ද්විත්ව පුරවැසියෙකුට ජාතික ලයිස්තුවෙන් පාර්ලිමේන්තු එන්න බෑ කියා 19 සංශෝධනයේ නෑ…

September 13, 2020 at 12:00 pm | lanka C news
ද්විත්ව පුරවැසියෙකුට ජාතික ලයිස්තුවෙන් පාර්ලිමේන්තු එන්න බෑ කියා 19 සංශෝධනයේ නෑ…

ද්විත්ව පුරවැසි භාවය ඇති පුද්ගලයකු ජාතික ලැයිස්තුවෙන් පාර්ලිමේන්තුවට පිවිසීමට නොහැකි බව 19 ව්‍යවස්ථා සංශෝධනයේ සඳහන්ව නැතැයි රාජ්‍ය අමාත්‍ය ජානක වක්කුඹුර මහතා සඳහන් කරයි.

19 සංශෝධනයේ සඳහන්ව ඇත්තේ ද්විත්ව පුරවැසියෙකුට මැතිවරණයකට තරග කර පාර්ලිමේන්තුවට තේරී පත්වීමට නොහැකි බව පමණක් බවද ඔහු පැවසීය.

මෙරට උපන් පුද්ගලයෙකුට, මේ රටේ ඡන්ද හිමිකම ඇත්තෙකුට පාර්ලිමේන්තුවට යන්න බැරි කුමන හේතුවක් නිසා දැයි ඔහු ප්‍රශ්න කරයි.

හිටපු මහ බැංකු අධිපති අර්ජුන් මහේන්ද්‍රන් අඩුම තරමේ ශ්‍රී ලාංකික පුරවැසිභාවය වත් නොතිබූ පුද්ගලයෙකු බවද ඔහු සඳහන් කළේය.

ඒ මහතා මේ බව සඳහන් කළේ ඇෂිළිපිටියේදී පැවති මාධ්‍ය හමුවක් අමතමිනි.

20 සංශෝධනයට ඡන්දය දීම සඳහා 160කට ආසන්න පිරිසක් දැනටමත් සිටින බවත් එය සම්මත කිරීම හැකිනම් විපක්ෂයට නතර කරන ලෙස ද ඇමතිවරයා කියා සිටියේය.

43,300 views