දැඩි රැකවල් මැද මධූෂ් ශ‍්‍රී ලංකාවට…

April 6, 2019 at 10:33 pm | lanka C news
දැඩි රැකවල් මැද මධූෂ් ශ‍්‍රී ලංකාවට…

පාතාල කල්ලි නායක මාකඳුරේ මධූෂ් ඩුබායි පොලීසියේ දැඩි රැකවරණය මැද ශ්‍රී ලංකාවට එවන බව ඩුබායි රජය විදේශ අමාත්‍ය තිලක් මාරපන මහතාට දැනුම් දී ඇත.

මධූෂ් මෙරටට ගෙන්වා ගැනීම සම්බන්ධයෙන් ඩුබායි බලධරයන් සමඟ සාකච්ඡා කිරීම සඳහා එරටට ගිය විදේශ අමාත්‍ය තිලක් මාරපන මහතාට මේ බව දැන්වූයේ එරට විදේශ අමාත්‍ය අන්වර් බීන් මොහොමඩ් මහතාය.

මධූෂ් ලංකාවට එවීමට පෙර ඒ ගැන ශ්‍රී ලංකා රජය දැනුම්වත් කරන බවත් දැඩි ආරක්ෂාව මධ්‍යයේ කොළඹට ගෙන එන බවත් ඩුබායි විදේශ අමාත්‍යවරයා දන්වා තිබේ.

මේ සිද්ධියට අදාළව ජනාධිපති මෛත්‍රීපාල සිරිසේන මහතා විසින් ඩුබායි ජනාධිපතිවරයා වෙත යවන ලද විශේෂ ලිපියක් ද අමාත්‍ය මාරපන එරට විදේශ අමාත්‍යවරයාට භාර දුන්නේය.

කෙසේ වෙතත් මධූෂ් ශ්‍රී ලංකාවට නොඑවන ලෙස ඉල්ලා ඔහු විසින් පවරා ඇති අභියාචනාව මෙම මස 18 දා විභාග කිරීමෙන් අනතුරැව ඒ ගැන තීන්දුවක් ගැනීමට ඉඩ ඇතැයි ඩුබායි ආරංචි මාර්ග වැඩිදුරටත් කියයි.

– deshaya

147 views