු ලැබීය. තානාපති කාර්යාල මැදිහත්වීමෙන් රැකියා අවස්ථා උදාකරගැනීම කෙරෙහි අවධානය යොමු කළ යුතු බව ද අමාත්‍යවරයා පැවසීය.

ජනාධිපති ලේකම් ගාමිණී සෙනරත්, ජනාධිපති කාර්ය මණ්ඩල ප්‍රධානි අනුර දිසානායක යන මහත්වරු, අමාත්‍යාංශ ලේකම්වරු සහ රේඛීය ආයතන ප්‍රධානීහු මේ අවස්ථාවට එක්ව සිටියහ.

– ජනාධිපති මාධ්‍ය අංශය

89,483 views

5 Comments to “ජපානය, පෝලන්තය, රුමේනියාව ඇතුළු රටවල රැකියා…”

  1. අනුරුද්ධ says:

    යූක්රේන ජාතිකයින් පෝලන්තයේ හා රුමේනියාවේ වැහි වැහැලා. එහෙම රටවල රැකියා පුරප්පාඩු තියෙනවා කියා කියනවා නම් විහිලුවක්.

    • Ratta says:

      එහෙම කියන එකා පිස්සෙක් කියල මතක උනාද ?

  2. පොහොට්ටු වට කැස්ස මොඩ බයියා says:

    මම හිතන් හිටිය ගෝඨාභය රාජපක්ෂ කියන්නේ අඩුගානේ මොළයක් තියෙන මිනිහෙක් කියලා බලන්ඩ ගියාම මූ තක තේරුවේ ක්. දැන් නම් මා විශ්වාස කරනවා හමුදාව ඉඳලා පැනලා ගිය නීච බියගුල්ලෙක් කියලා. පෝලන්තය කෙසේ වෙතත් රුමේනියාව කියන්නේ යුරෝපේ තියෙන දුප්පත්ම රටවල් වලින් එකක් තමයි රුමේනියාව කියන්නේ . පෝලන්තය රුමේනියාව මුල් චර්යාව වැනි
    ජනතාව වෙනත් යුරෝපීය රටවල ජර්මනිය ප්‍රංශය වැනි රටවල ස්විස්ටර්ලන්තය වැනි රටවලට රැකියාවට යන බුද්ධිමත් ජනතාවට රහසක් නොවේ. මේකත් හරියට සංචාරක ව්‍යාපාරය ගැන මේ හරකා බලයට ආපු දවස ගැන කතා කරනවා වගේ දෙයක්. රාජපක්ෂලා ඔක්කොම දේශපාලනයෙන් අතුගා දැමිය යුතුයි.

  3. Banda says:

    Munta hodatama pissu, rumenia,polanta jathikayo italia ,Germania, uk. Valata enava pavul Pitin rakiya karanna .

  4. Gamarala says:

    වහල් සේවය නැවත පටන් ගන්න යන්නේ. මුන්ට නැවත රජ ක‍රන්න