තරුණයෙකුට පහර දී යතුරුපැදිය ගිනිතියයි….

January 8, 2022 at 6:14 am | lanka C news
තරුණයෙකුට පහර දී යතුරුපැදිය ගිනිතියයි….

බේරුවල නල්ල හේන ප්‍රදේශයේ නිවසකට රුපියල් ලක්ෂ තුනහමාරක්පමණ වටිනා යතුරු පැදියකින් පැමිණි 28හැවිරිදි අවිවාහක අයෙකුට පහරදී එම යතුරු පැදියද ගිනි තබා විනාශ කිරීම සම්බන්ධ ප්‍රදේශයෙන් පළා ගොස් සිටින සැකකරුවන් සිව් දෙනකු අත්අඩංගුවට ගැනීමට බේරුවල පොලිසිය පරීක්ෂණ ආරම්භ කර බව කියයි .

මෙම තරුණයාට පහර දී 6 දින රාත්‍රියේ යතුරුපැදිය ගිනි තැබීමට සම්බන්ධ සැකකරුවන් බේරුවල නල්ල හේන පදේශයේ ධීවර වෘත්තියේ නියැලෙන්නන් වන අතර පහර කෑමෙන් තුවාල ලැබූ පුද්ගලයා බේරුවල රෝහලෙන් කළුතර නාගොඩ රෝහලට මාරු කර යවා ඇතැයි පොලිසිය කියයි.

තරුණයාට පහර දීමට හේතුව වී ඇත්තේ මේ වන විට ධීවර රැකියාවට මුහුදු ගොස්සිටින ධීවරයෙකුගේ භාර්යාවක් වන පහර දුන්පාර්ශවයේ අයවලුන්ගේ සොයුරියක්ද වන විවාහක දෙදරු මව පහර කෑමට ලක් වූ තරුණයා සමග සම්බන්ධතාවයක් පවත්වා යමින් එදින රාත්‍රියේ ද එම කාන්තාව එම තරුණයාව නිවසට ගෙන්වාගැනීම බව පොලීසිය අනාවරණය කරගෙන තිබේ.

මෙම තරුණයාට පහර දී ඇත්තේ මෙම කාන්තාවගේ සොයුරන් පිරිසක් වන අතර ඇයගේ සැමියා ධීවර රැකියාවට මුහුදු ගොස් සිටියදී එම තරුණයාව රාත්‍රියේ නිවසට ගෙන්වා සිටියදී ආරවුල ඇතිවී පහරදී ඔහු පැමිණි යතුරුපැදිය ටදගිනිතබා ඇතැයි පරීක්ෂණ සිදුකරන පොලිසිය කියයි.

මෙලෙස පහර කෑමට ලක් වූ තරුණයා බහු කාර්ය සහායක තනතුරේ සේවය කරන්නෙකු බවත් අවිවාහකයකු වන ඔහු දියලගොඩ ප්‍රදේශයේ අයෙකු බව පොලිසිය කියයි.

යතුරුපැදිය ගිනි තැබීමට සම්බන්ධ එම කාන්තාවගේ සොයුරන් වන සැකකරුවන් අත්අඩංගුවට ගැනීමට පොලීසිය ආරක්ෂක කැමරා දර්ශන ඔස්සේ පරීක්ෂණ ආරම්භ කර තිබේ .

බේරුවල පොලිස් ස්ථානාධිපති ලලිත් පත්මකුමාර මහතාගේ උපදෙස් මත පොලිස් පරීක්ෂක ධම්මික ද සිල්වා උප පොලිස් පරීක්ෂක ශාවින්ද යන මහත්වරු ඇතුළු කණ්ඩායමක් සිද්ධිය සම්බන්ධයෙන් පරීක්ෂණ සිදුකරයි .

– අලුත්ගම තුසිත කුමාර ද සිල්වා

14,378 views

One Comment to “තරුණයෙකුට පහර දී යතුරුපැදිය ගිනිතියයි….”

  1. බන්ඩා says:

    මෙවැනි තගා වැඩ වලට දැඩි දඬුවම් දිය යුතුය්.

Leave a Comment

Main News