තවත් ඇගළුම් පොකුරක් පත්තු වෙයි.. 34කට කොරෝනා.. සේවකයන් හයදහසක් නිරෝධායනයේ..

November 2, 2020 at 3:26 am | lanka C news
තවත් ඇගළුම් පොකුරක් පත්තු වෙයි.. 34කට කොරෝනා.. සේවකයන් හයදහසක් නිරෝධායනයේ..

හොරණ පිහිටි බොඩිලයින් ඇඟළුම් කර්මාන්ත ශාලාවෙන් කොරෝනා ආසාදිතයන් 34 දෙනෙකු ඊයේ දිනයේ හඳුනාගෙන තිබේ.

කලින් දිනයේ එම කර්මාන්ත ශාලාවෙන් එක් ආසාදිතයෙකු හමුවීමෙන් පසු සිදු කල පරීක්ෂණ වලින් මේ බව හෙළි වී ඇත.

එම කර්මාන්ත ශාලාවේ සේවකයන් හයදහසක් පමණ සේවය කරයි.

ආසාදිතයන් හමු වීම හේතුවෙන් කර්මාන්ත ශාලාව වසා දමා සේවකයන් සියළු දෙනාම නිවෙස් නිරෝධායනයට යොමු කර ඇත.

හොරණ සෞඛ්‍ය වෛද්‍ය නිලධාරියා සදහන් කරන්නේ මෙම කර්මාන්ත ශාලාවට වෛරසය පැමිණි ආකාරය හෙලි වී නැති බවයි.

මෙහි ආසාදිතයන් මිනුවන්ගොඩ හෝ පෑලියගොඩ පොකුරට සම්බන්ධ නැති බවත් ඔහු පැවසීය.

මේ ගැන එම කර්මාන්ත ශාලාවේ පරිපාලනය විසින් නිකුත් කර ඇති නිවේදනය මෙසේය.

සේවා නියුක්තිකයන් පිරිසකට COVID-19 වැළඳී ඇති බව තහවුරු වීමත් සමග හොරණ බොඩිලයින් (පුද්.) සමාගම වහා නිසි පියවරයන් අනුගමනය කරයි.

MAS සමූහ ව්‍යාපාරය කවදත් සිය ප්‍රමුඛත්වය ලබාදෙනුයේ සාමාජික සාමාජිකාවන්ගේ ආරක්ෂාව වෙනුවෙනි. හොරණ පිහිටි බොඩිලයින් කර්මාන්තශාලාවටද මෙය එලෙසම අදාළ වන අතර, ඒ වෙනුවෙන් දැඩි සෞඛ්‍ය හා ආරක්ෂි​ත ක්‍රමවේද එහි ක්‍රියාත්මක කර තිබේ. ප්‍රදේශයේ මහජන සෞඛ්‍ය පරීක්ෂකවරුන් විසින් සතිපතා එහි අධීක්ෂණ කටයුතු සිදුකරන ලද අතර, මිනුවන්ගොඩ COVID-19 පොකුර සම්බන්ධ තොරතුරු අනාවරණය වීමත් සමග අහඹු PCR පරීක්ෂණ 550 කට අධික සංඛ්‍යාවක්ද සිදුකරන ලදි. කර්මාන්තශාලාව තුළ COVID-19 ආසාදිතයන් සිටී නම් ඔවුන් කල්තබා හඳුනා ගැනීම මෙම සියලු ක්‍රියාමාර්ග වල අරමුණ විය.

මේ ආකාරයට සිදුකරන ලද අහඹු PCR පරීක්ෂණ මාලාවකදී, අපගේ සාමාජිකයෙකුට COVID-19 රෝගය වැළඳී ඇති බවට හඳුනා ගැනුණු බව, හොරණ සෞඛ්‍ය වෛද්‍ය නිලධාරීතුමන් විසින් ඔක්තෝබර් 30 සිකුරාදා දින රාත්‍රියේදී අප වෙත දැනුම් දෙන ලදි. එ​ය තහවුරු කරගැනීමෙන් අනතුරුව බොඩිලයින් සමාගමේ කළමනාකාරීත්වය විසින් වහාම පහත සඳහන් පියවර ගනු ලැබිණි.

සෞඛ්‍ය බලධාරීන් විසින් අදාළ පුවත තහවුරු කරනු ලැබීමෙන් අනතුරුව, ඔක්තෝබර් 31 සෙනසුරාදා දින රාත්‍රියේ සිට වහා ක්‍රියාත්මක වන පරිදි කර්මාන්තශාලාව වසා දැමීමට කළමනාකාරීත්වය පියවර ගත් අතර, අදාළ සාමාජිකයාගේ ආශ්‍රිතයන් හඳුනාගැනීමේ කටයුතු ආරම්භ කරන ලදි.

අදාළ සාමාජිකයා ඇසුරු කළ 200 දෙනෙකු පමණ ස්වයං නිරෝධායනයට යොමුකරන ලද අතර, සෞඛ්‍ය බලධාරීන් සමග එක්වී ඔවුන් PCR පරීක්ෂණ වලට ලක්කිරීමට පියවර ගැනිණි.

මෙම සාමාජික සාමාජිකාවන් 200 දෙනා අතරින්, අදාළ පුද්ගලයාගේ සමීපතමයන් ලෙස හඳුනා ගන්නා ලද 145 දෙනෙකු PCR පරීක්ෂණ වලට ලක්කරන ලදි.

මේ ආකාරයට PCR පරීක්ෂණ වලට ලක්කළ 145 දෙනා අතරින් 34 දෙනෙකුට COVID-19 රෝගය වැළඳී ඇති බව නොවැම්බර් 01 ඉරිදා දින තහවුරු විය.

ඒ අනුව, නැවත දැනුම් දෙනතුරු කර්මාන්තශාලාව වසා දැමීමට කළමනාකාරීත්වය විසින් පියවර ගන්නා ලද අතර, සාමාජික සාමාජිකාවන් පුළුල් ලෙස PCR පරීක්ෂණ වලට ලක්කිරීම, කර්මාන්තශාලාව දැඩි ලෙස විෂබීජහරණය කිරීම සහ සෞඛ්‍ය බලධාරීන්ගෙන් නිසි අවසරය ලැබීම යන පියවරයන් සම්පූර්ණ කිරීමෙන් පසුව පමණක් එය නැවත විවෘත කිරීමට කටයුතු කෙරෙනු ඇත.

අප මේ වනවිට හොරණ ප්‍රදේශයේ සෞඛ්‍ය අංශ හා පොලිස් අංශ සමග සමීපව කටයුතු කරමින් සිටින අතර, ඔවුන්ගේ උපදෙස් අනුව ඉදිරි පියවර ගැනීමට නියමිතය. සෞඛ්‍ය අමාත්‍යාංශය සමග එක්වී තත්ත්වය සමීපව නිරීක්ෂණය කිරීමටත්, අපගේ කර්මාන්තශාලා මෙන්ම සමස්ත සමාජය තුළ COVID-19 රෝගය පැතිරීම වැළැක්වීමට අවශ්‍ය සියලු පියවර ගැනීමටත් අපි දිගින් දිගටම කටයුතු කරන්නෙමු.

51,330 views

8 Comments to “තවත් ඇගළුම් පොකුරක් පත්තු වෙයි.. 34කට කොරෝනා.. සේවකයන් හයදහසක් නිරෝධායනයේ..”

  1. Peter says:

    Ooka sambanda vishwaye tharu pokurakata !
    Ape samaje nam neme !!

  2. නාරද says:

    හැම දෙයක්ම ජනාධිපති හොයන්න ඔන කරන රටක් මේක. ලජ්ජයි. මුව ආවරණ ගැලවීමට සහ නිරෝධායන නීති නොසැලකීමට හේතු වුනේ දේශපලාකයන්ගේ ක්‍රියාකාරකම් සහ මාධ්‍යය. දැන් දැන් පෙනෙන සෞඛ්‍ය නීති රැකීම සංදර්ශනයක් සහ නීතිය ඉදිරියේ දී ගැලවීමට පලිහක්. බුද්ධි අංශ සෙවිල්ලෙන් සිටීම වටී

    • cobra says:

      ඉන්දියාවෙන් ලංකාවට ලැබුණු තෑග්ග කොරෝනා …තවත් ඇගළුම් පොකුරු පත්තු වෙයි. ඉන්දියාව ගැන විශ්වාස නොතැබිය යුතුයි

  3. SacR says:

    Kawadda me kalakanniyo tika gampahata curfew ayn karanne?

  4. වීල් මල්ලිලා says:

    යකෝ අපේ ත්‍රීවීල් ආයේ නම් ෆෝවීල් දාලවත් ගොඩගන්න බෑ..දැන් මාස ද‌ෙකක් හයර් නෑ.
    හයර් නැතිව අපි ෆයර් ව‌ෙලා ඉන්නේ හරී…

    • John the baptice says:

      සමහර ත්‍රිවිල් රියදුරෝ මිනිසුන්ගෙන් වැඩි මුදල් අයකිරීමේ සාපය ..ඔවුන් රුපියල් 150 ගන්න ඕන දුරට 450 අයකරනවා …විදේශිකයින්ගෙන් අයකරන්නේ ඔවුන්ට ඕන විදිහට ..විදේශිකයෝ පවසන්නේ ලංකාවේ හුගක් මිනිස්සු මුදල් ගසා කන අවස්ථාවාදීන් කියලා ඒ කතාව ඇත්ත ..ගාල්ලේදී එය මටත් සිදු වුනා විශේෂයන් මුස්ලිම් ජාතිකයෝ

  5. Kamal says:

    It is MAS Bodyline

  6. Chandana says:

    This factory name is wrong please correct ot

Main News