ඩොලර් නැති වුනේ කොරෝනා නිසා.. ඒත් කොරෝනා පරාජය කල ලෝකයේ පස්වැනියා ලංකාව..

January 13, 2022 at 6:14 am | lanka C news
ඩොලර් නැති වුනේ කොරෝනා නිසා.. ඒත් කොරෝනා පරාජය කල ලෝකයේ පස්වැනියා ලංකාව..

කොළඹ නගරය ආශ්‍රිතව පවතින දැඩි රථවාහන තදබදයට පිලියම් ලෙස හංගේරියානු රටේ මූල්‍යාධාර මත ඉදිකෙරන මෙම කොහුවල ගුවන් පාලමේ ඉදිකිරීමේ කටයුතු නිලවශයෙන් මුල්ගල තබා ආරම්භ කිරීම ආණ්ඩු පක්ෂයේ ප්‍රධාන සංවිධායක මහාමාර්ග අමාත්‍ය ජොන්ස්ටන් ප්‍රනාන්දු මහතාගේ සහ හංගේරියානු රජයේ වෙළඳ හා විදේශ කටයුතු අමාත්‍ය පීටර් සියාටෝ Peter Szijiarto මහතාගේ ප්‍රධානත්වයෙන් කොහුවල මංසංධියේ දී සිදු කෙරිණි.

කොහුවල මංසන්දියේ සිට කොළඹ – හොරණ 120 බස් මාර්ගයේ මෙම ගුවන් පාලම ඉදිකරනු ලැබේ . ගුවන් පාලම ඉදිකිරීමෙන් පසු ගුවන් පාලම පහලින් නුගේගොඩ – කළුබෝවිල මාර්ගය වෙත ගමන් කල හැකිය . හංගේරියානු ජන රජයේ මූල්‍ය පහසුකම් මත ඉදිකරන කොහුවල ගුවන් පාලම දිගින් මීටර 297ක් වන අතර පළල මීටර 9.4 ක් වේ. මීට අමතරව ගුවන් පාලමේ පාලමේ පහළ කොටසේ වාහන ගමනාගමනය සඳහා මංතීරු 4ක මාර්ගයක් ඉදිකරන අතර නුගේගොඩ කලුබෝවිල මාර්ගයේ වාහන හැසිරවීම ආලෝක සංඥා (traffic signals )මගින් පාලනය කිරීමට කටයුතු යොදා ඇත.මේ සඳහා ඇස්තමේන්තු ගත මුදල රු.මිලියන 2648වේ.මෙම ව්‍යාපෘතිය මාස 22 කින් නිම කිරීමට අපේක්ෂිතය.

මෙම උත්සව අවස්ථාන ඇමතූ ජොන්ස්ටන් ප්‍රනාන්දු මහතා,

හන්ගේරියානු රජයේ මූල්‍ය ආධාරවලින් තමයි මේ කොහුවල ගුවන් පාලමේ ඉදිකිරීම් අපි අද ආරම්භ කළේ. කොහුවල විතරක් නෙවෙයි. ගැටඹේ ප්‍රදේශයේත් අපි ගුවන් පාලමක් ඉදිකිරීම ආරම්භ කළා. ඒ වගේම මේ හන්ගේරියානු මූල්‍යාධාර මත තවත් ගුවන් පාලම් 09 ක් හදන්න අපි බලාපොරොත්තු වෙනවා. විපක්ෂය කියනවා විදේශීය ආයෝජකයෝ අපේ රටට උදව් කරන්නේ නැහැ කියලා. මම හිතන්නේ කෙටි කාලයක් තුළ වැඩියෙන්ම රාජ්‍ය නායකයෝ සහ විදේශ අමාත්‍යවරු පැමිණි කාලයක් හැටියටයි මේ කාලය හදුන්වන්න පුළුවන්. ඒ නිසා විපක්ෂය කරපු හැම කතාවක්ම දැන් පුස්සක් වෙලා තියනවා කියන එක අපට කියන්න පුළුවන්.

අධිවේගී මාර්ග, ගුවන් පාලම් හැදුවත් රටේ ඩොලර් ප්‍රශ්නයක් තියෙනවා. මේ දේවල් තාවකාලික ප්‍රශ්න. ඩොලර් ප්‍රශ්නය කොවිඩ් අර්බුදය නිසා ඇතිවුණු ප්‍රශ්නයක්. අපිට විදේශ විනිමය අවශ්‍ය තරම් ලැබෙන්නේ නැහැ. රටවිරුවන් අපි එක්ලක්ෂ හැට අට දාහක් ලංකාවට ගෙනාවා. ඔවුන් පැමිණියේ ඔවුන්ට ඒ රටවල කොවිඩ් නිසා මැරෙන්න වෙයි කියන බයට. දැන් නැවත වාරයක් එක්ලක්ෂ විසි දාහක් පිට රට බලා ආපසු ගිහින් තියනවා. සති කිහිපයකින් මේ ප්‍රශ්න ටික විසදෙයි. අපිට තිබුණේ මේ රටේ ජනතාවගේ ජීවිත ආරක්ෂා කරන්න. ඒ දේ අපි උපක්‍රමශීලීව කළා. ඩොලර් වියදම් කරලා අපි ගෙනාවේ එන්නත්. එන්නත් ලබා දීලා කොවිඩ් අර්බුදය පරාජය කරපු ලෝකයේ ප්‍රධාන රටවල් පහ අතර අපේ රට ඉන්නවා. අපි ජනතාවගේ ජීවිත බේර ගත්තා. විපක්ෂය කියනවා අපේ රට බංකොලොත් වෙලා කියලා. අපි මේ ඩොලර් ප්‍රශ්නය විසඳා සංචිත ශක්තිමත් කරනවා. අපි ඉතාමත් විශ්වාසයෙන් ජනතාවට කියනවා අපි මේ රට සංවර්ධනය කරනවා කියලා.

දැන් ත්‍රිකුණාමලය තෙල් ටැංකි ගැන නොයෙකුත් කතා විපක්ෂය ගොතනවා. මේ සියල්ල දේශපාලන වාසි ගන්න ඔවුන් කියන දේවල්. ඒ නිසා මේ රජය ගැන කිසිම සැකයක් තියාගන්න එපා. මේ රටේ ජනතාව බලාපොරොත්තු වුණු දියුණුව අපි ඇති කරනවා.

මෙම අවස්ථාවට හංගේරියානු පාර්ලිමේන්තු මන්ත්‍රී පීටර් චෙරස්, හංගේරියානු රජයේ විදේශ කටයුතු ලේකම් ලාස්ට් ලෝ වාරෝදි, මහාමාර්ග අමාත්‍යාංශයේ ලේකම් ආර්. ඩබ්. ආර්. පේමසිරි ඇතුළු මාර්ග සංවර්ධන අධිකාරියේ නිලධාරීන් පිරිසක් සහභාගී වූහ.

මාධ්‍ය ඒකකය
මහාමාර්ග අමාත්‍යාංශය

10,515 views

7 Comments to “ඩොලර් නැති වුනේ කොරෝනා නිසා.. ඒත් කොරෝනා පරාජය කල ලෝකයේ පස්වැනියා ලංකාව..”

  1. Truth says:

    Because of covid sri Lanka is running the country. If not will be in a mess in the start financially and politically all sri lankens knows about it well. Why do this talks been said it funny

  2. LalithM says:

    ඩොලර් නැතිවුනේ 2005 සිට හොරපාරේ යැවෙන ජාතික ධනය සහ අසාර්ථක ව්‍යාපෘති වලට යටකල ණය ගෙවීම. රටට නැති පාලක පවුලට සහ අසූචි ලෙවකන්නන්ට ප්‍රතිලාභ ලැබෙන යෝජනා ක්‍රම වලට විදෙස්‌ ණය අරගෙන ණය උගුලට අඩුකිරීම.

  3. Gotabaya says:

    ඩොලර් නැති වුනේ කොරෝනා නිසා නෙමෙයි යකෝ….ඩොලර් නැතිවුනේ තොපි අවුරුදු හැත්තෑ ගානක් මාරුවෙන් මාරුවට හොරා කාපු නිසා….

  4. Kalu Albot says:

    THO MAKABAA WEWAA!!!

  5. dora says:

    මුන් බොරු අමාරුකම් මවාපාමින් ලන්කාවම විකුණනවා. ඇමරිකන් සුද්දන් කීපදෙනෙකුට රට පාලනය කරන්න දුන්නා නම් මීට හොඳයි.

  6. අපි රජයෙ සේවකයන් says:

    ඩොලර් නෙතිඋනේ කොරොනා නිසා රට නෙතිවෙන්නෙ රජයෙ සේවකයන් නිසා..
    තව තව රජයෙ සේවකයන් බදවා ගන්න නිකන් පින් පඩි දෙන්න රටේ සෞභාග්‍යය ඉක්මනින් උදා වෙයි

  7. Alapaluwa says:

    අතිගරු රියර් අද්මිරාල් (විශ්‍රාමික) සරත් කැබිනට් ඇමතිතුමාත් යුද්ධය නිමාකල ‘පස්වන’ සේනාධිපතියා වුනා.
    මේකත් ලෝකෙන්ම පහ.
    ජනතාවට තුනපහ හදාගන්න ‘කහ’ ත් නෑ. Alapaluwa from SA (Eaestern Cape)

Leave a Comment

Main News