ජාතියේ බලකණුව ගෝඨා.. ජය තහවුරු කරන්න ඒකාබද්ද විපක්‍ෂ නායකයන් දිවුරයි..

September 6, 2019 at 8:02 am | lanka C news
ජාතියේ බලකණුව ගෝඨා.. ජය තහවුරු කරන්න ඒකාබද්ද විපක්‍ෂ නායකයන් දිවුරයි..

ගෝඨාභය රාජපක්ෂයන්ගේ ජය තහවුරු කිරීම සඳහා ඒකාබද්ධ දැවැන්ත ප්‍රචාරක වැඩපිළිවෙළක් ඉදිරියේදී ක්‍රියාත්මක කිරීමට ඒකාබද්ධ විපක්‍ෂයේ පක්‍ෂ නායකයන් තීරණය කර ඇති බව ජානිපෙ නායක විමල් වීරවංශ මහතා පැවසීය.

බොරැල්ල එන්.එම්. පෙරේරා මධ්‍යස්ථානයේදී ‘ජාතියේ බලකණුව ගෝඨාභය ජය තහවුරු කරමු’ යන තේමාව යටතේ පැවැති ඒකාබද්ධ විපක්ෂයේ පක්ෂ නායක මාධ්‍ය හමුවේදී ඒ මහතා මෙසේ පැවසීය.

එහිදී වැඩිදුරටත් අදහස් දැක්වූ විමල් වීරවංශ මහතා මෙසේද සඳහන් කළේය.

“2015 ජනවාරි 08 තිබුණු තත්වයෙන් හැම අංශයක්ම පහතට ඇද වැටුණු අවුරුදු හතරහමාරක් අප ගෙවා දමා තිබෙනවා. එක පැත්තකින් ලෝකයේ වැඩිම කෘෂි රසායනික පාවිච්චි කරන රට, පිළිකා රෝගීන්, වකුගඩු රෝගීන් නිර්මාණය කර ගන්නා රට, ඉස්පිරිතාල රෝගීන්ගෙන් පුරවන රට බවට මේ රට පත්ව තිබෙනවා. අනෙක් පැත්තෙන් මහ බැංකුව හොරාකාලා පටන් ගත්තු ‘හොරකම’ ලංකාවේ කවර කලෙකවත් නොවූ විරූ ලෙස පැතිර ගිය රට බවට මේ රට පත්ව තිබෙනවා. මේ රටේ ණය බර ගෙවුණු වසර හතරහමාර තුළ දෙගුණයකින් පමණ ඉහළ ගොස් තිබෙනවා. රටේ ජාතික ආරක්‍ෂාව බිංදුවට වැටී තිබෙනවා. මේ පාලකයන් අපට යළිත් මරණ බිය නිර්මාණය කර දී තිබෙනවා. මේ ඉරණමෙන් ගැලවීමේ උවමනාව අන්තවාදීව කල්පනා නොකරන මේ රටේ සෑම පුරවැසියකුටම තිබෙනවා.

බටහිරගැති ප්‍රතිපත්තිවලින් එළියට ඇවිල්ලා රටට හිතැති ප්‍රතිපත්තිවලට මුල්තැන දීපූ ගමනක් මේ රට අද යළිත් ඉල්ලා සිටිනවා. මහජන එක්සත් පෙරමුණේ නායක දිනේෂ් ගුණවර්ධන මැතිතුමා කියූ පරිදි අපි සියලුදෙනා විශ්වාස කරනවා, ඒ ගමන යන්න ගෝඨාභය රාජපක්‍ෂයන් පෙරටු කරගත් මහින්ද රාජපක්ෂ මැතිතුමන් ප්‍රමුඛ මේ කඳවුරට පුළුවන් කියා. ඒ නිසා අපි මේ රටේ සියලු ජනකොටස් වෙතින් ඉල්ලා සිටිනවා, මෝස්තරකාර සටන්පාඨවලට නොරැවටී සියලු භේද අතහැර ගෝඨාභය රාජපක්‍ෂයන්ගේ ජයග්‍රහණය වෙනුවෙන් පෙනී සිටින්න කියා. ඒ ජයග්‍රාහී අරමුණ ඉදිරියේ තබාගෙන මේ ඉදිරි මාස කිහිපය තුළ ඒකාබද්ධව කටයුතු කරන්න මහජන එක්සත් පෙරමුණ, ජාතික නිදහස් පෙරමුණ, ප්‍රජාතන්ත්‍රවාදී වාමාංශික පෙරමුණ, පිවිතුරු හෙළ උරුමය, ශ්‍රී ලංකාවේ කොමියුනිස්ට් පක්‍ෂය, ලංකා සමසමාජ පක්‍ෂය, දේශ විමුක්ති ජනතා පක්‍ෂය යන පක්‍ෂ තීරණයකට පැමිණ තිබෙනවා.

ඒ අනුව අපි ඉදිරියේදී ගෝඨාභය රාජපක්‍ෂ මැතිතුමාගේ ජයග්‍රහණය වෙනුවෙන් රැස්වීම් පවත්වමින්, ගෙයින් ගෙට යමින් අපේ මතය කුළුගන්වන ඒකාබද්ධ දැවැන්ත වැඩපිළිවෙළක් සකස් කිරීමටත් කටයුතු යොදා තිබෙනවා.”

මෙම මාධ්‍ය හමුවට දිනේෂ් ගුණවර්ධන, වාසුදේව නානායක්කාර, උදය ගම්මන්පිල යන පාර්ලිමේන්තු මන්ත්‍රීවරු ද මහාචාර්ය තිස්ස විතාරණ, රාජා කොල්ලුරේ, ඩී කලන්සූරිය යන මහත්වරු ද එක්ව සිටියහ.

– අනුරුද්ධ බණ්ඩාර රණවාරණ

39 views

9 Comments to “ජාතියේ බලකණුව ගෝඨා.. ජය තහවුරු කරන්න ඒකාබද්ද විපක්‍ෂ නායකයන් දිවුරයි..”

  1. Mahesh says:

    මේ මංකොල්ලකාරයො මිනිසුන් රවට්ටපු කාලේ ඉවරයි. නාගානන්ද මහත්තයා මිනිසුන්ගේ ඇස් පාදල තියෙන්නෙ දැන්. පොහොට්ටුට යූඇන්පී ජේවීපී ට යන එනමං නැතිවෙනවා මේ සැරේ. ලෑස්ති වෙයල්ලා මංකොල්ල කාපුවාගෙ වන්දි ගෙවන්න

    • Norata Eka says:

      හහහා , දවල්ද???

    • ගිගිරි says:

      ලිච්ච්වි රජදරුවන්ට දීල පස්ස බිම ඇනගත්ත මදිවටද නයි පොලොංගු ඉල්ලන්නෙ ? සිංහල චන්ද කඩන්න එන ඇමරිකන් පිල්ලි.

  2. ජාතියේ ආරක්ෂාව තරමටම තම ආරක්ෂාව ද ප්‍රමුකතාවෙහි තබාගෙන පොහොට්ටුවේ සියලු නයකයින්කටයුතු කළ යුතුයි.
    ජය ධරණී!
    මගේ රටට දළදා හිමි සරණයි!

  3. kiribatha says:

    mun katha karannema batahirata wiruddwa. ewunata yannema americawata. munge lamai igena ganneth batahira ratawala. me desana dodai buruwanta.

    • Hoo !!! says:

      ඇමරිකා ගිය පලියට බටහිරට පක්ස වෙනවද ගොනෝ ? ඔලුව අතගාල බලහං අං තියෙනවද කියලා. 🐂

  4. gamarala says:

    සිරිසේනට රැවටුන ලක්ෂ 62 අනිවාර්යෙන් ගොටාබයට චන්දය දෙනවා ජය ශ්‍රී

  5. gamini says:

    nagaya kiyane mokekkda

  6. Gotaimbara says:

    In 2015 also people voted for untested Sirisena thinking he is an angel. See what happened to us. Don’t forget Known Devil is better than the Unknown Angel. We know Gota, we know Mahinda, we know Basil. My vote is for Gota. He will turn SL into a heaven.

Main News