ජවිපෙ ලුණුු-ගොරකාවලට මහින්ද තැම්බුනාද..- ගම්මන්පිල හෙලි කරයි..

March 7, 2019 at 10:40 am | lanka C news
ජවිපෙ ලුණුු-ගොරකාවලට මහින්ද තැම්බුනාද..- ගම්මන්පිල හෙලි කරයි..

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ෂ මූලස්ථානයේ පැවති මාධ්‍ය හමුවක් අමතමින් මෙම අදහස් පල කලේය.

මහින්ද රාජපක්ෂ මැතිතුමා ජවිපෙ හමුවීම පුවත් මවන සිදුවීමක් වී තිබෙනවා. ඒකෙ ඇති අරුමයක් නෑ. විපක්ෂයේ සිටින දේශපාලන පක්ෂයක් විපක්ෂ නායක හමුවීමට අවස්ථාවක් ඉල්ලුවාම ඒ අවස්ථාව ලබා දීම විපක්ෂ නායකතුමාගේ යුතුකමක්. කපුටාගේ කටේ තිබුණු කේජු කෑල්ල ගන්න කපටි නරියෙක් කපුටාව වර්ණනා කළ විධියටම අද ජවිපෙ මහින්ද රාජපක්ෂ මැතිතුමා වර්ණනා කරනවා. ඒ රට වනසන විසි වන සංශෝධනයට අපේ මන්ත්‍රි කණ්ඩායමේ සහය ලබා ගන්නයි. නමුත් ජවිපෙ නොදන්නා තිත්ත ඇත්ත නම් මහින්ද රාජපක්ෂ මැතිතුමා වගේ පරිනත දේශපාලකයෙකු තම්බන්න ජවිපෙ ගොරකා මදි කියලා ඒ අය ඉගෙන ගනීවි.

ඒකාබද්ධ විපක්ෂයේ සියළුම පක්ෂ විසිවන සංශෝධනයට විරුද්ධ වෙන්න ඒකමතිකව තීන්දු කළා. ඒ අතර විධායක ජනාධිපති ක්‍රමයට පක්ෂ අය මෙන්ම විපක්ෂ අයත් ඉන්නවා. අපි කවුරුත් විසි වන සංශෝධනයට විරුද්ධ වෙන්නේ එය මේ ආණ්ඩුව මේ වසරේම ගෙදර යවන්න ලැබෙන ස්ර්වණමය අවස්ථාව නැති කර ගන්න බැරි නිසා. ඒ වගේම මේ සංශෝධනයේ කාරක සභා අවස්ථාවේ මොන ගිනි ගෙඩියක් මේකට එකතු කරාවි ද කියා ජවිපෙවත් දන්නේ නෑ.

2017 අංක 16 දරණ පළාත්පාලන මැතිවරණ (සංශෝධන) පනත ආණ්ඩුව ඉදිරිපත් කලේ කාන්තාවන්ට 25% අවම නියෝජනයක් සහතික කරන්න කියලා. නමුත් කාරක සභා අවස්ථාවේ දී සංශෝධනයක් ගෙනැවිත් සමෘද්ධි කෘපනිස වගේ ක්ෂේත්‍ර නිලධාරින්ට ඡන්දය ඉල්ලීමේ අයිතිය නැති කළා. ඒ නිසා හිටපු මන්ත්‍රිවරු 300කට අධික ගණනකට ඡන්දය ඉල්ලීමේ අයිතිය නැති වුණා. ඒ වගේම 2017 අංක 18 දරණ පලාත් සභා මැතිවරණ (සංශෝධන) පනත ගෙනාවේත් පලාත් සභා තුල අවම කාන්තා අයිතිය තහවුරු කරන්නයි. අන්තිමට මොකද වුණේ? කාරක සභා අවස්ථාවේ සංශෝධනයක් ගෙනැවිත් පලාත් සභා වලට කොට්ඨාශ හඳුන්වා දීලා සීමා නිරණයකට මුවා වෙලා පලාත් සභා මැතිවරණය දින නියමයක් නොමැතිව කල් දැම්මා.

විසි වන සංශෝධනය ඇතුලට රට කෑලි දහයකට කඩන පෙඩරල් ව්‍යවස්ථාව ඔබන්න පුළුවන්. ඒ වගේම පාරලිමේන්තු මැතිවරණයට කොට්ඨාශ ක්‍රමය හඳුන්වා දීලා ඒ මැතිවරණයත් කල් දාලා 2025 දක්වා මැතිවරණ සිතියම හකුලන්නත් පුළුවන්. ඒ නිසා මොලේ කලඳක් තිබෙන කිසිවෙකු විසිවන සංශෝධනයට සහය දෙන එකක් නෑ.

– අරවින්ද අතුකෝරල

38,938 Viewers

7 Comments to “ජවිපෙ ලුණුු-ගොරකාවලට මහින්ද තැම්බුනාද..- ගම්මන්පිල හෙලි කරයි..”

  1. සිරා says:

    මරා මුංව හලලා අඵත් යුග දිවියකට යන්න හදනවා…මෙයාට දැන් නඩත්තු නඩුවක් තමා දාන්න වෙන්නේ…පව් මරා හින්දා බඩ වෙලා වෙන යන්න තැනකුත් නෑ

    • හූ ඇන්පී says:

      මට නම් මේ ගම්මන්පිල කියන මෙලෝ මගුලක් තේරෙන් නෑ.
      මහා බර වචන සහ ඉලක්කම් විතරයි මූ දන්නේ.
      අලුත් සංශෝධනයෙන් කුඩු අල්ලන්න පුළුවන්ලු. ෆ්‍රී වයිෆයි දෙන්න පුළුවන්ලු. බ්‍රේස්ලට් සහ නොතෙමී යන්න කාර් දෙන්න පුළුවන්ලු. ළමයින්ට ටැබ් දෙන්න පුළුවන්ලු.
      ඉතින් මේකට ඔය තරම් විරුද්ධ වෙන්නේ ඇයි ආයිබෝං?

      • දේවක ඔස්ට්‍රෙලියා. says:

        උදය ගම්මන්පිල මැතිඳුනි දැන්වත් මහින්ද සමග ඉන්න. ගෝටා මිත්‍යාවකි.

      • ceejay says:

        හූ එන්පී , ඉස්සෙල්ල ඉස්කෝලේ ගිහිල්ල හිටපන් .දෙකේ පන්තියෙන් නවතුනනේ. ඊට පස්සේ ගම්මන්පිල මහත්තය කියන දේවල් තේරෙයි.හැබැයි යුඇන්පී ජේවීපී නායකයෝ නම් උඹ ආයිත් ඉස්කෝලේ යනවට කැමති වෙන එකක් නෑ

  2. එක්නැලිගොඩ says:

    උදය මහත්තය හරි. සුනිල් පෙරේරගෙන් අමල් පෙරේරගෙන් අනෝමා ජිනාදරීගෙන් උපදෙස් අරන් බැරිවෙයි මහින්ද තම්බන්න.

  3. 20 එපෝ says:

    මහින්ද ජවිපෙට කිව්ව කතාව දැන් රටම දන්නව. උදය විමල් කියපු දේම තමයි එයත් කියන්නේ. පලාත් සභා තියාගෙන සමානුපාතික මැතිවරණ ක්‍රමය තියාගෙන විධායකයට ජෙප්පෝ අත තියන්නෙ රටට ඇති ආදරයකට නෙමේ කියල මහින්දත් දන්නවා.

  4. විධායකය සුරකිමු says:

    සම්බන්ධනය වගේ උතුරට විතරක් විපක්ෂ නායක නොවී මහින්ද මහත්තය රටේ ම විපක්ෂ නායක නිසා මේ රතු අලි පැටව් එක්ක මනුස්සකමට කතා කලාට එයාට අමතක නෑ මුං එදා මරා හොරා කිය කිය නටපු නාඩගං. දැන් වැලේ වැල් නැතුව ලැජ්ජානැතුව ආපහු මහින්ද එක්ක සාකච්ඡා වට යනව.

Main News