දමිතා විශේෂ කුටියට කැමැත්තෙන්ම ගිය බව හෙලිවෙයි..

September 18, 2022 at 10:00 am | lanka C news
දමිතා විශේෂ කුටියට කැමැත්තෙන්ම ගිය බව හෙලිවෙයි..

රංගන ශිල්පිනී දමිතා අබේරත්න වැලිකඩ බන්ධනාගාරයේ කාන්තා අංශයේ රඳවා ගෙන සිටි විශේෂ අංශයේ සිරකුටියට යොමු වූයේ ඇයගේම කැමැත්තෙන් යැයි ඇය කළ ප්‍රකාශය සම්බන්ධව බන්ධනාගාර දෙපාර්තමේන්තුව පවත්වන පරීක්ෂණවලදී අනාවරණය වී තිබේ.

තමන්ව ‘ජරා ගැහැනුන්‘ සිටින තැනකට දමන්නැයි බන්ධනාගාර උසස් නිලධාරීන් වැලිකඩ බන්ධනාගාරයේ ජේලර්වරියකට පැවැසී යැයි කරන ප්‍රකාශය පිළිබඳ බන්ධනාගාර කොමසාරිස් ජනරාල් තුෂාර උපුල්දෙණිය මහතාගේ නියමයෙන් ඇරැඹි පරීක්ෂණයේදී මේ තොරතුරු අනාවරණය වී ඇත.

විශේෂ අංශයේ සිරකුටියක ඇයව රඳවා තැබීමට දමිතා අබේරත්න මහත්මිය කැමැත්ත පළ කළ බවත් ඒ අනුව ඇයව එම සිරකුටියේ රඳවා තැබූ බවටත් බන්ධනාගාර නිලධාරිනියන් ලොග් සටහනක් තබා ඇතැයිද මෙතෙක් කර ඇති විමර්ශනවලදී අනාවරණය වී තිබේ. මේ පිළිබඳ කරුණු පැහැදිලි කළ බන්ධනාගාර දෙපාර්තමේන්තුවේ උසස් නිලධාරියකු පැවසුවේ බන්ධනාගාර තුළ ‘ජරා ගැහැනුන්‘ යැයි කොටසක් නොවන බවත් ඔවුන් යම් වරදක් කර සිරදඬුවම් නියමව බන්ධනාගාරගත වූ කාන්තාවන් බවත්ය.

බන්ධනාගාර නිලධාරීන් ඔවුන්ව සමාජයේ යහපත් පුරවැසියන් බවට පත් කිරීමට කටයුතු යොදන බවත් එම නිලධාරියා කීය. දමිතා අබේරත්න අරගලයේ පෙරමුණ ගෙන ක්‍රියා කළ අයකු බැවින් බන්ධනාගාරය තුළ වෙනත් දේශපාලන මත දරන රැඳවූ කාන්තාවන් වේ නම් ඔවුන්ගෙන් ඇයට ජීවිත තර්ජන එල්ල විය හැකි නිසා ඇයගේ ආරක්ෂාව පතා විශේෂ අංශයට යොමු කළ බවත් එම නිලධාරියා වැඩිදුරටත් පැවසීය.

මේ සම්බන්ධව වැලිකඩ බන්ධනාගාර අධිකාරිවරයාගේ මූලිකත්වයෙන් විමර්ශන කටයුතු කරමින් පවතී.

– Dinamina

50,048 views

18 Comments to “දමිතා විශේෂ කුටියට කැමැත්තෙන්ම ගිය බව හෙලිවෙයි..”

  1. Thulsi says:

    boru ban okige..boru kihaniliyak oki.samaja madya pumbanawa mekiwa

Main News