තෙල් ලීටරයකින් රුපියල් 30ක් පාඩුයි.. නාවල පාරේ විවෘත විශ්ව විද්‍යාලය ඉදිරිපිට ඉන්ධන පිරවුම් හලේ පොම්පවලට සීල් තබයි…

January 18, 2018 at 8:03 am | lanka C news
තෙල් ලීටරයකින් රුපියල් 30ක් පාඩුයි.. නාවල පාරේ විවෘත විශ්ව විද්‍යාලය ඉදිරිපිට ඉන්ධන පිරවුම් හලේ පොම්පවලට සීල් තබයි…

කොළඹ රාජගිරිය – නාවල මාර්ගයේ විවෘත විශ්ව විද්‍යාලය ඉදිරිපිට පිහිටි ලංකා ඛනිජ තෙල් නීතිගත සංස්ථාවේ බෙදුම්කාරිත්ව ධුරය දරන ඉන්ධන පිරවුම්හලේ පොම්ප සියල්ලට සීල් තැබීමට ලංකා ඛනිජ තෙල් නීතිගත සංස්ථාව අද රාත්‍රියේ (17) පියවර ගනී.

ඉන්ධනහල්වල පොම්ප යොදා ගනිමින් බවුසර රථවලට භූමිතෙල් පැටවීම නීතිවිරෝධී ක්‍රියාවකි. එම වරද නාවල ඉන්ධන පිරවුම්හලේ සිදු කෙරුණු බව විශේෂ හදිසි වැටලීම් ඒකකය විසින් අනාවරණය කර ගෙන ඇත. ඒ සම්බන්ධයෙන් වූ පරීක්ෂණ අවසන් වන තුරු ඉන්ධන පිරවුම්හලේ පොම්පවලට සීල්තැබූ බවද ලංකා ඛනිජ තෙල් නීතිගත සංස්ථාව කියා සිටී.

මේ වන විට භූමිතෙල් ලංකා ඛනිජ තෙල් නීතිගත සංස්ථාව විසිල් අලෙවි කරනුයේ එක් ලීටරයකින් රුපියල් 30ක පමණ පාඩුවක් ලබමිනි. එය පාඩුවකට වඩා මහජනතාවට ලබා දෙන සහනයක් ලෙස ලංකා ඛනිජ තෙල් නීතිගත සංස්ථාව සලකයි.

එසේ තිබියදී මහජනතාවට ලබාදෙන සහනය අයුතු ලෙස කූට පුද්ගලයින් අවභාවිත කිරීම ගැන විශේෂ අවධානයක් යොමුවී ඇතැයි ලංකා ඛනිජ තෙල් නීතිගත සංස්ථාවේ සභාපති දම්මික රණතුංග මහතා පවසයි.

එබැවින් මෙවැනි අක්‍ර‍මිකතා සිදු කරන්නන්ට එරෙහිව ආයතනික නීතියත් රටේ නීතියටත් අනුව දැඩිව ක්‍රියා කිරීමට අපේක්ෂා කරන බවද ඔහු අවධාරණ කරයි.

මතභේදයට තුඩුදුන් ඉන්ධන පිරවුම්හලේ පොම්පවලට සීල් තැබීම හේතුවෙන් මහජනතාවට සිදුවන අපහසුතාව ගැන කණගාටුව ප්‍ර‍කාශ කරන බවද ලංකා ඛනිජ තෙල් නීතිගත සංස්ථාව පවසයි.

– තමීර මංජු

53 views

7 Comments to “තෙල් ලීටරයකින් රුපියල් 30ක් පාඩුයි.. නාවල පාරේ විවෘත විශ්ව විද්‍යාලය ඉදිරිපිට ඉන්ධන පිරවුම් හලේ පොම්පවලට සීල් තබයි…”

  1. Saman Kumara says:

    Oya Nawala Petrol Shed eka pattama hora shed ekak. Wahapu ekama loku deyak. Okun 4000ka petrol gahanna kiwwoth 2000kawath petrol gahanne naha.

  2. නයා.... says:

    ලංකාවෙ තියෙන හොරම පෙට්‍රල් ශෙඩ් එක තමයි නාවල විවෘත්ත විශ්ව විද්‍යාලය ඉදිරිපිට ශෙඩ් එක.
    ඕකුන්ගෙ බල පත්‍ර අහෝසි කරන්න ඕනේ.

    පෙට්‍රල් පොම්ප කාරයගෙ ඉඳලා අයිතිකාරයෝ වෙනකම්ම හොරු රැලක්.

    ඔය ශෙඩ් එක ගැන ෆේස් බුක් එකේ අනන්ත වාරයක් පෝස්ට් පල වෙලා තියෙනවා එක එකාට කල හොරකම් ගැන

  3. Thushari says:

    I have faced many incidents where they have overcharged. You should be extremely watchful when you pump petrol from there ,the moment you take your eye away they cheat. Best to avoid the place.

Main News