තරුණයා මිය ගියේ හෘදයාබාදයකින්.. බිරිදට, දුවට, පුතාට ගහන පහත් මඩ පිලිකුල් – විමල්ගෙන් නිවේදනයක්..

October 28, 2016 at 2:10 pm | lanka C news
තරුණයා මිය ගියේ හෘදයාබාදයකින්.. බිරිදට, දුවට, පුතාට ගහන පහත් මඩ පිලිකුල් – විමල්ගෙන් නිවේදනයක්..

ජාතික නිදහස් පෙරමුණු නායක පාර්ලිමේන්තු මන්ත‍්‍රී විමල් වීරවංශ මහතාගේ නිවසේදී තරුණයෙකු මිය යාම ගැන කරුණු පැහැදිලි කරමින් විමල් වීරවංශ මහතා විසින් නිකුත් කර ඇති මාධ්‍ය නිවේදනය මෙසේය.

ලහිරු ජනිත්ගේ මරණය පිළිබඳ මඩ ප්‍රචාර සහ අවලාදවලට පිළිතුරක් !

ලහිරු ජනිත් තරුණයාගේ මරණය පාදකකර ගනිමින් සමාජ ජාලා වෙබ් අඩවි මගින් විවිධ ද්වේෂ සහගත ප්‍රචාරයන් සිදු කරමින් පවතී. මෙය ලියැවෙන්නේ ඊට පිළිතුරු වශයෙනි.

ලහිරු ජනිත් මාගේ පුතාගේ සමීප මිතුරකු මෙන්ම අපගේ අසල්වැසියෙකු ද වේ. පුතුගේ මිතුරුදම හේතුවෙන් ඔහු අපගේ නිවසට නිතර ආ ගිය අයෙකි. මරණය සිදු වු දිනයේද ඔහු අප නිවසට පැමිණි ඇති අතර එදින නිවසෙහි පුතුට අමතරව මිතුරන් කිහිප දෙනෙකුද සිට ඇත. මා එදින කොළඹින් බැහැරව සිටි අතර රාත්‍රියේ නිවසෙහි සිටියේ නැත.

මේ මිතුරු කැල සතුටු සාමීචියෙහි යෙදෙමින්ද සිනමාපටයක් නැරඹීමෙන්ද අනතුරුව රාත්‍රියෙහි නින්දට ගොස් ඇති අතර ලහිරු ජනිත් අවාසනාවන්ත ලෙස මියගොස් ඇති බව මා හට ගැන ගැනීමට ලැබිණි. ඔහු මියගියේ මාගේ නිවසෙහි නිසා මේ වන විට ඒ මියයෑම පාදකකර ගනිමින් දේශපාලන සතුරෝ විවිධ මඩ ප්‍රචාරයන් සහ අවලාද නිර්මාණය කරමින් සිටිති. මාගේ බිරිඳත්, පුතනුවන් හා දියණියන් පාදක කරමින් නිර්මාණයකර ඇති එම මඩ හා අවලාද ඉතාමත් පිළිකුළෙන් යුතුව හෙළා දකිමි.

එසේම මෙම මියයෑම සම්බන්ධයෙන් පැවැති පශ්චාත් මරණ පරීක්ෂණ වාර්තාව ප්‍රසිද්ධ වූවාට පසු මෙම මඩ ප්‍රචාර සහ අවලාදයන් කොතරම් නින්දිත අයුරින් නිර්මාණය කොට ඇතිදැයි ඔබට වැටහෙනු ඇත.

පශ්චාත් මරණ පරීක්ෂණ වාර්තාවෙහි මෙම මරණය ස්වභාවික මරණයක් බවත් එය හෘදයාබාධයකින් සිදුව ඇති බවත් සඳහන්ව තිබේ. සිරුරේ කොටස් රස පරීක්ෂකවරයා වෙත යවා ඇත්තේ හෘදයාබාධය සිදුව ඇත්තේ කවර හේතුවක් නිසාදැයි පරික්ෂා කිරිමටය.

අවසන් වශයෙන් මාගේ දේශපාලන විරුද්ධවාදීන් මෙවැනි අවාසනාවන්ත සිදුවීමක් පාදකකර ගනිමින් ඉහත ආකාරයේ මඩ ප්‍රචාර හා අවලාද මෙහෙයුම් දියත් කරමින් දේශපාලන වාසි ලබා ගැනීමට තරම් පහත් තත්වයකට ඇද වැටිම පිළිබඳව බෙහෙවින් කනගාටු වෙමි.

විමල් වීරවංශ (පා.ම)
නායක, ජාතික නිදහස් පෙරමුණ

18 views

7 Comments to “තරුණයා මිය ගියේ හෘදයාබාදයකින්.. බිරිදට, දුවට, පුතාට ගහන පහත් මඩ පිලිකුල් – විමල්ගෙන් නිවේදනයක්..”

  1. alaya says:

    පිස්සුද බං විමලේ අයියා .. මරන්න ඕනේ නං වෙන කොච්චර ක්‍රම තියෙනවද? …ගෙදරට ගෙනල්ලා මරණ මෝඩ හරක් දැන් දේශපාලනයේ තියා පාතාලයෙවත් නෑ ..කියල ඕනෙ ගොනෙක් දන්නවා, ඔය තප්පුලන ගොන් ඇරුනම

  2. RICHMOND PEIRIS says:

    This is Sri Lanka: the land of the Yahapalaka liars and looters. Your statement is timely and an excellent reply to those liars and looters. Thanks.

  3. Champa says:

    එක දවසක් ප්‍රමාද වෙලා වුනත් මේ නිවේදනය නිකුත් කරපු එක හුගක් හොඳයි. සමහර විට postmortem report එක එනකම් හිටියා වෙන්න පුළුවන්.

    මීට කලිනුත් කියලා තියෙනව වගේ දේශපාලන විරුද්ධවාදීන් කියන දේවල් පැය 24 ක් ඇතුලත බොරුයි කියල කිව්වේ නැත්නම් මිනිස්සුන්ගේ හිතේ විචිකිච්චාවල් ඇති වෙනවා. අනිවාර්යයෙන්ම පිළිතුරක් දෙන්න ඕනේ. කාලය හුගක් වැදගත්. ඒ මොකොද කිව්වා නම් පරක්කු වෙනකොට වෙන්න ඕනේ හානිය වෙලා ඉවර වෙන්න පුළුවන් නිසා. හොඳම උදාහරණය ජනවාරි 8. ඒ ප්‍රතිඵලයට මම නම් මිනිස්සුන්ට බනින්නේ නැහැ. වරද තියෙන්නේ දේශපාලන විරුද්ධවාදීන්ගේ බොරු, බොරුයි කියලා කෙලින්ම කියපු නැති එක පහුගිය ආණ්ඩුවේ පාලකයන් අතේ.

    විමල්ගේ ගෙදර වෙච්ච දේ ගැන තිබුන news එක මම මුලින්ම open කලේවත් නැහැ. Caption එක බලල නිකම් හිටියා. මට ඒකෙ දේශපාලනිකව වැදගත්කමක් පෙනුනේ නැහැ. මම හිතන්නේ දවසක්, දවස් එකහමාරක්ම මම ඒක බැලුවේ නැහැ. ඒ මොකොද කිව්වා නම් නිකම් බලපුවහම ඕනේ කෙනෙකුට තේරෙනවා ඒක පෞද්ගලික ප්‍රශ්ණයක්, අවාසනාවන්ත සිදුවීමක් කියලා. පස්සේ ඊයේ නිකමට බැලුවහම තමයි තේරුනේ ඒක මහා ලොකු දෙයක් කරලා කියලා. (අද වුනත් මට වැදගත් වෙනත් හුඟක් news item තිබුනත්, ඒ හැම එකටම ඉස්සෙල්ල අද නම් වේලාසනම මේකට comment එකක් දාන්න හිතුවා).

    Facebook එකේ එක එක කතා යනවා කියලා කවුද කියල තිබුන. මට නම් facebook බලන්න කාලයක් නැහැ. තාමත් මම දන්නේ නැහැ ඒවායේ තිබුනේ මොනවාද කියලා. මට නම් කොයි දරුවත් මගේ දරුවෙක් වගේ. ලංකාවේම දරුවෝ මගේ දරුවෝ කියලයි මම හිතන්නේ. දේශපාලනිකව විරුද්ධ නම් අපේ රටේ සමහර මිනිස්සුන්ට මොන තරම් පහත් මට්ටමකට වැටෙන්න පුලුවන්ද කියන එක ගැන පුදුම හිතෙනවා.

    හැබැයි ඉතින් පුදුම වෙන්න දෙයකුත් නැහැ. මේ ආණ්ඩුව ආපු දවසේ ඉඳන් කලේ මැරිච්ච මිනිස්සුන්ගෙන් දේශපාලන වාසි ලබා ගන්න එක. තජුඩීන් ගෙන් පටන් අරන් ලසන්තගේ මිනියත් ගොඩ අරන් ආණ්ඩුවේ බත් බැලයෝ බැලුවේ මේකෙනුත් දේශපාලන වාසියක් ගන්න. මේ දරුවාගේත් මිනියේ කටයුතු ඉවර කලාට කලාට පස්සේ, ඒකත් මාසෙකින් දෙකකින් ගොඩ ගන්න වෙන්නැති ඔය හැදුවා කියන කතා හැදුවේ. නෙද්දකින්, ලැජ්ජාවක් නැති කැනහිල්ලු.

    ඇත්තමයි, තජුඩිනුයි ලසන්තයි මැරිලා හිටියේ නැත්නම් මේ ආණ්ඩුව කඩා වැටිලා. ආණ්ඩුව ගෙනියන්නෙ තනිකරම මිනී උඩින්. ඇත්තටම මලමිනී වලට මේ තරම් ආදරේ, මේ තරම් කැමති, මළමිනී නැතුව ජීවත් වෙන්න බැරි මේ ආණ්ඩුවේ මිනී කාක්කා කවුද?

    විමල්, ඔබටත්, ඔබේ බිරිඳටත්, ඔබේ දරුවන්ටත්, ඔබේ දේශපාලන ජීවිතයටත් ඉතාම සුබ අනාගතයක් ප්‍රාර්ථනා කරනවා.

    විමල්, ජාතික නිදහස් පෙරමුණ මහා බැංකු බැඳුම්කර මගඩිය ගැන දරන ස්ථාවරය අපි පාර්ලිමේන්තුවේ දැක්කා . මොකක්ද ඒකාබද්ධ විපක්ෂය ඒ ගැන දරන මතය? මම දැන් ඒකෙ නැතිවුනත්, මහජනතාවගේ පැත්තේ ඉන්න කෙනෙක් විදියට මට දැන ගන්න අයිතියක් තියෙනවා.

    අර්ජුන් මහේන්ද්‍රන්ව මහා බැංකුවෙන් ඉවත් කරන්න කියලා මුළු කොලොඹම හෙලවෙන තරමේ වීදි සටනක් කරපු ඒකාබද්ධ විපක්ෂය 🙂 මේ බැඳුම්කර මගඩියේ මහ මොළකාරයා, රට ජාතිය පාවාදෙන ජාතියේ අළුගෝසුවා රනිල්ව අගමැතිකමෙන් ඉවත් කරන්න කියලා විදි සටනක් තියා “හීන් කෙඳිරියක්වත්” :):):) නඟන්නේ නැත්තේ ඇයි?

    විමල්, පෞද්ගලිකව අපි හොඳ යාළුවෝ වුනාට, ඔබ ඔතන ඉන්නකම්, ඒකාබද්ධ විපක්ෂයේ ඉන්නකම් මම ඔබේ විරුද්ධවාදියෙක් වෙන්න තියෙන සම්භාවිතාව 100:100 යි. මට හොඳටම පුළුවන් දේ විවේචනය. තාම පටන් ගත්තේ නැහැ. පොඩි විහිළුවක් විතරයි කලේ. ඒ කියන්නේ, ජාතික නිදහස් පෙරමුණේ ස්ථාවරය, ඒකාබද්ධ විපක්ෂයේ ශ්‍රීලනිප කණ්ඩායමේ මතය කරගෙන මගේ නිර්දය විවේචන වලට ලක් වෙන්න එපා කියල ඔබට හුඟක් ආදරෙන් කියන්න කැමතියි. ගහන්න ඉස්සෙල්ල ඔළුව අතගාලා, ආදරේ කරලා ගහන පුරුද්දක් මට නැහැ. හැබැයි ඔබත් මං වගේම රටට හුඟක් ආදරේ නිසාත්, රට වෙනුවෙන් ඔබේ මුළු ජීවිතයම කැප කරලා වැඩ කරන නිසාත්, ඔබට විශේෂයක් කළා. රට වෙනුවෙන් සමගි නොවුණු අනිත් කාටවත් මගේ සමාවක් නැහැ.

    • Rider says:

      “මහ බැංකු බැඳුම්කර මගඩියේ කෝප් වාර්තාවේ කරුණු මත රනිල් වික්‍රමසිංහ අගමැතිවරයා සම්බන්ධයෙන්ද වහා පරීක්‍ෂණයක් කළ යුතු යිය පාර්ලිමේන්තු මන්ත්‍රි මහින්දානන්ද අලුත්ගමගේ මහතා පාර්ලිමේන්තුවේදී පැවති මාධ්‍ය හමුවක් ඇමතමින් කියා සිටියේය.”

      • Champa says:

        පරීක්ෂණ කරන්න දෙයක් නැහැ. COPE වාර්තාව තීන්දුවක් දීලා ඉවරයි. රනිල්ගේ ආණ්ඩුව පරීක්ෂණ කරනවා කියන්නේ හොරා ගේ අම්ම ලව්වා තීන්දුවක් ගන්නවා වගේ. රනිල්ට ඕනේ මිනිස්සු දාලා කලින්ටත් වඩා රනිල් clean වෙයි. රනිල්ට ඉල්ලා අස් වෙන්න කියන්නතුව පරීක්ෂණ කරන්න කියනවා කියන්නේ රනිල්ව ආරක්ෂා කරන්න හදනවා කියන එකයි.

  4. HELAYA says:

    ප්‍රථමයෙන්ම අකාලයේ මිය ගිය ඒ තරුණ දරුවා වෙනුවෙන් ඔහුගේ පවුලේ උදවිය වෙත අපේ බලවත් කණගාටුව හා ශෝකය ප්‍රකාශ කර සිටිමු.ඒ තරුණ ජීවිතයට සසරේ සැරි සරණ තාක් කල් මෙවන් අකල් මරණයක් සිදු නොවේවායි පතමු.
    දෙවනුව ඒ දරුවාගේ මෘත ශරීරය වෙන්දේසියේ දමා කාලකන්නි වින්දනයක් ලබන්නට වලි කන සුජාත නොවූ පාහර කැලක් ජීවත් වන දේශයක නැවත නූපදීවා යයි පතමු.
    තෙවනුව ,සුජාත නොවූ නින්දිත පාහරයිනි,ඒ දරුවා නැවත නැවත මරමින් තොප වැනි පාහරයින් විඳිනා අමනෝඥ සතුටට අපි වෛර නොකරමු.සසර ගමනේ තොප වැනි අලජ්ජයින් හමු වන බව සැබෑය​.තොප මේ නින්දා කරන්නේ අන් කවරෙකුටවත් නොව තොප මේ මහපොලවට බිහි කල දෙමාපියන්ටය​.වසල සූත්‍රයට අනුව නම් මිනිසකු වසලයකු වන්නේ උපතින් නොව ඔහුගේ කල් ක්‍රියාවෙන් බව පැහැදිලි කර ඇත​.කාලකන්නි පාපතරයිනි,තොප තාමත් පමා නැත​.නොදන්නේ නම් දන්නා කෙනෙකුගෙන් අසා තොපේ ජීවිත හරි මගට ගන්නට වෑයම් කරව්.

  5. rupe says:

    මිය ගිය ඒ තරුණ දරුවා වෙනුවෙන් ඔහුගේ පවුලේ උදවිය වෙත අපේ බලවත් කණගාටුව හා ශෝකය ප්‍රකාශ කර සිටිමු.ඒ තරුණ ජීවිතයට සසරේ සැරි සරණ තාක් කල් මෙවන් අකල් මරණයක් සිදු නොවේවායි පතමු. Thanks “HELAYA”

Main News