දක්‍ෂ කාර්යශූර මට මඩ ගහනවා.. මේ රටේ දේශපාලනය හරිම නෝටියි.. අම්ම කිවුවා දේශපාලනයෙන් ඉවත් වෙන්න කියලා..

October 18, 2018 at 1:20 pm | lanka C news
දක්‍ෂ කාර්යශූර මට මඩ ගහනවා.. මේ රටේ දේශපාලනය හරිම නෝටියි.. අම්ම කිවුවා දේශපාලනයෙන් ඉවත් වෙන්න කියලා..

මේ රටේ දේශපාලනය කරන්න අමාරුයි. අම්මත් කියනවා මට දේශපාලනයෙන් ඉවත්වෙන්න කියා යෑයි ජාත්‍යන්තර වෙළෙඳ කටයුතු රාජ්‍ය ඇමැති සුජීව සේනසිංහ මහතා ඊයේ (17 දා) පැවැසීය.

අධිවේගී දුම්රිය ව්‍යාපෘතියක්‌ සඳහා ආයෝජන මණ්‌ඩල අනුමැතිය ලබාදීමට සීයට දහයක කොමිස්‌ මුදලක්‌ ඉල්ලූ බවට තමාට චෝදනා එල්ලවීම සම්බන්ධයෙන් කරුණු පැහැදිලි කිරීම සඳහා ඊයේ (17දා) ආයෝජන මණ්‌ඩල ශ්‍රවණාගාරයේ පැවැති මාධ්‍ය හමුවකට එක්‌වෙමින් රාජ්‍ය අමාත්‍යවරයා මේ බව ප්‍රකාශ කළේය.

වැඩිදුරටත් අදහස්‌ දැක්‌වූ අමාත්‍යවරයා මෙසේද කීවේය.

මේ මාධ්‍ය හමුවේ අඬනවාද, හිනාවෙනවාද කියල හිතෙනවා. අපේ රටට ටේ්‍රන්, බස්‌ කියලා ව්‍යාපෘති එනවා මේවාට එකවර අනුමැතිය දීමට බැහැ. කාටහරි ව්‍යාපෘතියකට අනුමැතිය නොලැබී ගියහොත් මාධ්‍ය ගෙන්වලා මාධ්‍ය හමු පවත්වනවා. මාධ්‍යත් සොයා බැලීමක්‌ නැහැ මේවා ප්‍රචාරය කරනවා.

මේ දුම්රිය ව්‍යාපෘතියට ආයෝජන මණ්‌ඩලයේ මූලික ඇගයීම් කමිටුවකින් තමයි අනුමැතියට යවන්නේ. ඊළඟට එය තනි කවුළු ආයෝජන අනුමත කිරීමේ කමිටුවට ඉදිරිපත් කිරීමට නිර්දේශ කරනවා. එහිදී මේ ආයතනය 2017 මාර්තු 21 වැනිදා ඉදිරිපත් කළ අයදුම්පතට අදාළව අනුමැතිය ලබාදීමට ආයෝජන මණ්‌ඩලය අවශ්‍ය කරන වාර්තා මේ ආයතනයෙන් අවස්‌ථා තුනකදී ඉල්ලා තියෙනවා. එය ලබා නොදීම නිසා ප්‍රතික්‍ෂේප කර තිබෙනවා.

මෙහි ආයෝජනය යූරෝ බිලියන 5 ක්‌ (ඇමරිකන් ඩොලර් මිලියන 25 ක්‌) මෙපමණ ආයෝජනයක්‌ වුණත් අවශ්‍ය ලිපි ලේඛන ලබානොදී අනුමැතිය දෙන්න බැහැ. ආයෝජන මණ්‌ඩලයට ව්‍යාපෘතියට මුදල් රැගෙන එන ආකාරය, එම මුදල් වියදම් කරන ආකාරය ඇතුළු වාර්තා රැසක්‌ ලබාදෙන්න ඕන. නමුත් මේ ආයෝජනය සඳහා සංකල්පයක්‌ පමණයි ඉදිරිපත් කරල තියෙන්නේ. සංකල්පවලට අනුමැතිය දෙන්නේ නැහැ. සොයා බැලීමක්‌ නොකර අනුමැතිය දීම තුළින් නොයෙක්‌ බදු සහන යටතේ වෙනත් දේ රටට එන්න ඉඩ තියෙනවා.

මේ ව්‍යාපෘතිය ක්‍රියාත්මක කරන ආයතනයේ අධ්‍යක්‍ෂවරු කවුද කියලා නැහැ. මෙවැනි තත්ත්වයක්‌ තමයි සිදුවී ඇත්තේ. මම ඉතාලියේ විදෙස්‌ සමුළුවකට සහභාගි වී දේශනයක්‌ අවසන් කර ප්‍රශ්න ඇසීමට ලබාදුන් අවස්‌ථාවේ මේ ව්‍යාපෘතිය ගැන විමසීමක්‌ කළා. එම අවස්‌ථාවේ විදේශ නියෝජිතයන් සිටි නිසා පසුව ඒ ගැන සාකච්ඡා කරමු කියා මම කිව්වා. ඉතාලි ජාතිකයන්ට ඉංගී්‍රසි දැනුම නැහැ. භාෂා පරිවර්තකයෙක්‌ හරහා ඔය ව්‍යාපෘතියේ අධ්‍යක්‍ෂවරයෙක්‌ ලෙස පෙනී සිටි අයෙක්‌ ව්‍යාපෘතිය ආරම්භ කරන්න මෙරටින් අක්‌කර 7000 ක්‌ ඉල්ලුවා. ඒ සමඟම ඔහු සමඟ කතා කරනවිට ඔහුට අක්‌කර 1500 ක්‌ මෙරට තියෙන බව කිව්වා. මමත් නීතිඥයෙක්‌ නිසා ඔහු කරන ප්‍රකාශ අසත්‍ය බව වැටහී ගියා.

ඇමැති මලික්‌ සමරවික්‍රම, මම, ආයෝජන මණ්‌ඩලයේ ඉහළ නිලධාරීන් ව්‍යාපෘතිය රටට ගේන්න අල්ලස්‌ ඉල්ලන කතාවක්‌ ගියා. මම මේ ලංකාවේ පුද්ගලයෝ කවුද කියලා හොයලා බැලුවා. මට ජාඇල ප්‍රදේශයෙන් මේ පුද්ගලයෝ ගැන තොරතුරු ලැබුණා.

මේ තුන්දෙනාම රාජ්‍ය, පෞද්ගලික බැංකු ඇතුළු මූල්‍ය ආයතන කිහිපයකින් ණය ලබාගෙන ණය නොගෙවීම නිසා ක්‍රිබ් එකට ඇතුල්වී සිටින අය බව පෙනී ගියා. ඇතැම් මූල්‍ය ආයතන විසින් මේ වන විටත් නඩු පවත්වාගෙන යනවා. මෙවැනි පුද්ගලයන් ද මෙතරම් විශාල ව්‍යාපෘතියක්‌ රටට ගේන්න යන්නේ. මින් එක්‌ අයෙක්‌ ආයෝජන මණ්‌ඩල ව්‍යාපෘතියක්‌ ලෙස සොසේජස්‌ කර්මාන්ත ශාලාවක්‌ ආරම්භ කිරීමට යෑයි කියා මිලියන 25 ක්‌ වංචා කිරීම සම්බන්ධයෙන් කොළඹ දිසා අධිකරණයේ නඩුවක්‌ පවත්වාගෙන යනවා.

මට තියෙන දුක මෙවැනි වංචාකාරී ඕනෑම පුද්ගලයකුට මාධ්‍ය හමුවක්‌ පවත්වා ඕනෑම අයකුට මඩ ගහන්න තියෙන අයිතිය රටේ පැවතීමයි. මට බොරු චෝදනා කරලා කීර්ති නාමය නැති කරලා. මේ සිද්ධියෙන් මගේ අම්මා මානසික පීඩනයට පත්වෙලා. මට රටේ දේශපාලනය කරනවාද නැද්ද කියලා හිතා ගන්න බැරිව ඉන්නේ. අම්මා නම් කියන්නේ ඉවත්වෙන්න කියලා.

– divaina

73 views

29 Comments to “දක්‍ෂ කාර්යශූර මට මඩ ගහනවා.. මේ රටේ දේශපාලනය හරිම නෝටියි.. අම්ම කිවුවා දේශපාලනයෙන් ඉවත් වෙන්න කියලා..”

  1. අම්මපා හොල්මන් උබට මඩගදක්ද දැනෙන්නේ ඕවා කූ කද...අයියා ..යා says:

    අම්මපා හොල්මන් උබට මඩගදක්ද දැනෙන්නේ ඕවා කූ කද…අයියා ..යා…ඔයාගේ නහයත් නැතිද?

  2. කොපර්-නිකස් says:

    පුතේ,උඹ ගෙදර වරෙන්.මේ ගෙදර තියෙන දෙයක් කාල බීල නිදහසේ ඉන්න බලපං.වත්ත පහල කෙහෙල් ගස්වල කෙහෙල් කැන් ඉදිල සත්තු කනව.උඹ උන්නනම් එක කෙහෙල් ගෙඩියක් අපතෙ යන්නෙ නෑනෙ මගෙ පුතේ.උඹ පොඩි කාලෙ කෙහෙල්වලට කොච්චර ආසද​? පුංචි කාලෙ උඹේ පුංචි යාළුවො උඹට බනානා කියල නමකුත් දාල තිබුන මතකද පුතේ.ඒ තරම්ම උඹ කෙහෙල්වලට ආසයි. ඒ කාලෙ අපේ ගෙදර තියෙන මහ තඹ හැලියට වතුර පුරවගෙන උඹ දිය කෙලින හැටි මට තාම මතකයි.ඒ තඹ හැලිය දැන් ගේ පිටිපස්සෙ තනිවෙලා.උඹ කොලොම්පුරේ තව දුරටත් හිටියොත් මොකක් හරි බැඳුම්කරේකට අහුවෙයි කියල මට බයයි මගෙ පුතේ.උඹේ ඇත්ත නැත්ත පොත මං හත් අට වතාවක් කියෙව්ව​.ඒත් මට ඒකෙ ඇත්ත නැත්ත තාම හොයා ගන්න බැරි උනා.ඒක කියවන කොට මාව කරකවල අතෑරිය වගේ දැනෙනව මගෙ පුතේ. උඹ රෑ නිදි මරාගෙන පොත් ලියපුවට හම්බ වෙච්ච චෙක් මාරු කරල වෙනම ගිණුමක මං දාල තියෙන්නෙ.හදිස්සියක් වෙලා ඒකෙන් මං පන්දාහෙ කොල දෙක තුනක් ගත්ත.ඒ කොලවලත් අත්සන් කරල තියෙන්නෙ අර චෙක්වලට අත්සන් කරපු කෙනාම කියල දකින කොටයි මට ඇත්ත නැත්ත වැටහුනේ.උඹ ගෙදර එනව නම් කෝච්චිවල එන්න එපා පුතේ.කොහොමටත් එක්ස්ප්‍රස් කෝච්චිවල නම් එන්නම එපා. උඹව එක්ස්ප්‍රස් කෝච්චියකින් වැටෙනව මං හීනෙනුත් දැක්ක.ඒත් ඒක මං ගනන් ගන්නෙ නෑ, මං හීනෙන් දැකල තියෙන්නෙ ඉතාලි කෝච්චියක්. උඹ ගෙදර වරෙන් අපිට කරන්නම දෙයක් නැති උනොත් උඹ පුංචි කාලෙ නාපු තඹ හැලිය විකුණල හරි අපි ජීවත් වෙමු.දැන් තඹ හරි ගනන්.

  3. Nihal says:

    Please don’t go ..

Main News