තරගයක් දින්නට ඔහොම දගලන්න ඔ්න නෑ.. මං හිටියනම් එලවනවා.. 21න් පස්සෙ බලමු…

February 19, 2019 at 3:22 am | lanka C news
තරගයක් දින්නට ඔහොම දගලන්න ඔ්න නෑ.. මං හිටියනම් එලවනවා.. 21න් පස්සෙ බලමු…

දකුණු අප්‍රිකාව සමඟ පැවැති පළමුවැනි ටෙස්ට් ක්‍රිකට් තරගයේ ජයග්‍රහණය සමරමින් සිය විවේකාගාරයේදී ශ්‍රී ලංකා ක්‍රිකට් කණ්ඩායමේ ක්‍රීඩකයින් හැසිරුණු ආකාරය කිසිසේත්ම අනුමත කළ නොහැකි බව හිටපු ටෙස්ට් ක්‍රිකට් නායක අමාත්‍ය අර්ජුන රණතුංග මහතා පවසයි.

ඔහු අවධාරණය කරන්නේ එම විඩියෝව සමාජ ජාලාවලට මුදා හැරි පුද්ගලයා සොයා ගෙන පළමුව ඔහුට දඩුවම් කළ යුතු බවයි. මෙම සිද්ධිය ශ්‍රී ලංකා ක්‍රිකට් ක්‍රීඩකයින්ගේ විනය පිරිහීමේ තරම පෙන්නුම් කරන්නක් බවද ඔහු කියා සිටියේය.

“අපේ කාලේ අපි තරගයක් ජයග්‍රහණය කළාම විතරක් නෙමෙයි, තරගයක් අවසන් වුණාමත් අපි අභ්‍යන්තර සාකච්ඡා රැසක් පවත්වනවා. එම සාකච්ඡාවලදී අපි බෙහෝ දේ සාකච්ඡා කරනවා. නමුත් කවදාවත් ඒවා පිටට ගියේ නැහැ. අභ්‍යන්තර සාකච්ඡා එළියට ගියේ නැහැ. අපිට තිබුණා විනයක්. ඒ විනය අද නැති නිසා තමයි මේ වගේ සිදුවීම් වෙන්නේ. ඉස්සෙල්ලාම මේක කරපු මිනිහා කවුද කියලා බලන්න ඕන. මම ක්‍රිකට් පරිපාලනයේ සිටිය නම් ඕක ටේප් කරපු මනුස්සයා කවුද ? මාධ්‍යයට දුන්නේ කවුද කියලා ඉස්සෙල්ලාම හොයා ගෙන ඔහුව එලවලා දානවා.

අපේ ක්‍රීඩකයින්ට ක්‍රිකට් පරිපාලකයින්ට විනයක් තියෙන්න ඕන. ක්‍රීඩකයෝ සමහර වෙලාවට ලයින් එකෙන් පිටට යනවා. එක තරගයක් දින්න කියලා ඔහොම දඟලන්න අවශ්‍ය නැහැ. රටේ මහජනතාවගෙන් ක්‍රිකට් ලෝලීන්ගෙන් ලොකු ආදරයක් ලැබුණා පසුගිය දිනවල අපේ ක්‍රිකට් කණ්ඩායමට. අද ඒක නැති කර ගත්තා. මේක අනවශ්‍ය දෙයක්. විනය නැතිකම පෙන්නුම් කරන්නක්. මේ විනය පිරිහීමට මුලික වුණේ මේ දරුවන්ගේ වරදක් නිසාම නෙමෙයි. මේ විනය පිරිහීමට හේතු වුණේ බුකිකාරයෝ සූදුකාරයෝ මේ ක්‍රිකට් ක්‍රීඩාවට පැමිණීම.

අද ක්‍රිකට් ක්‍රීඩාව සම්පූර්ණයෙන්ම සූදුවක් බවට පත් වෙලා. අපි මේ විනාශය ලබන 21 වැනිදා පැවැත්වෙන ක්‍රිකට් නිලවරණයෙන් ජයග්‍රහණය ලැබුවාට පසුව සම්පූර්ණයෙන්ම නතර කරනවා. ක්‍රිකට් නිලවරණයේදී අපිට හොරුන්ගේ ඡන්දේ එපා. හොරු හැමදාම හොරුන්ට ඡන්දේ දෙයි. ඒ හොරුන්ට ඡන්දේ දෙන හොරු කවුද කියලත් අපි ඉදිරියේදී නම් ගම් සහිතව පෙන්නුම් කරනවා…..”යිද අමාත්‍ය අර්ජුන රණතුංග මහතා පැවසීය.

ඔහු මේ බව කියා සිටියේ රත්මලාන දුම්රිය අංගණයේ නිරීක්ෂණ චාරිකාවකට එක්වීමෙන් පසුව මාධ්‍ය අමතමිනි.

– තමීර මංජු

දකුණු අප්‍රිකානු ක්‍රිකට් සිදු වීම – ඇමැති අර්ජුන පළ කළ අදහස්

එක තරගයක් දින්නා කියලා ඔහොම දඟලන්න ඕන නැහැ…ක්‍රීඩකයින්ගේ විනය නැති කළේ සූදු කාරයෝ…ඉස්සෙල්ලාම ඔය විඩියෝ ප්‍රසිද්ධ කළ කෙනා එලවන්න ඕන…

Gepostet von Arjuna Ranatunga am Montag, 18. Februar 2019

203 views
Main News