ණයට දුම්වැටියක් ලබා නොදුන්නැයි ව්‍යාපාරිකයාට තියුණු ආයුධයකින් පහරදෙයි….

තලවකැලේ නගරයේ ව්‍යාපාරිකයෙකු විසින් දුම්වැටියක් ලබා නොදිමට උරණ වු කරණවැමියෙක් එම ව්‍යාපාරිකයාට තියුණු ආයුධයකින් ඇණ ඔහු සතු රු හැට පන්දහසක් වටිනා ජංගම දුරකථනයට අලාභ හානි සිදු කර ඇති බව තලවකැලේ පොලිසියේ ස්ථනාධිපති ප්‍රධාන පොලිස් පරික්ෂක රුවන් ප්‍රනාන්දු මහතා පැවසිය.

(25) දින රාත්‍රි 10 ට පමණ අධික ලෙස බිමත්ව සිටි තලවකැලේ නගරයේ කරණවැමියෙක් තලවකැලේ නගරයේම වෙලදසැලකට ගොස් ණය පදනම මත දුම්වැටියක් ඉල්ලා ඇති අතර, ණය පදනම මත දුම්වැටිය ලබා දිමට නොහැකි බව ව්‍යපාරිකයා විසින් කරණවැමියාට පැවසිමෙන් පසු උරණ වි එම ස්ථානයෙන් බැහැර වු කරණවැමියා තියුණු ආයුධයක් රැගෙනවිත් ව්‍යාපාරිකයාට ඇණ තුවාල සිදු කර ඇති බවයි තලවකැලේ පොලිසිය කියා සිටියේ.

තුවාල ලැබු ව්‍යාපාරිකයා නුවරඑලිය දිස්ත්‍රික් මහ රෝහල වෙත ඇතුලත් කර ඇත.

සැකපිට අත්අඩංගුවට ගත් කරණවැමියා නුවරඑලිය දිසා අධිකරණයේ වැඩ බලන මහෙස්ත්‍රාත් නලින් තිලකා හේරත් මහත්මිය වෙත (26) දින ඉදිරිපත් කිරිමෙන් පසු සැකකරු රු ලක්ෂයක ශරිර ඇප මත මුදා හැර යලිත් මෙම නඩුව 2021.05.04 දින කැදවිමට නියෝග කලහ.

ඇප මත මුදා හැරි සැකකාර කරණවැමියාට මෙම සිද්ධිය පදනම් කරගෙන (26) දින රාත්‍රි කිසියම් පිරිසක් විසින් තලවකැලේ නගරයේදිම පහර දි තුවාල සිදු කර ඇති බවත් , අදාල සැකකරු මේ වන විට ලිදුල ප්‍රාදේශිය රෝහලේ නේවාසික ප්‍රතිකාර ලබන බවද තලවකැලේ පොලිසිය පැවසිය.

– හැටන් රංජිත් රාජපක්ෂ