ත්‍රීවිල් බිල්පත්-මීටර අනිවාර්ය කිරීම අගමැති වෙන්න හීන දකින නිදිමත ඇමතිගේ මෝඩ තීරණයක්…

April 20, 2018 at 3:50 pm | lanka C news
ත්‍රීවිල් බිල්පත්-මීටර අනිවාර්ය කිරීම අගමැති වෙන්න හීන දකින නිදිමත ඇමතිගේ මෝඩ තීරණයක්…

ත්‍රීවිල් මීටර් මාර්ග ආරක්ෂාවට අදාළ වුයේ කෙසේදැයි සමස්ත ලංකා යතුරුපැදිකරුවන්ගේ සංගමය ප‍්‍රශ්න කරයි.

ජනාධිපති මෛත‍්‍රිපාල සිරිසේන මහතා වෙත ලිපියක් යොමු කරමින් එම සංගමය මෙසේ ප‍්‍රශ්න කර ඇත.

අදාල සම්පූර්ණ ලිපිය මෙහි දැක්වෙයි.

අතිගරු ජනාධිපතිතුමා,
ජනාධිපති මන්දීරය,
කොළඹ.

අතිගරු ජනාධිපතිතුමනි,

ත්‍රීවිල් මීටර් මාර්ග ආරක්ෂාවට අදාළ වුයේ කෙසේ ද?

අද දින සිට ත්‍රීරෝද රථ සඳහා මීටර් අනිවාර්ය කිරීමට මාර්ග ආරක්ෂාව පිළිබඳව ජාතික සභාවේ සභාපති වෛද්‍ය සිසිර කෝදාගොඩ මහතා කටයුතු කර තිබේ.

වෛද්‍ය සිසිර මෙම කට යුත්ත සිදු කරන්නේ මීටර් ව්‍යාපාර සමඟ සබඳතා ඇති ත්‍රීරෝද රථ සංගම්වල උවමනාව මත බව දෙරණ අලුත් පාර්ලිමේන්තු වැඩ සටහනකට ඔවුන් එකතු වූ අවස්ථාවේ රටේ ජනතාවට ද පැහැදිලි විය.

දැනට තිබෙනා මීටර් පාරිභෝගිකයා රවටා වැඩි පුර දූර වැටෙන ලෙස වෙනස් කිරීමේ හැකියාව හා ඒ සඳහා ප්‍රසිද්ධ ව්‍යාපාර තිබේ. ඇතැම් දුෂ්කර පලාත්වල ත්‍රීරෝද රථ රියදුරන් අය කරන්නේ දුරට නොව අදාළ එක් ගමනකට ය, මාර්ගයේ පසුබිම අනුව, ඒ ප්‍රදේශයේ මිනිසුන්ගේ ආර්ථික තත්ත්වයට ගැළපෙන ලෙස ය. එම නිසා සමස්ත ත්‍රීරෝද රථ කර්මාන්තයට ම ත්‍රීවිල් මීටර් අනිවාර්ය කිරීම අගමැති වීමට සිහින දකිමින් නිදියන ඇමතිවරයා ගත් ඉතාමත් මෝඩ තීරණයක් බව අපි දැඩි ලෙස අවධාරණය කර සිටිමු. මීටර් නොමැති ත්‍රීරෝද රථවල යෑමට කිසිවකුට ජනතාවට බල කර නොහැක. එසේ යෑම හෝ නොයෑම රජයේ නියාමනයක් නොව ජනතාවගේ අයිතියකි. මිල නියාමනයක් නොමැතිව හා වෙනස් කෙරූ මීටර් ඇති පසුබිමක මීටර් අනිවාර්ය කිරීම නිසා අවාසිය සිදුවන්නේ ජනතාවටම ය. උක්ත සංගම් සමඟ එක්ව රජය ජනතාවට වෙනුවෙන් එය කරන්නේ නම් ඉස්සෙල්ලාම අනිවාර්ය විය යුත්තේ මීටර් සඳහා පලාත්/ප්‍රදේශ/ගමනාන්තය අනුව ත්‍රීරෝද රථවල මීටර් සඳහා මිල නියාමනයක් ය, මීටර් සඳහා ප්‍රමිතියක් ය.

යහපාලන රජයේ ආයතනයක් වන මාර්ග ආරක්ෂාව පිළිබඳව ජාතික සභාවේ විෂය පථයට ත්‍රීරෝද රථ මීටර් අනිවාර්ය කිරීම අදාළ වූයේ කෙසේ ද යන්න වහාම රටේ ජනාධිපතිවරයා ලෙස රටේ මහජනතාවට පැහැදිලි කර දෙන ලෙස අපි ඔබෙන් ඉතාමත් ගෞරවයෙන් ඉල්ලා සිටිමු.

යතුරුපැදිකරුවන්ගේ මාර්ග ආරක්ෂාව පිළිබඳව ඍජු කාරනා වලදී ඒ පිළිබඳව කිසිදු අවබෝධයක් නොමැතිව, මීටර් කිරීමට උඩ ගෙඩි දෙන ඩීල් කාර ත්‍රීරෝද සංගම් සමඟ එක්ව ලෝකයේ අනාරක්ෂිතම වාහනය ත්‍රීරෝද රථය වෙනුවට ආදේශ කරන වැඩ කටයුත්ත පසුපස ද අවාසනාවකට ඇත්තේ ද මාර්ග ආරක්ෂාව පිළිබඳව ජාතික සභාවයි.

ව්‍යාපාරික ඩීල් අනුව තීන්දු ගන්නා මුදල් අමාත්‍යාංශයේ ඉන්න පණ්ඩිත නිලධාරීන්ට, දේශපාලන ඩීල් හා ව්‍යාපාරික ඩීල්වලට යටත් නොවන අප සංගමය වෙත විශේෂ ඒකකයක් තුළින් ප්‍රවාහන අමාත්‍යාංශයේ හා රථවාහන පොලිසියේ තීන්දු හා තීරණ ගැනීමේ/වෙනස් කිරීමේ හැකියාව මාස තුනකට භාර දෙන්නේ නම් රටේ මාර්ග අනතුරු 10%-15% අඩු කර පෙන්වීමේ හා මෝටර් රථ දෙපාර්තමේන්තුවේ දූෂණය 50% අඩු කර පෙන්වීමේ විද්‍යාත්මක හා සමාජීය දැනුම සහිත සැලැස්මක් හා පිරිසක් අප සංගමයේ මධ්‍යම කමිටුවේ හා බාහිර කමිටුවේ ඇති බව අපි දැනුම් දී සිටිමු. මෙම ඡේදය ඇතමෙකුට විහිළුවක් වනු ඇති නමුත් යථාර්ථය ඔවුන්ට, දූෂණය රජ කරවීමට, යහපාලන රජය විනාශ කිරීමට හා ඔබ වැනි පොදු අපේක්ෂකයකු නැවත රටේ ඇති නොකිරීමට විශාල උවමනාවක් ඇත. ඔබගේ හා අගමැතිවරයාගේ යහපාලනයෙන් නිදහස ලැබුණේ මහජනතාවට හා ඔවුන්ගේ අයිතිවාසිකම්වලට නොව, රජයේ දූෂිත නිලධාරීන්ට හා රටේ සමස්ත දූෂණයට බව මේ ත්‍රීවිල් මීටර් සිද්ධිය ලංකවේ ඉතිහාසයට එක් වන කදිම නිදසුනකි.

මෙයට,
චිරන්ත අමරසිංහ, සභාපති

107 views

7 Comments to “ත්‍රීවිල් බිල්පත්-මීටර අනිවාර්ය කිරීම අගමැති වෙන්න හීන දකින නිදිමත ඇමතිගේ මෝඩ තීරණයක්…”

  1. samantha says:

    me ka gahanne meter wwalin padu wena ayai.

    • අමෙර් says:

      මේ සංගමේ එකා රස්සාවක් කරන්නේ නැතිව අර සිංහල බෞද්ධකම විකුණන් කන උන් වගේ ජීවත් වෙන එකෙක්, මීඩියා රිලීස් එකක් ගහලා පොර කියලා හිතනවා

  2. රටට හිතවත් says:

    මොවුන් ගේ කිඹුල් කඳුළු හෙලීමේ නම් සීමාවක් නැත!!!! මම වරක් මහරගම සිට නාවින්නට මීටර් නැති ත්‍රී වීලර් එකකින් ගියෙමි. ගාස්තුව රුපියල් දෙසීයකි!!!(200/-, දුර 1.2km පමණ). නාවින්නේ සිට මම පයින්ම විජේරාම හන්දියට ගියෙමි(දුර 1.0km පමණ, මට මීටර් සහිත ත්‍රී වීලරයක් මුණ නොගසුනි). විජේරාම හංදියේ සිට මට ආපසු මහරගමට ඒමට වාසනාවට මෙන් මීටර් සහිත ත්‍රී වීලරයක් ලැබිණ. ගාස්තුව රුපියල් එකසිය හයකි!!!(106/-, සමස්ත දුර 2.2km පමණ). ඉතිං තවත් මොන සාක්ෂිද???

  3. RAtawesiyar says:

    emati wedak netha asadarana gasthu aya karana aparadawalata udaw dena minissu marana ugathkamak nethi threeweel karayo, anunta kunuharupen banina awineetha kudu bona me aya mattu nokoloth api anathure
    neethiyaithamath hondayi

  4. climax says:

    This 3 wheeler mafia must be ended…every passenger 3 wheeler must be fitted with a reliable meter…otherwise their licenses must be canceled

  5. Asoka says:

    මම මහනුවර දුම්රිය ඉස්තානයේ සිට උසාවි සංකීරණයට මීටර් නොමැති ත්‍රී වීල් එකක ගියා. මගෙන් රුපියල් 400ක් ගත්තා. (500ක් කියලා 400කට අඩු කරගත්තා) එනකොට මීටර් ත්‍රී ව්හීල් එකකින් ආවා. රුපියල් 122යි ගත්තේ. කොළඹ දුම්රියපොළේ ලේක් හවුස් පැත්තේ දොරටුවෙන් මම දැක්කා දුම්රියෙන් ආපු සුද්දෙක්ගෙන් එතන ඉඳලා ගෝල් ෆේස් හෝටලය ලඟට යන්න රුපියල් 2000ක් කියලා 1500ක් ගත්තා. එතනනම් තනිකර මාෆියාව

  6. Open mind says:

    මොහු ඒකාබද්ධයේ සිටියා නම් වෙබ් කාරයො නිහඬයි

Main News