‘ජර්මන් ටෙක්’ රටේ දුෂ්කර පළාත්වලටත්..

August 20, 2020 at 2:07 am | lanka C news
‘ජර්මන් ටෙක්’  රටේ දුෂ්කර පළාත්වලටත්..

ලංකා ජර්මානු කාර්මික අභ්‍යාස ආයතනයේ සේවාවන් රටේ දුෂ්කර පළාත්වලටත් ව්‍යාප්ත කරන බවත්, ඒ සඳහා අවශ්‍ය වන ප්‍රතිපත්තිමය හා උපාය මාර්ගික කරුණු ඇතුලත් කඩිනම් වාර්තාවක් ලබාදෙන ලෙසත් නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් රාජ්‍ය අමාත්‍ය විශේෂඥ වෛද්‍ය සීතා අරඹේපොල මහත්මිය එම ආයතනයේ නිලධාරීන් හමුවේ ප්‍රකාශ කළාය.

අමාත්‍යවරිය මේ බව ප්‍රකාශ කළේ රත්මලාන පිහිටි ලංකා ජර්මානු කාර්මික අභ්‍යාස ආයතනයේ නිරීක්ෂණ චාරිකාවකට එක් වෙමිනි.

විශේෂයෙන්ම එම ආයතනයේ පුහුණුව ලබන සිසුන්ගේ වෘත්තීය පුහුණුව ගුණාත්මක ලෙස ඉහල නැංවීමට අදාල වන ගැටළු පිළිබඳව මෙන්ම ආයතනික ගැටළු පිළිබඳව විශේෂ අවධානය යොමු කරමින් අදහස් දැක්වූ අමාත්‍යවරිය මෙබඳු ආයතන දුෂ්කර පළාත්වලටද ව්‍යාප්ත කිරීමේ වැදගත්කමද පෙන්වා දුන්නාය.

වැඩිදුරටත් අදහස් දැක්වූ අමාත්‍යවරිය මෙසේ ද, ප්‍රකාශ කළාය.

“නිපුණතා සංවර්ධනට සහ වෘත්තීය පුහුණුවට අදාල පැහැදිලි ඉලක්ක කීපයක් අපට ලබා දී තිබෙනවා. එහි දී වැඩි අවධානයක් මෙම ආයතනයට යොමු වී තිබෙනවා. එම ඉලක්ක අප සපුරාගත යුතුයි. ඒ නිසා රටේ දුෂ්කර ප්‍රදේශ වලටත් මෙම ආයතනය ව්‍යාප්ත කළ කරනවා. විශේෂයෙන් මෙම ආයතනයට ඇති ඉල්ලුම වැඩි කළ යුතුයි. ඒ සඳහා පාසල් අධ්‍යපනයෙන් බැහැර වන නිපුණතාවක් නොමැතිව සමාජගත වන තරුණ පිරිස ආකර්ෂණය කර ගැනීමට අවධානය යොමු කළ යුතුයි.”

රටේ විවිධ පළාත්වලට ගැළපෙන ආකාරයෙන්, ප්‍රාදේශීය විෂමතාවයන් හඳුනාගනිමින් කටයුතු කළ යුතු ආකාරයත්, ඇතැම් ප්‍රතිපත්තීන් එයට ගැළපෙන ආකාරයෙන් සංශෝධනය කොට ප්‍රායෝගිකව යොදා ගැනීමට ඇති හැකියාවන් පිළිබඳවත් සොයාබලා කඩිනම් වාර්තාවක් තමන්ට ලබාදෙන ලෙසත් අමාත්‍යවරිය අදාළ නිලධාරීන්ට උපදෙස් ලබා දුන්නාය.

– ප්‍රබෝද් දිල්හාන්

83,735 views

18 Comments to “‘ජර්මන් ටෙක්’ රටේ දුෂ්කර පළාත්වලටත්..”

  1. kings says:

    ගරු ඇමතිතුමියණි. ඒ වගේම ගම්බද පලාත් වල පාසැලෙන් බැහැරවෙන සිසු, සිසුවින් හට පාසැල් අධ්‍යාපනය අවසන් අවස්ථාවේම වෘත්තීය පුහුව සඳහා පහසුකම් සහ ඒවායේ ඇති වැදගත්කම් පිලිබඳව දැනුවත් කිරීමට වැඩපිලිවෙලක් සකස් කරන්න.

  2. Proud of you . I have to day this is the system cuntry need insted of Threewheel culture.

  3. Madhumali says:

    Its better to select suitable students who love these subjects without considering their education level !

  4. Thruth says:

    Pinaala pathkaranakota balaagenai ….Nathnam game kollo tika iwaraaai

  5. Janaka from Matara says:

    …You dont need 50 German Techs in Sri Lanka.
    We need good institutions to give the youth Technical Education.
    Get help from Japan Australia France China ..anywhere.

Main News