තලතා අධිකරණයට බලපෑම් කරන්න එකග වෙලා.. සමස්ථ ඇමති මණ්ඩලයම අධිකරණයට අතපොවයි…

August 27, 2017 at 9:20 am | lanka C news
තලතා අධිකරණයට බලපෑම් කරන්න එකග වෙලා.. සමස්ථ ඇමති මණ්ඩලයම අධිකරණයට අතපොවයි…

තලතා අතුකෝරල මහත්මිය නව අධිකරණ ඇමතිවරිය ලෙස පත් කිරීම ගැන පාර්ලිමේන්තු මන්ත‍්‍රී උදය ගම්මන්පිල මහතා මෙසේ අදහස් පල කලේය.

තලතා අතුකෝරල ඇමතිතුමිය පිළිබද අපිට පෞද්ගලික ප්‍රශ්නයක් නෑ. හැබැයි කාරණා 2ක් මතුවෙනවා. ව්ජේදාස රාජපක්ෂ ඇමතිතුමා ඉවත් කරන්නේ ඔහු අධිකරණයටත් නීතිපති දෙපාර්තුමේන්තුවටත් බලපෑම් කිරීම ප්‍රතික්ෂේප කරපු නිසා. ලංකා ඉතිහාසයේ තමන්ගේ රාජකාරි වැරදි විදිහට කළේ නෑ කියලා චෝදනාවක් ඉවත් කල ප්‍රථම ඇමතිවරයා. එහෙම නම් අපිට සාධාරණ සැකයක් තියෙනවා තලතා අතුකෝරළ ඇමතිතුමියට මේ අමාත්‍යංශය බාර දෙන්න ඇත්තේ එතුමිය අධිකරණයට නීතිපති දෙපාර්තුමේන්තුවට බලපෑම් කරන්න එකගතාවය පල කල නිසා කියලා. අනෙක් පැත්තෙන් එතුමියට අල්ලස් දුෂණ කොමිසම යටතේ අපි ටොප් ටෙන් ව්‍යපෘතිය යටතේ පැමිණිල්ලක් ඉදිරිපත් කරලා තියෙනවා. අල්ලස් හා දුෂණ කොමිසමට උපදෙස් දෙන්නේ නීතිපති දෙපාර්තුමේන්තුව. නීතිපති දෙපාර්තුමේන්තුව තියෙන්නේ අපේ අතුකෝරාල ඇමතිතුමිය යටතේ ඉතින් එවැනි චෝදනාවට ලක් වුණු ඇමතිවරියකට නීතිපති දෙපාර්තුමේන්තුව බාර දීම යහපාලනය නැත්නම් යමපාලනයද කියලා අපිට ආණ්ඩුවෙන් අහන්න සිද්ද වෙනවා.

විශේෂ අධිකරණ කියන්නේ අලුත් දෙයක් නෙවෙයි. අපි දන්නවා කෙටි නඩු ඇසීම විතරක් නෙවෙයි දැන් අපේ මේ වාණිජ මහ අධිකරණය තියෙනවා. රුපියල් ලක්ෂ 50කට වැඩි මුදල් ගණුදෙනු නඩු වාණිජ අධිකරණයේ අහනවා. ඒ වගේ විශේෂ අධිකරණ අහන්න පුළුවන් විශේෂ කාරණයකට. අපිට විශේෂ අධිකරණයක් හදන්න පුළුවන් ත්‍රස්තවාදය පිලිබද නඩු අහන්න නමුත් අපිට කියන්න බෑ වේල්ලුපිල්ලේ ප්‍රභාකරන්ට වෙනුවෙන් විශේෂ අධිකරණයක් හදන්න කියලා. මෙතන රාජ්‍ය  දේපල සම්බන්දයෙන් සිදුවන දුෂණ වලට වෙනම අධිකරණයක් හැදීම ප්‍රශ්නයක් නෙවෙයි. ප්‍රශ්නය වුණේ පසුගිය ආණ්ඩුවේ කියලා නිශ්චිත පුද්ගල කොට්ඨාසයක් ඉලක්ක කර ගැනීම එක ආණ්ඩුක්‍රම ව්‍යවස්ථාවේ 12(1) වගන්තියට සපුරා පටහැනියි. නීතිය ඉදිරියේ සියළු දෙනාම සමානයි කියන කාරණයට සපුරා පටහැනියි. ඒ නිසා  එවැනි දේවලට ඉඩ නෑ. ඇමතිමන්ඩලය තීරණය කරලා  ත්‍රීපුද්ගල විනිශ්ච මණ්ඩලයක් අපි මහා අධිකරණයේ පත් කරනවා කියලා. නමුත් ඒක කරන්න ඇමති මණ්ඩලයට බලයක් නෑ. ඒ බලය තියෙන්නේ නීතිපතිවරයාගේ බලය යටතේ අගවිනිසුරුතුමාට පමණයි. එතකොට අද මේ ඇමති මණ්ඩලය එක්කෙනෙක් දෙන්නෙක් නෙවෙයි සමස්ථ ඇමති මණ්ඩලයම අධිකරණයට අතපොවලා ඉවරයි ඒ තිරණයත් සමග.

– අරවින්ද අතුකෝරල

304 views