දඹුල්ලේ කෝටිපති ව්‍යාපාරිකයාගේ මරණයට සැකපිට ව්‍යාපාරික බිරිද අත්වඩංගුවට ගනි..

November 22, 2018 at 2:10 pm | lanka C news
දඹුල්ලේ කෝටිපති ව්‍යාපාරිකයාගේ මරණයට සැකපිට  ව්‍යාපාරික බිරිද අත්වඩංගුවට ගනි..

අදින් වසර දෙකට ආසන්න කාලකට පෙර ජනවාරි පලමු වෙනිදාට දිනකට පෙර 2016 දෙසැම්බර් 31 දින ගෙලවැලා ගෙන මිය ගිය දඹුල්ල නගරයේ විසු ප්‍රකට තරුණ ව්‍යාපාරිකයෙකු වු පාදුක්කේ දොන් චන්දන සමන් ගුණවර්ධණ මහතාගේ මරණයට සැකපිට එම මහතාගේ තරුණ බිරිද මාතලේ පොලිස් අපරාධ අංශයේ නිලධාරින් විසින් අත්වඩංගුවට ගෙන ඇත.

ඒ සමග ඇගේ අනියම් සැමියායැයි කියන පුද්ලගයකුද අත්වඩංගුවට ගෙන ඇත.

මොවුන් විසින් වසර දෙදකට පෙර සිදුවු ව්‍යාපාරිකයාගේ මරණයට සැකපිට අත්වඩංගුවට ගෙන ඇත් තේ පොලිසිය මගින් සිදුකල දීර්ඝ විමර්ෂණයකින් අණතුරුවයි.

මෙම තරුණ ව්‍යාපාරික කාන්තාවද කැකිරාව ප්‍රාදේශය සභාවේ එජාප මංත්‍රිවරයෙකුගේ සහොදරියක් ලෙසින් පොලිසිය හදුනාගෙන ඇතැයි පැවසේ.

මෙම ව්‍යා පාරිකයාගේ මරණය පිලිබදව සිදුකල පශ්චාත් මරණ පරික්ෂණයේදි එය ගෙලවැලාගැනිමක් නොවන බවත් ඝාතනයක් විය හැකි බවට වෛද්‍යවරුන් නිගමනය කොට තිබුණ අතර මිය ගිය ව්‍යාපාරිකයාගේ සහෝදරයා හා මව විසින්ද පොලිසියට හා පොලිස් පතිවරයාට පැමිණිලි කරමින් එම මරණය සැක සහිත බවත් පරික්ෂණ සිදු කරණ ලෙසත් ඉල්ලා සිටියේය.

මෙම පිලිබදව පිරික්ෂණ කල දඹුල්ල පොලිසියේ නිලධාරින්ට අමතරව මාතලේ පොලිස් විශේෂ අපරාධ විමර්ෂන ඒකකය මගින් පරික්ෂණ සිදුකරණ ලද අතර එහි ප්‍රථිපලයක් ලෙසට මෙම සැකකරිය හා සැකකරු අත්වඩංගුවට ගෙන ඇත.

සැකකාර පුද්ගලයා දුරකථන අලවිකරන්නෙකු වශයෙන් සිටි පුද්ගලයකු බවද තිදෙරු පියෙකු බවත් මහනුවර ගලගෙදර ප්‍රදේශයේ පදිංචිව සිට ඇති අතර ඔහුගේ දරුවන් හා බිරිද ඇතැර මිය ගිය ව්‍යාපාරිකයාගේ බිරිද සමග ඇසුරක් පැවැත්වු පුද්ගලයකු බව පොලිස් පරික්ෂණ වලින් අනාරවරනය කොටගෙන ඇත.

මෑත කාලයේ මෙම සැකකරුවන් දෙදනාම විසින් රඹුක්කන ප්‍රදේශයේ කෘෂි උපකරණ හා ද්‍රව්‍ය අලවි සැලක් පවත්වගෙන ගොස් ඇතිබවත් පොලිසිය කියයි

අත්වඩංගුවට ගත් පුද්ගලයින් දැනට දඹුල්ල පොලිසියේ රදවා සිටින අතර ඔවුන්ව දඹුල්ල මහෙස්ත්‍රාත් අධිකරණයට ඉදිරිපත් කිරිමට නියමිතය
සිද්ධිය පිලිබදව මාතලේ දිස්ත්‍රික් පොලිස් අපරාධ විමර්ෂන එකය මගින් වැඩිදුර පරික්ෂණ සිදු කරයි

– දඹුල්ල මහින්ද උදයසිරි

197 views