ජී.එල්. ඉල්ලූ සාකච්චාවට අගරදගුරු බෑ කියති..

September 2, 2021 at 12:02 am | lanka C news
ජී.එල්. ඉල්ලූ සාකච්චාවට අගරදගුරු බෑ කියති..

පාස්කු ඉරුදින ත්‍රස්ත ප්‍රහාරයේ පරීක්‍ෂණවලට අදාළව රජය ගෙන ඇති පියවර සම්බන්ධයෙන් දැනුම්දීම සඳහා සාකච්ඡාවකට පැමිණෙන්නැයි විදේශ අමාත්‍ය මහාචාර්ය ජී.එල් පීරිස් මහතා කර ඇති ආරාධනය පිළිගැනීමට නම් පාස්කු ප්‍රහාරයේ විමර්ශන විනිවිදභාවයකින් සිදුවන බවට විශ්වාසයක් තමා තුළ ඇතිවිය යුතු යැයි මැල්කම් කාදිනල් රංජිත් කොළඹ අගරදගුරුතුමන් අමාත්‍යවරයා වෙත ලිඛිතව දන්වා යවා ඇත.

එසේ සාකච්ඡා කරන්නට තමන් විවෘත නමුත් ඒ සඳහා කොන්දේසි කිහිපයක් සම්පූර්ණ විය යුතු බවත් එම කොන්දේසි සම්පූර්ණ වන තුරු සාකච්ඡාවට නොඑන බවත් කාදිනල්තුමා අමාත්‍යවරයා වෙත ලිපියක් යොමු කරමින් පැහැදිලිව දැනුම් දී ඇතැයි කතෝලික සභාවේ මාධ්‍ය ප්‍රකාශක සිරිල් ගාමිණී ප්‍රනාන්දු පියතුමෝ පැවසූහ.

පාස්කු ප්‍රහාරය හා සම්බන්ධ විමර්ශන විශ්වාසනීයත්වයෙන් යුතුව සිදුවීමේ වැදගත්බවත්, එම විශ්වාසය ගොඩනැගීමට නම් පාස්කු ප්‍රහාරය පිළිබඳ විමර්ශනය කළ ජනාධිපති කොමිෂන් සභාවේ වාර්තාවෙන් ඉදිරිපත් කර ඇති නිර්දේශ ක්‍රියාත්මක කිරීම ආරම්භ විය යුතු බවත් කාදිනල්තුමා සිය ලිපියෙන් අමාත්‍යවරයාට දැනුම් දී ඇතැයි ද සිරිල් ගාමිණී ප්‍රනාන්දු පියතුමෝ සඳහන් කළහ.

සිරිල් ගාමිණී පියතුමන් මේ බව පැවසුවේ මාධ්‍ය වෙත විශේෂ ප්‍රකාශයක් කරමිනි. ජනාධිපති කොමිෂන් සභා වාර්තාවේ ඇති පරිදි විමර්ශන ආරම්භ කළොත් කාදිනල්තුමන්, කතෝලික සභාව හා ජනතාව තුළ විශ්වාසයක් ගොඩනැගෙන බවත් එය ගොඩනැගිය හැක්කේ රජයට පමණක් බවත් පියතුමෝ කීහ.

ජනාධිපති කාර්යාලයේ නීති අධ්‍යක්‍ෂවරයා සහ පොලිස්පතිවරයා ඉකුත් දා මාධ්‍ය හමුවේ කළ ප්‍රකාශය තුළ ඇතුළත් යම් කරුණුවලින් විශ්වාසය ගොඩනැගීමට වඩා විශ්වාසය පලුදු වී ඇතැයි ද සිරිල් ගාමිණී පියතුමෝ සඳහන් කළහ.

ඒ නිසා සාකච්ඡාවක් කිරීමට අවශ්‍යනම් විශ්වාසය ගොඩනැගුණු පසු එය පැවැත්විය හැකි බව ද කාදිනල්තුමන් අමාත්‍යවරයාට දැනුම් දී ඇතැයි පියතුමෝ පැවසූහ.

– lankadeepa

34,027 views

26 Comments to “ජී.එල්. ඉල්ලූ සාකච්චාවට අගරදගුරු බෑ කියති..”

  1. Chathura Gunarathna says:

    agaradaguruthumani pissu nattanna epa aith jathyantharaya lankawata gena katha nam methana katha karannawath epa. oba thuma dannawa nam okata sambanda aya oya thana thana kiya kiya inne kelinma janathawata dana ganna kiuwa nam hari neda? kallathoni karayo wage wada karanne nathuwa.

  2. Sagarika Alvis says:

    ape agaradaguruthuma ai me ekaparatama me widiyata obathmage kattiya witharak newei e rate janathawa oya paththen hitala ai jathiwdain wenne.rate kiyala kiuwoth neda hoda?

  3. නදී says:

    අගරදගුරු තුමා වෛරයෙන් පිරි ඇත….
    එතුමාට අවශ්‍ය එතුමා කියන සියලු දෙනා සිරගතකල යුතුය ….
    එතුමා හගවාගෙන සිටි සතා දැන් එතුමාව මෙහෙයවන බව පෙනේ….පාටලී චම්පුක රනවක නම් පරයා යම් යම් බළල් අත් යොදවා කාදිනල් උන්නාන්සේ මෙහෙයවන බව පෙනේ…..

  4. Snap says:

    සැමට ආදරය කරන්න ජේසු තුමන් දෙසු දර්මය cardinal ළඟ ගෑවිලාවත් නැහැ වෛරය හැම වචනයකම ඇමති තුමනි මොකටද ඔච්චර පිචං වෙන්නේ ආණ්ඩුවේ රාජකාරිය විනිවිද බවෙන් කරන්න එච්චරයි ඔච්චර නැවෙන්න යන්න එපා cardinal කියන නමටත් lajjai