ඩීසල් විදුල් ඒකකයක් රුපියල් සීයයි.. ගල් අගුරු ඒකකයක් 50යි..
May 27, 2022 at 1:20 pm | lanka C news
ජාතික විදුලිබල පද්ධතියට පුනර්ජනනීය බලශක්ති ප්‍රභවයන්ගේ ඉහළ දායකත්වයක් එක්කර ගැනීමට සහාය වන්නැයි ජනාධිපති ගෝඨාභය රාජපක්ෂ මැතිතුමා විදුලිබල ක්ෂේත්‍රයේ ප්‍රවීණයන්ගෙන් ඉල්ලයි.
සමස්ත විදුලි ඉල්ලුමෙන් 70%ක් පුනර්ජනනීය බලශක්ති උත්පාදනයෙන් ලබාගැනීම රජයේ ඉලක්කය වී තිබේ. මේ වන විටත් මෙගා වොට් 700කට ආසන්න විදුලි ධාරිතාවක් සූර්ය බලශක්තියෙන් ජනනය කිරීමේ හැකියාව පවතී. එහෙත් විදුලිබල මණ්ඩලයේ ඉංජිනේරුවරුන්ගේ විරුද්ධත්වය හේතුවෙන් එය ඉටුකර ගැනීමට නොහැකි වී ඇති බව ජනතා මතය යි. එය නිවැරදි කරමින් පවතින විදුලි අර්බුදය විසඳීමට ප්‍රායෝගිකව දායක විය හැකි බව ජනාධිපතිතුමා සඳහන් කළේය.
පුනර්ජනනීය බලශක්ති ප්‍රභවයන් විදුලිබල උත්පාදනයට දායක කරගැනීමේ දී පවතින ගැටලු පිළිබඳ සොයා බැලීමට කොළඹ, කොටුව ජනාධිපති මන්දිරයේ පැවති සාකච්ඡාවේ දී ජනාධිපතිතුමා මේ බව පැවසීය.
සූර්ය බලශක්තියෙන් විදුලි උත්පාදනය, ලොව බොහෝ රටවල ප්‍රධාන උපායමාර්ගය වී තිබේ. එය අනුගමනය කරමින් පවතින විදුලි අර්බුදයට කඩිනම් විසඳුමක් ලෙස වහල මත සවිකරන සූර්ය පැනල පද්ධති යොදාගැනීම සිදු විය යුතු බව ජනාධිපතිතුමා කියා සිටි.
ප්‍රධාන විදුලිබල පද්ධතියේ දැනට පවතින ධාරිතාව මත මෙගා වොට් දහසකට ආසන්න නව විදුලි උත්පාදනයක් එක්කර ගත හැකි බව විදුලිබල මණ්ඩලයේ අතිරේක සාමාන්‍යාධිකාරී (සම්ප්‍රේෂණ) පී.ඩබ්. හෙන්දහේවා මහතා පෙන්වා දෙනු ලැබීය.
ඛනිජ තෙල් යොදාගනිමින් විදුලි ඒකකයක් නිෂ්පාදනයට රුපියල් සියයකට සහ ගල් අඟුරු යොදා ගනිමින් විදුලි ඒකකයක් නිෂ්පාදනයට රුපියල් පනහකට අධික පිරිවැයක් දැරීමට සිදු වේ. ඒ වෙනුවට පුනර්ජනනීය බලශක්තිය යොදා ගැනීමෙන් ඩොලර් මිලියන 300කට අධික මුදලක් වාර්ෂිකව ඉතිරි කරගත හැකි බව මහජන උපයෝගිතා කොමිෂන් සභාවේ අධ්‍යක්ෂ ජනරාල් දමිත කුමාරසිංහ මහතා සඳහන් කළේය.
තාප බලයෙන් විදුලි උත්පාදනයට මසකට ඩොලර් මිලියන 100කට අධික මුදලක් වැය වේ. ඒ අනුව පවතින මිල ගණන් යටතේ තවදුරටත් විදුලිය සැපයීම දුෂ්කර කාර්යයක් බව විදුලිබල සහ බලශක්ති අමාත්‍ය කංචන විජේසේකර මහතා පෙන්වා දුන්නේය.
සූර්ය බලශක්තියෙන් විදුලි උත්පාදනය සඳහා පාසල්, රෝහල් ඇතුළු රජයේ ගොඩනැඟිලිවල වහල ප්‍රයෝජනයට ගැනීමෙන් විශාල භූමි ප්‍රමාණයක් ඉතිරි කරගත හැකි බව පරිසර අමාත්‍යාංශයේ ලේකම් වෛද්‍ය අනිල් ජාසිංහ මහතා පැවසීය.
ජනාධිපති ලේකම් ගාමිණී සෙනරත්, ජනාධිපති කාර්ය මණ්ඩල ප්‍රධානි අනුර දිසානායක යන මහත්වරු, අමාත්‍යාංශ ලේකම්වරු සහ රේඛීය ආයතන ප්‍රධානිහු මේ අවස්ථාවට එක්ව සිටියහ.
– ජනාධිපති මාධ්‍ය අංශය
සූර්ය බලයෙන් විදුලිය උත්පාදනය ගෘහස්ථව සිදුකල හොත් විදුලිබල මණ්ඩලයේ අදායම අඩුවීමෙන් නිලධාරීන්ගේ පඩි අඩුකිරීමට අනාගතයේදී සිදුවන බැවින් විදුලි ඉංජිනේරුවන් එයට කුහක ලෙස විරුද්ධ වේ .
වැරදිලාවත් නිවස්වල off grid සූර්ය බල පද්ධති සවිකිරීමට මහජනතාව පෙලඹුනහොත් මණ්ඩලයට අබසරණයි.
ඔන්න ඕක තමයි හේතුව .
Anna hodama wadak….
කයිය නෙවෙයි වැඩේ පටන් ගන්න
Nikan tiyana weu medde paawena solar panal daala gamatama power denna puluwan oka wahaletama gahanna one ne
අපේ රටේ ඉන්න සත්තුවගෙ උන් ඒවා හොදට ආරක්ෂා කරාවි
මේ මණ්ඩලේ උන් ඕක කරන්න දෙන්නෙ නැ, ලොවෙත් නැති පරිසර වාර්තා ඉල්ලනව චාටඩ් ඉන්ජිනේරු සහතික ඉල්ලනව, මුන් හදන්නෙම අවසර සහ සම්බන්ධ කිරීම දෙන්නෙ නැතුව ඉන්න. කාලකන්නි රට කනවා. මේ නිලධාරින් ගේ වත්කම් හොයන්න ඕන මුල ඉදල.
විදුලි ඉන්ජිනේරැ මාපියාව ඩීසල් මාපියාවෙ කොමිස් එකට ටවෙලා. උන්ට රට වැඩක් නැති බව විබම සභාපති නෙත් fm එකට දුන් උත්තර වලින් පැහැදිලිය්.
E kalema solar puluwan taram gahuwanam dan ksisi awlak ne
මංඩලේ ඉන්න මිලියන් ගණන් පඩි ගන්න ඉංජිනේරු හොරු තමන් ගෙ සාක්කු හිස් වෙන්න දෙන්නෙ නෑ.