ඩොල්ෆින්ලා 09 කගේ සිරුරු ගොඩගසයි.. සිරුරේ ප්ලාස්ටික් කැබලි..

December 12, 2021 at 2:10 am | lanka C news
ඩොල්ෆින්ලා 09 කගේ සිරුරු ගොඩගසයි.. සිරුරේ ප්ලාස්ටික් කැබලි..

මුලතිව් අලම්පිල් මුහුදු ‍වෙරලට මිය ගිය ඩෝල්ෆින් මාලු 09 දෙනෙකුගේ සිරුරු ගොඩගසා තිබියදී (09) අවසන් කටයුතු සිදුකල බවට උතුරු පලාත් වනජීවි පශුවෛද්‍ය කාර්යාලය පවසයි.

මුලතිව් අලම්පිල් මුහුදු වෙරලේ කිලෝමීටර් 2 ක් පමන වෙරල අතරේ මෙලෙස මිය ගිය ඩෝල්ෆින් මාලුන්ගේ සිරුරු ඊයේ සහ පෙරේදා දිනයන්හි වරින් වර ගොඩගසා තිබියදී ප්‍රදේශයේ ධීවරයින් විසින් ඒ පිළිබඳව මුලතිව් වනජීවි නිලධාරී කාර්යාලයට දැනුම් දී තිබුණි.

අනතුරුව වනජීවි නිලධාරීන් විසින් උතුරුපලාත් වනජීවි පශුවෛද්‍ය බී.ගිරිධරන් මහතා වෙතට දැනුම් දීමෙන් අනතුරුව ඊයේ  සවස බී.ගිරිධරන් මහතා ඇතුලු වනජීවි නිලදාරීන් පිරිසක් විසින් අලම්පිල් මුහුදු වෙරලට ගොස් පරික්ෂණ සිදුකරන ලදි.

එහිදී මිය ගොස් සිටි අඩි 05 ත් 06ත් අතර දිගැති ඩෝල්ෆින් මාලු පිරිමි සතුන් සිරුරු 05 ක්ද අඩි 02 ක් දිගැති කුඩා පිරිමි ඩොල්ෆින් මාලුවෙකු  සහ අඩි 05 ක් දිගැති  ගැහැනු සත්ව සිරුරු 03 ක් සොයාගත් අතර ඉන්  අවසන් කටයුතු සිදුකිරීමට වනජීවි පශුවෛද්‍ය බී.ගිරිධරන් මහතා ඇතුලු වනජීවි නිලධාරීන් විසින් පියවර ගන්නා ලදි.

එහිදී ඩෝල්ෆින් මාලුන්ගේ සිරුරේ කොටස් කිහිපයක් රජයේ රසපරික්ෂක වෙතට යාමට පියවර ගෙන ඇති බවටත් ඩෝල්ෆින් මාලු මිය යාමට නිශ්චිතවම හේතුවක් සඳහන් කිරීමට නොහැකි බවටද වනජීවි නිලධාරීන් පැවසූහ.

මිය ගොස් සිටි ඩෝල්නේ මාලුන්ගේ සිරුරේ ප්ලාස්ටික් කැබලි කිහිපයක්ද තිබී සොයාගත් අතරම ප්ලාස්ටික් ආහාරයට ගැනීම නිසා හෝ මාදැලකට හසුවීම නිසා මෙම ඩොල්ෆින් මාලුන් මිය යන්නට ඇති බවට වනජීවි නිලධාරීන් සැක පල කර සිටිති.

– වන්නි රොමේෂ් මධුෂංඛ

14,694 views

2 Comments to “ඩොල්ෆින්ලා 09 කගේ සිරුරු ගොඩගසයි.. සිරුරේ ප්ලාස්ටික් කැබලි..”

  1. Dilan says:

    රටේ මේ තරම් බලයක් ලබා දුන්නේ රටට හොඳ දේ කරන්නයි.
    දැන් කෙරෙන දේවල් වල හැටියට මෙව්වලින් බේරිලා ඉන්නවා ඇති.

    රාජපක්ෂලාට වෙන දේ දැන් දන්නේ රට පාලනය කරන දෙය්යෝ විතරයි.

  2. රෙද්දේ පරිසර අධිකාරිය says:

    රටක ආණ්ඩු තියෙන්නේ පරිසරය ආරක්ෂා කරන්නත් එක්ක .මිනිස්සුන්ට නිවැරදි නීති රීති දාල හරියට ප්ලාස්ටික්, වීදුරු ටික එකතු කරගන්න බැරි ගොන් ආණ්ඩු සහ නිලධාරින් ඉන්න රටක් වුනහම මෙහෙම වෙනවා.

    ඊළඟට රට වැහෙන්නේ අරක්කු බෝතල් වලිනුයි, බියර් කෑන් වලිනුයි.

    නොමිලේ කාර් පර්මින්ට්, මන්ත්‍රී නිවාස,ලේකම් ල,ටෙලිපොන් දීල ,දියවන්නාවේ ලොකු බත් ගෙඩියක් ගිලින්නත් දීල අපි හදාගන්නේ සුදු අලි ටිකක් !!

Main News