ජීවිත තර්ජනයක් ඇතැයි පෙන්වීමට වංගු වෙඩිල්ල තියවා ගත්තා.. – සයිටම් විධායක

March 1, 2017 at 8:40 am | lanka C news
ජීවිත තර්ජනයක් ඇතැයි පෙන්වීමට වංගු වෙඩිල්ල තියවා ගත්තා.. – සයිටම් විධායක

තමාට ජීවිත තර්ජනයක් ඇති බවට හුවා දැක්වීමට අවශ්‍යතාවයක් ඇති වූ බවත් ඒ බව කඩුවෙල නගර සභාවේ හිටපු මන්ත්‍රීවරයෙක් වන තම මිතුරාට පැවසීමේ පසු වෙඩි ප්‍රහාරය තමන් ගමන් ගත් මෝටර් රථයට එල්ල කිරීමට සැලසුම් කළ බව කී සයිටම් ආයතනයේ විධායක නිලධාරී සමීර සේනානායක මහතා කොළඹ සංවිධානත්මක අපරාධ නිවාරණ කොට්ඨාශයේදී පොලීසිය කළ ප්‍රශ්න කිරීම් හමුවේ පවසා තිබේ.

කොළඹ පිටකොටුවේ මිහිඳු මාවතේ පිහිටි එම ‍පොලිස් කොට්ඨාශයට පෙරේදා (27) කැඳවූ ඒ මහතාගෙන් රාත්‍රිය වන තුරු ‍පොලීසිය දීර්ඝ ලෙස ප්‍රශ්න කර ඇත. එම වෙඩි ප්‍රහාරය සැලසුම් සහගතව සිදු කෙරුණු රඟ දැක්වීමක් බව හෙළී වී ඇත්තේ එවිටය. වෙඩි තැබුවේ කවුද එය කෙසේ සිදුවූයේද යන්න සියල්ල දන්නේ මන්ත්‍රීවරයා බවද එහිදී සමීර සේනාරත්න මහතා සඳහන් කර ඇතැයි ‍පොලිස් තොරතුරුවලින් දැන ගන්නට තිබේ.

මේ ප්‍රශ්නය මත සයිටම් ආයතනයේ කීර්ති නාමය මෙන්ම අනාගතය විනාශ වූ බව ඔහු ඉතා කණගාටුවෙන් පවසා ඇතැයිද එම ආරංචි මාර්ග අනාවරණය කළේය.

ඒ සම්බන්ධයෙන් සැකපිට සමීර සේනාරත්න මහතා අත්අඩංගුවට ගැනීමට ‍පොලීසිය සූදානම් වූවත් නීති උපදෙස් ලැබි ඇත්තේ මන්ත්‍රීවරයා අත්අඩංගුවට ගැනීමෙන් පසු ඒ ඔස්සේ සමීර සේනාර්තණ මහතා අත්අඩංගුවට ගැනීම යෝග්‍ය බවය. ඒ අනුව ඔහු රාත්‍රියේ මුදා හැර තිබේ.
වෙඩි තැබිමේ නාට්‍යයේ අධ්‍යක්ෂවරයා යැයි හඳුනාගෙන සිටින නගර සභාවේ හිටපු මන්ත්‍රීවරයා සහ ඔහු ඔහුගේ සහය අධ්‍යක්ෂවරයා ලෙස හඳුනා ගෙන සිටින කොටිකාවත්ත මුල්‍ලේරියාව ප්‍රාදේශීය සභාවේ රියදුරා මේ වන විට සිටින්නේ සැඟවීය. ඔවුන් දෙදෙනාම පදිංචිව සිටින්නේ කඩුවෙල ප්‍රදේශයේය. මන්ත්‍රීවරයාගේ සහෝදරයෙක්ද කඩුවෙල ප්‍රාදේශීය සභාවේ මන්ත්‍රීවරයෙක්ව සිට ඇති අතර ඔහුව 2001 වසරේදී පාතාලය විසින් ඝාතනය කර ඇති බවද සඳහන්ය.

එම වෙඩි ප්‍රහාරය තමන් විසින් කළ බවට පිළිගන්නා ලෙස මත්කුඩු ළඟ තබා ගැනීමකට බන්ධනාගාරගතව සිටින සැකකරුවෙක්ටද මොවුන් යෝජනාකර තිබි ඇත. නාවික හමුදාවෙන් පලාවිත් සිටින සෙබළෙක් වන එම රැඳවියා ඒ සඳහා ‍පොළඹවා ගැනීමට ප්‍රාදේශීය සභාවේ රියැදුරා ඇතුලු කිහිප දෙනෙක් මහර බන්ධනාගාරයට අවස්ථා කිහිපයකදීම ගොස් ඇති බවද සඳහන්ය. එහිදී එක් අවස්ථාවක් හැරුණු කොට වෙන කිසිදු අවස්ථාවකදී ඔවුන්ගේ පැමිණීම ‍පොත්පත්ල පවා ලියැවී නැති බව ‍පොලිස් විමර්ශන වලින් අනාවරණය වී ඇත.
අනතුරුව එම වෙඩි ප්‍රහාරය තමන් විසින් කළ බව පිළිගනිමින් ‍පොලීසියට හසුවන්නට යොදාගෙන ඇත්තේද මන්ත්‍රීවරයාගේ හිතවතෙක් වන ටීනා නැමැත්තාය. ඇඹිලිපිටියේ පදිංචිකරුවෙක් වන ඔහු වයස අවුරුදු 16 දී නිවසින් පැන විත් කඩුවෙල ප්‍රදේශයේ ගරාජයක සිටින්නෙක් බව ‍පොලීසිය කියයි. මත්කුඩු භාවිතයට ඇබ්බැහි වී සිටින ඔහුව කඩුවෙල වැලිවිට ප්‍රදේශයේ නිවසකදී රැයක් එළිවන තුරු එම වෙඩි තැබිම පිළිබඳව ‍පොලීසිය ප්‍රශ්න කරන විට පිළිතුරු දිය යුතු ආකාරය ගැන මන්ත්‍රීවරයා විසින් පුහුණුකර ඇති බවද අනාවරණය වී ඇත.

ටීන නැමැති එම පුද්ගලයා කඩුවෙල ප්‍රදේශයේ රෙස්ටුරන්ට් එකක රැඳී සිටියදී සයිටම් ආයතනයේ විධායක අධ්‍යක්ෂකට වෙඩි තැබූ වූ පුද්ගලයා එහි සිටින බව ‍පොලීසියට දුරකථන ඇමතුම් කිහිපයක් ලැබි ඇති බවත් ඒ අනුව ‍පොලීසිය එහි ගොස් ඔහුගෙන් ප්‍රශ්න කරන විට සියල්ල පිළිගනිමින් වෙඩි තැබිමට යොදා ගත් ගිනි අවි දෙක පවා භාරදුන් බවත් උසස් ‍පොලිස් නිලධාරියෙක් සඳහන් කළේය. ‍පොලීසිය ඔහුගෙන් දීර්ඝ ලෙස ප්‍රශ්න කිරීමේදී කිසිදු සැකයක් ඇති නොවන ආකාරයට ඔහු ඒ සෑම ප්‍රශ්නයකටම පිළිතුරු දී ඇත. වෙඩි තැබූ ආකාරය පවා ඉතා පැහැදිලිවම සඳහන් කර ඇති අතර ඒ සියල්ල වෙඩි තැබිම සම්බන්ධයෙන් ‍පොලිස් විමර්ශනවලදී හෙලි වූ කාරණා සමග එකිනෙකට ගැලපීම හේතවෙන් කිසිදු සැකයක් ‍පොලීසියට ඇති වී නැති බවද ආරංචි මාර්ග අනාවරණය කළේය. ඒ අනුව ඔහුව අත්අඩංගුවට ගෙන සයිටම් ආයතනයේ විධායක නිලධාරියාට වෙඩි තැබිමේ අභිරහස විසඳූ බව මාධ්‍යයට පවා ‍පොලීසිය දැනුම් දීමට සූදානම් වූවත් අවසානයේ වැඩිදුර විමර්ශනයකදී සියල්ල හෙළි වී තිබෙන බව සඳහන්ය. ‍පොලිස් විමර්ශන සමග ගැටීමක් ඇති නොවන ආකාරයට ‍පොලිස් ප්‍රශ්න කිරීම්වලදී පිළීතුරු දෙන්නට ටීනා නැමැති සැකකරුට සියල්ල උගන්වා ඇත්තේ මන්ත්‍රීවරයා බවද අවසානයේ හෙළි වී තිබේ.

එදා වෙඩි තැබිම සිදුවූ දින සයිටම් විධායක නිලධාරී සමීර සේනාරත්න මහතා මන්ත්‍රීවරයාගේ නිවසට ගොස් ඳ ඇති බවත් එදින දහවල් මන්ත්‍රීවරයා සයිටම් ආයතනයට ගොස් සමීර සේනාරත්න මහත හමුවී ඇති බවත් ‍පොලීසියට තොරතුරු ලැබි ඇත.

ගයාන් කුමාර වීරසිංහ
ලක්බිම

15 views

6 Comments to “ජීවිත තර්ජනයක් ඇතැයි පෙන්වීමට වංගු වෙඩිල්ල තියවා ගත්තා.. – සයිටම් විධායක”

  1. Samee says:

    Me pimpiyay. Nevilai, gon nugath politicians tikkai ape nidahas adayapanaya kanawa,wahama, mun arrest kala yuthui,ko me hittan thawama hitagenna innawada meka cancel karanne nathuwa?

    • civilian says:

      Nidahas adyapanaya kanne Sitam eken withara da? Mechchara kal oyala koheda hitiye. Sitam ekata kalin kochchara Private degrees thibuna da lankawe? Ewa nidahas adyapanaya da?

  2. RICHMOND PEIRIS says:

    මේ ආටක නාටක රංග දැක්ම හා ඒ පිලිබඳ සෙවීමට පොලිසිය ඇතුළු රජයේ ආයතන වලට ගිය වියදම රුපියල් මිලියන් ගණනක් විය යුතුයි. ඒවා ගෙවන්න වෙන්නෙතේ දුප්පත් අපටමද? නැත්නම් එම මුදල් සයිටම් එකෙන් හෝ සමීර ඇතුළු නළුනිලියන්ගෙන් අයකර ගත යුතු නේද?

  3. wijebahu says:

    MARAge kalenam mewa yatagahanawa. poiliciyat dan nidhasa thiyanwa kiyala me incident eken oppu wenawa. e kesewethath CEO should be sacked to safeguard the name of SAITM. othewise Jostara mafia and IUSF thugs will try to take undue advantage from this incident.

    • Saman says:

      Ane booruwo, tho hithuwada nevila babaa kiyala oo mokuthma oka gana nodana ganna. Mechchara peechan welaa thiyeddith thaamath oya POITM ekata ohoma redi nathiwa kade yanne thoge lajja nahare kapala daapu nisaada? Anika gono, POITM ekata reka ganna tharam namak thiyenawada?

  4. Amal says:

    Ko mekw SAITM ekata kade giya pimpiyo set eka..monahari dapallako bn..ubalata newila rupiyal 500k denne dawasata nikan inna newine..lol

Main News